17/07/2019 09:21
728 x 90

Paşinyanın Avroittifaqı islahat nağılı ilə aldatmaq taktikası baş tutdu – 25 milyon avro da qopartdı...

“Avroittifaq məqsədyönlü şəkildə Paşinyan hökumətinə maliyyə yardımı göstərir”

img

Avropa Birliyi Ermənistana 2019-cu ildə əlavə 25 milyon avro ayıracaq. Bu məlumat AB-Ermənistan Əməkdaşlıq Şurasının ikinci iclasından sonra yayılan ortaq bəyanatda yer alıb.

Şura əlavə yardımı Ermənistanın islahat proqramlarının gerçəkləşdirilməsində qəti mövqeyinə görə ayırdığını bildirib. Bununla bağlı bəyanatda AB Şurasının 2017-2020-ci illərdə Ermənistana 160 milyon avro ayırdığı qeyd olunub. O da bildirilib ki, Ermənistanın islahat proqramına və tərəfdaşlıq barədə genişlənmiş sazişin həyata krçirilməsi ilə əlaqədar olaraq AB 2019-cu ildə illik yardım proqramına uyğun olaraq, bu ölkəyə əlavə 25 milyon avro ayırmağı qərara alıb.

Avropa Birliyi Şurası tərəfdaşlıq barədə genişlənmiş sazişin gələcəkdə tətbiq olunması mühümlüyünü vurğulayıb. Ermənistanla ticarətin genişləndirilməsi üçün genişmiqyaslı və genişləndirilmiş tərəfdaşlıq müqaviləsinin ticarət dövriyyəsini genişləndirmək üçün tətbiq olunmasının vacibliyi göstərilib.

Göründüyü kimi, Paşinyan Avropa təsisatlarını aldada-aldada onlardan pul qoparmaqdadır. Hansı islahatlardan söhbət gedə bilər ki, Paşinyanın bu yöndə gördüyü işlər sosial narazılıqlara səbəb olur. Paşinyan məhkəmələri özündən asılı duruma salacaq addımlar atır. Onun islahatla bağlı dedikləri populizmdən o tərəfə keçmir. Belə olan halda, maraqlıdır, Avroittifaq aldanaraq Ermənistana maliyyə yardımı göstərir, yoxsa məqsədyönlü şəkildə bu yardımlar edilir?

  • Əli Orucov: “Onlar istəmirlər ki, Cənubi Qafqazda iqtisadi baxımdan ən zəif durumda olan Ermənistan daha da geriləsin”

Məsələyə münasibət bildirən AMİP funksioneri Əli Orucovun sözlərinə görə, Avroittifaq məqsədyönlü şəkildə Paşinyan hökümətinə maliyyə yardımı göstərir: “Düşünmürəm ki, Paşinyan Avropa İttifaqını aldada bilir. Bu o qədər də asan və mümkün olan iş deyil. Sadəcə, Avropa İttifaqı Paşinyan hökumətini bəsləyir. Onlar istəmirlər ki, Cənubi Qafqazda iqtisadi baxımdan ən zəif durumda olan Ermənistan daha da geriləsin. O üzdən, müxtəlif proqramlar adı altında Ermənistana maliyyə yardımları edirlər. Paşinyan barədə saxta “islahatçı” imici yaradırlar. Əslində, Avropa təsisatları özləri də yaxşı bilirlər ki, Paşinyan ölkədə islahat aparacaq gücdə deyil. Daxili ziddiyyətlər Ermənistanı getdikcə daha güclü şəkildə sarsıdır. İnqilabdan bir ildən çox ötməsinə rəğmən, Ermənistan hələ də sabitliyə qovuşa bilməyib. Vəd edilən inkişaf yoluna çıxa bilməyib. Mövcud durumda istənilən köklü islahat cəhdi iflasa məhkumdur. Ermənistanın inqilabçı rəhbərliyi reallığı dərk etmək əvəzinə, yenə populist bəyanatlarla ac-yalavac cəmiyyəti “doydurmağa” çalışır. Belə bəyanatlar isə adətən qısa perspektiv üçün uğurlu olur. Avropa təsisatları hesab edirlər ki, bu cür yardımlarla Ermənistanı Rusiyanın təsirindən çıxaracaqlar, amma bu mümkün olan iş deyil. Yaxşı olardı ki, Avropa İttifaqı Ermənistandan Qarabağdakı işğala son qoymağı tələb etsin”.

Vidadi ORDAHALLI

Son xəbərlər