22/08/2019 20:41
728 x 90

Ermənistanla uydurma “DQR” arasında ziddiyyətə dair yeni aldadıcı “erməni versiyası” - şəxsi düşmənçilik…

“Vəziyyət heç də daşnakın dediyi kimi bəsit deyil”

img

Ermənistandakı daxili vəziyyətin gərgin olduğu hamıya məlumdur. Həmin ölkənin öz KİV-i bunun səbəblərindən biri kimi ölkədəki klan savaşını qeyd edir. Heç kimə sirr deyil ki, hazırda Paşinyanla Ermənistan hakimiyyətinin köhnə rəhbərliyinin təmsil olunduğu və şərti adı “Qarabağ klanı” olan dairə arsında açıq qarşıdurma gedir. Bu ziddiyyət ən açıq formada özünü “DQR” - Ermənistan münasibətlərində də büruzə verir.

Artıq hiss olunur ki, Ermənistanın daxilində yaranmış vəziyyətlə bağlı ciddi narahatlıq meydana çıxıb. Daşnak Partiyasının funksionerlərindən olan Kiro Manoyan jurnalistlərə açıqlamasında bildirib ki, buradakı vəziyyətin gərgin olduğunu bir qədər də KİV şişirdib: “Bundan Azərbaycan maksimum yararlana bilər. Hesab edirəm ki, bu məsələdə Ermənistanla “DQR” arasında elə bir ciddi fikir ayrılığı yoxdur. Ziddiyyətin dərinləşməsi daha çox da hər iki tərəfin liderlərinin bir-birinə qarşı bəslədiyi düşmənçilik hissi ilə bağlıdır”.

Göründüyü kimi, erməni siyasətçi maksimum dərəcədə yaranmış qarşıdurmanı malalamağa çalışır. İrəli sürülən versiyanı nə dərəcədə əsaslı saymaq olar?

  • Elşən Mustafayev: “Hakimiyyət uğrunda aktiv mübarizə gedir”

Milli İstiqlal Partiyasının funksioneri Elşən Mustafayev qəzetimizə bildirdi ki, bu məsələdəki ziddiyyət yalnız şəxsi ambisiyalara bağlı olan məsələ deyil: “Söhbət hakimiyyət davasından gedir. Artıq Ermənistanın daxili rəyində hiss edirlər ki, qarşıdurma dərinləşir və bu vəziyyət onlar üçün acı nəticələrə aparıb çıxara bilər. Ona görə də məsələni bir qədər bəsitləşdirməyə çalışırlar. Bu, bir klan savaşıdır. Özü də hakimiyyət uğrunda gedən antoqonist bir mübarizədir.  Paşinyan həmin klanın hakimiyyətdə olduğu dönəmdə həbs edilib. Sonra inqilab edərək onu həbs edən hakimiyyəti devirib. İndi “köhnə qvardiya” öz gücünü səfərbər edərək onu hakimiyyətdən salmağa çalışır. Bəllidir ki, bu ziddiyyətlər öz kulminasiya nöqtəsinə "DQR"in sabiq və yeni liderləri Arkadi Qukasyan və Bako Saakyanın Ermənistanın ikinci prezidenti Robert Köçəryana zamin durması və onun azad olunması üçün lazım olan girovu ödəməsindən sonra çatdı. Həmin hadisədən sonra məlum oldu ki, mübarizənin arxasında açıq şəkildə “DQR”dəki qondarma rejim durur. Hətta tərəflər arasındakı gərginlik o həddə çatıb ki, tərəflər bir-birinin ünvanına işğal altında olan torpaqları Azərbaycana geri qaytara biləcəyini vurğulayır.

Ermənistanın Baş naziri Nikol Paşinyan bəyan edib ki, onun hakimiyyətə gəlişinə qədər Qarabağ "rəhbərliyi" danışıqlar masasında nəyin müzakirə olunduğundan xəbərsiz olub və münaqişənin nizamlanması üzrə sənədlə tanış olmayıb.

Baş nazir bildirib ki, məhz o, qondarma rejimin "rəhbərliyinə" danışıqlar paketini təqdim edib.

O, əlavə edib ki, qondarma rejimin"rəhbərliyinin" və Ermənistanın sabiq rəhbərliyinin dost olmasına və birlikdə rəqs etməsinə baxmayaraq, Xankəndi danışıqlar prosesindən xəbərsiz olub.

Bütün bu açıqlamalar onu deməyə əsas verir ki, Paşinyan köhnə klanın nümayəndələrinin xalqın müqəddəratından uzaq işlərlə məşğul olduqlarını bildirir. Qarşı tərəf də analoji məzmunlu ittihamları Paşinyana ünvanlayır. Deməli, vəziyyət heç də daşnakın dediyi kimi bəsit deyil. Burada hakimiyyət uğrunda aktiv mübarizə gedir. Sadəcə, ermənilər artıq bu ziddiyyətdən Azərbaycanın bəhrələnə biləcəyindən dərin narahatdırlar. Bu səbəbdən də mövzudan saxta versiyalarla yayınmağa çalışırlar. Bunları əsaslı saymaq olmaz”.

Məhəmmədəli QƏRİBLİ

Son xəbərlər