Samir Hümbətov: “O, İran məsələsini qabartsa onda artıq beynəlxalq ictimaiyyət Amerika daxilində İran müharibəsinə qarşı çıxan qrupların olduğunu...”
Ağ Evdə müxbirlərinin ənənəvi şam yeməyi zamanı baş verən silahlı insidentlə bağlı ABŞ prezidenti Donald Tramp bildirir ki, bu hadisənin İran müharibəsi ilə heç bir əlaqəsi yoxdur. O, ona qarşı “sui-qəsd” kimi qələmə verilən bu hücumun İranla heç bir əlaqəsi olmadığını dönə-dönə təkrar edir. Bəlkə də bunun İran müharibəsi ilə əlaqəsi yoxdur, amma Tramp bunu xüsusi həssaslıqla vurğulayır. .
Trampa qarşı “sui-qəsd” kimi təqdim olunan hadisəni törədən adam deyib ki, hədəfi Tramp deyil, komanda üzvləri olub. Amma Tramp “hədəf mən idim” deyir.
Tramp bu hucumun İran müharibəsi ilə bağlı olmadığını niyə israrla qeyd edir?
Tramp bu məsələyə niyə belə həssas yanaşır? Marağı nədir?
Beynəlxalq Münasibətlər və Diplomatiya Araşdırmaları Mərkəzinin rəhbəri, politoloq Samir Hümbətov baki-xeber.com-a Trampın bu cür fikir səsləndirməsinin əsas hədəflərindən biri daxildə ona qarşı yönəlmiş qüvvələri daha çox başqa istiqamətə yönəltməkdir. “Məsələn, o, İran məsələsini qabartsa onda artıq beynəlxalq ictimaiyyət Amerika daxilində İran müharibəsinə qarşı çıxan qrupların olduğunu irəli sürə bilər ki, o da Trampın daxildə və xaricdə ciddi təzyiqlərlə üzləşməsi deməkdir. Böyük ehtimalla bu fikri ona görə daha çox səsləndirir. İkinci məsələyə gəlincə, hadisəni törədən şəxs bilirib ki, mən Trampı deyil, komandasını hədəfə almışdım. Əslində bu absurd yanaşma. Çünki birinci olaraq başda olanı vurmağa çalışarlar. Trampı qoyub Vensi, Rubionu, yaxud bir başqasını hədəfə almaları bir az inandırıcı görsənmir. Təbii ki, hədəf Tramp ola bilər. Amma Trampın sui-qəsdə məruz qaldığını deməsi hətta həmin şəxsin an ağır cəzaya layiq görülməsi, ölüm hökmünə məhkum edilməsi ehtimalını yaradır. Məsələnin bu tərəfi də var”. S.Hümbətov vurğuladı ki, Trampın bu hadisənin İran müharibəsi ilə bağlı olmadığını israrla deməsi səbəbsiz deyil. “Yəni bunun İran müharibəsi ilə əlaqədar olmadığını deməsi onun İran siyasətində ABŞ cəmiyyətinin konsolidasiya olduğunu bildirməyə çalışmasıdır. ABŞ cəmiyyətinin onun İranla bağlı siyasətini dəstəklədiyini deməyə, bunu bu cür qələmə verməyə çalışır”-deyə S.Hümbətov qeyd etdi.
İradə SARIYEVA
