QHT üç aylıq layihə həyata keçirir
Gəncə şəhərində "Valideynlərini itirmiş və valideyn himayəsindən məhrum olmuş uşaqların psixoloji reabilitasiyası" adlı üç aylıq layihə həyata keçirilir. Layihənin təşkilatçısı "Kimsəsiz Uşaqların Sosial Müdafiəsi" İctimai Birliyi, maliyyə dəstəkçisi isə Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyidir. Layihə çərçivəsində Gəncə Uşaq Evindəki uşaqlara psixoloji reabilitasiya xidməti həyata keçirilir. İxtisaslı psixoloq tərəfindən aparılan reabilitasiya xidməti 12 mövzunu əhatə edir. Bu gün psixoloji reabilitasiyanın dördüncü mövzusu "yeniyetmələrdə stress ve onun idarə edilməsi" mövzusuna həsr edildi.
Bildiyimiz kimi, stress çətin vəziyyətlərlə qarşılaşdığımız zaman bədənimizin və zehnimizin yaşadığı təzyiq və ya gərginlik hissidir. Stress bir anlıq gerçəkləşən bir şeydir.Və orta əsrlər xristian inancında ən ağır haldır. Əslində stress bədənimizin çətin vəziyyətdə qarşılaşdığı təzyiq və keçirdiyi gərginlik hissi olduğu qeyd edilir. Yeniyetmə övladımızla münasibətlərin yaxşı və ya çətin olmasına baxmayaraq, onları sevdiyimizi və hər zaman dəstək verdiyimizi, çətin zamanlardan keçmək üçün kömək edə biləcəyimizi və daima yanında olacağımızı göstərmək çox vacibdir. Bunun üçün onlarla daha çox ünsiyyət yolları tapmaq, daha çox birlikdə zaman keçirmək, nə istədiklərini, nə düşündüklərini, nə hiss etdiklərini və s. ilə maraqlanmaqla onların yanlarında olmağınızı hiss etdirmək vacib şərtdir.Yeniyetmə yaş dövründə olan uşaqların xoşa gəlməyən hərəkətləri çox olduğu kimi ,onların xoşa gələn hərkətlərini qabarıq şəkildə dilə gətirmək və tərifləmək (rəğbətləndirmək) lazımdır. Valideynlərin yeniyetmə övladlarına dəstək olması üçün yeniyetmə psixologiyasının əsaslarını bilmələri vacibdir.Bunlara fiziki dəyişikliklər, sosial münasibətlər, duyğusal inkişaf, şəxsiyyət axtarışı, risk alma və qərar vermə, empatiya, ünsiyyət bacarıqlarının inkişafı, məsuliyyət aid edilir. Yadda saxlamaq lazımdır ki, hər bir yeniyetmə unikaldır və valideynlər səbrli, təmkinli, həssas və uşaqların fərdi ehtiyaclarına uyğunlaşmağa hazır olmalıdırlar. Layihə çərçivəsində təşkil olunan reabilitasiyanın dördüncü seansında stressli, özünə qapanan, tez-tez depressiyaya düşən yeniyetmələrlə görüş keçirildi, onlarla geniş söhbətlər aparıldı.
