Soy kökü, yurd-yuvası, dünyada tayı-bərabəri olmayan məkrli və hiyləgər ermənilərin çar Rusiyası tərəfindən torpaqlarımızda yerləşdirilməsinin 200 illik bir tarixi var. Bu illər ərzində ermənilər həmişə torpaqlarımızı ələ keçirmək iddiasında olublar. Sürəkli Azərbaycan toponimlərini dəyişdirərək özünküləşdirməklə, azərbaycanlılara qarşı etnik dözümsüzlük siyasəti yeridiblər.
Tarixi səhifələri vərəqləsək görərik ki, 1905-1907, 1918-ci illərdə ermənilərin Azərbaycanda törətdikləri cinayətlər xüsusi qəddarlığı ilə seçiliblər. Həmin illərdə on minlərlə soydaşımız soyqırımın qurbanı olmuş, yüzlərlə yaşayış məntəqəsi dağıdılmışdı. 1948-1953-cü illərdə 150 mindən çox azərbaycanlı qədim İrəvan xanlığına məxsus, Ermənistandakı öz tarixi torpaqlarından deportasiya olunaraq Kür-Araz düzənliyində yerləşdirilmişdi. 1988-ci ildə Ermənistanda yaşayan 250 min azərbaycanlı bir gecənin içində doğma ocağından zorla çıxarılmışdı.1988-cı ildə doğma tarixi dədə-baba yurdlarından didərgin salınmış göyçəlilər respublikamızın 31 bölgəsinə səpələndi, onların əksər hissəsi Göygöl, Goranboy, Tərtər rayonlarında məskunlaşdı, bəziləri isə paytaxt Bakıya üz tutdular. Doğma yurdlarından didərgin salınmış göyçəlilərdən biri də Cəfərov Fariz İdris oğlunun ailəsi oldu. Onlar Goranboy rayonunun Qaraçinar kəndinə pənah gətirmişlər. Cəfərov Farizin beş övla vardı: üç oğlu və iki qızı.Oğlu, Cəfərov Tacir 2001-ci il fevralın 9-da Goranboy rayonunun Qaraçinar kəndində anadan olmuşdur. Orta məktəbi bitirdikdən bir müddət sonra hərbi xidmətə yollanan Tacir, İkinci Vətən Müharibəsində Azərbaycan Ordusunun Əsgəri kimi iştirak etmişdir. 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi və Azərbaycanın ərazi bütövlüyünün bərpa olunması zamanı başlanan Vətən müharibəsində,xüsusən də Füzulinin azadlığı uğrunda gedən döyüşlərdə qəhrəmancasına savaşıb. Bu şərəfli döyüş yolu bir ay çəkib, oktyabr ayının 27-də Füzuli-Xocavənd istiqamətində baş verən ağır döyüşlərin birində Şəhidlik zirvəsinə ucalmışdır. Nəşi bir gün sonra ailəsinə təhvil verilib və oktyabrın 29-da Goranboy şəhər qəbiristanlığında torpağa tapşırılıb.
Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin Sərəncamına əsasən Tacir Cəfərov ölümündən sonra "Vətən uğrunda", "Xocavəndin azad olunmasına görə", " Füzulinin azad olunmasına görə", "Cəsur döyüşçü", o cümlədən III dərəcəli "Vətənə xidmətə görə" ordenləri ilə təltif edildi.
Artıq onun şəhadətindən dörd il keçir. Öz canını Vətən torpaqlarının azadlığı uğrunda ərmağan edən Vətənin igid, qəhrəman oğlu, Vətən səni unutmayacağıq! Ruhun şad olsun!
Rübabə Şirinovafəlsəfə üzrə fəlsəfə doktoru,dosentAMEA Məhəmməd Füzuli adına Əlyazmalar İnstitutu
