Elşad Həsənov: "Bu iyrənc məsələ Amerika cəmiyyətinin necə eybəcər olduğunu göstərir"
Son bir neçə həftədir ki, bütün dünyada "Epşteyn işi" ətrafında geniş müzakirələr gedir. Cefri Epşteyn işi üzrə ABŞ Ədliyyə Nazirliyi tərəfindən açıqlanan sənədlər illərdən bəri gizli qalan saysız faktları üzə çıxarıb. Dünya mediasında ciddi müzakirə olunan bu sənədlərdə, fayllarda dünyanın populyar şəxslərinin, kral ailəsinin, ABŞ başda olmaqla müxtəlif ölkələrin prezidentlərinin, yüksək vəzifəli məmurlarının, deputatlarının, iş adamlarının, sənətçilərin adları keçir, barələrində bəhs olunur. Bildiyimiz kimi, bu sənəddə Azərbaycanın bəzi indiki və keçmiş məmurlarının, deputatların da adları çəkilir. ABŞ-da "Epşteyn işi" ilə bağlı Ədliyə Nazirliyinin açıqladığı fayllarda eyni zamanda ABŞ dövlət elitasının, biznes adamlarının adının hallandığı elə iyrənc məqamlar var ki, bunlar insanlıq adına yaraşmır. Qeyd edildiyi kimi, bu fayllarda bir çox ölkələrin dövlət elitasının adları iyrənc cinsi məsələlərdə hallanır.
Amerikanın dövlət elitasından hələ kimsə bu biabırçılıqlara görə üzərinə məsuliyyət götürməyib. Öz uşaq vətəndaşlarının taleyini düşünən əxlaqlı dövlət nümayəndələrinin bu biabırçılıqlara münasibəti necə olmalıdır?
Yeri gəlmişkən, Slovakiyanın baş naziri Robert Fitso qalmaqallı amerikalı maliyyəçi Cefri Epşteynlə bağlı sənədlərdə adının çəkilməsindən sonra müşaviri, sabiq xarici işlər naziri Miroslav Lajçakın istefasını qəbul etdiyini açıqlayıb.
Fiko bildirib ki, Lajçak diplomata yaraşan addım ataraq əməkdaşlığa son qoyulmasını özü təklif edib.
Slovakiya mediasının nəşrinin yazdığına görə, açıqlanan materiallarda Epşteyn Lajçakı beynəlxalq təsirə malik şəxs kimi təqdim edib və onu "dostu" adlandırıb.
Bu məlumatlar Slovakiyada siyasi müzakirələrə səbəb olub və nəticədə istefa qərarı verilib. Artıq Avropa ölkələrində "Epşteyn işi"ndə adı çəkilənlər arasında istefaya gedənlər olduğu halda, ABŞ da nə bir etiraf edən var, nə də istefaya gedən.
"Bir neçə dövlətdə "Epşteyn işi" ilə bağlı komissiya yaradılıb və araşdırma aparılır"
Siyasi ekspert Elşad Həsənov baki-xeber.com-a ABŞ-da "Epşteyn işi" ilə bağlı skandal daha da böyüyür, daha geniş miqyası əhatə etməyə başlayır. "Burada insanlıq adına ləkə olan iyrənc bir iş ortaya çıxıb və bu da dünyanın hər yerində ikrah hissi ilə qarşılanır. Bu cür insanlığa sığmayan iyrənc hərəkətləri dövlət başçılarının, məmurların törətməsi utancvericidir. Cefri Epşteyn ABŞ maliyyəçisi və milyorderidir. O, uşaqlara qarşı seksual hərəkətləri məhkəmə tərəfindən sübut olunmuş seks cinayətkarıdır. Epşteyin elit sosial dairənin bir çox qadın və uşaqlarını öz çirkin işlərinə cəlb edirdi, onları cinsi istismara məruz qoyurdu. "Epşteyn işi" məhkəmədə sübut olundu, o uzun müddətlik həbs cəzasına məhkum edildi, 10 avqust 2019-cu ildə həbsxanada intihar etdi. Bu işdə bir çox adamların adları keçir. ABŞ-ın indiki prezidenti Donald Tramp ikinci həyat yoldaşı Melaniya ilə məhz Epşteynin malikənəsində onun vasitəsilə tanış olublar. Bu işdə bir çox ölkələrin məsul şəxslərinin də adları keçir. Epşteynin özü bir neçə xarici ölkədə olub, onlar moda şirkətlərindən gənc model qızları eskrot kimi ABŞ-a aparıblar, bu qızlar yüksək vəzifəli dövlət məmurları, imkanlı şəxslər tərəfindən cinsi istismara məruz qalıblar. Artıq bir çox ölkələrdə bu işlə bağlı hərəkətə keçilib. "Epşteyn işi", uşaqların Amerikaya aparılması ilə əlaqədar Türkiyədə araşdırmaya başlanılıb. Polşa isə artıq dövlət komissiyası yaradıb ki, həmin hadisə, ABŞ-a aparılan oğlan və qızların məsələsi araşdırılsın. Çünki burada Polşanın da adı keçir. ABŞ-ın keçmiş prezidenti Bill Klinton və həyat yoldaşı Hillari Klinton "Epşteyn işi" ilə əlaqədar Konqresə sorğuya çağrılıblar. Konqresə gəlib ifadə verməkdən imtina etdiklərinə görə hətta onların həbs ediləcəyi barədə təhdidlər gəlir. Yanvar ayında Bill Klinton X hesabında yazmışdı ki, mən gəlib orada izahat verəcəyəm. Amma hələ ki, o, bu izahatı verməyib. Konqresin nəzarət komissiyasının sədri onu hədələyərək "əgər gəlib ifadə verməsəniz sizi məhkəməyə verəcəyik və siz həbs olunacaqsınız"-deyib. Yəni iş o qədər böyüyür ki, artıq öz məcrasından çıxır. Burada da bildirilir ki, konqresmenlər məhz Bill Klintonun ifadə verməsində və onun həbs olunacağını israr edəcəklər. Respublikaçılar istəyir ki, Bill Klinton həbs olunsun və məsələ bir az yatsın, Donald Trampın adı bu işdən silinsin"-deyə E.Həsənov qeyd etdi.
E.Həsənov hesab edir ki, bu isə mümkün deyil, çünki bir sıra sənədlərdə, fayllarda Trampın və həyat yoldaşının şəkilləri, məlumatları, zərərçəkmişlərin onlara qarşı verdikləri ifadələr öz yerini alır. "Bu iyrənc məsələ Amerika cəmiyyətinin necə eybəcər olduğunu göstərir. Bu gün belə bir adam ABŞ-a rəhbərlik edir. Amerikada yüksək səviyyələrdə bu məsələni tamamilə ört-basdır etmək istəyirlər. Həmin fayllarda dünyanın ən böyük milyarderlərindən olan Bill Qeytsin də adı keçir, onun da uşaqlara qarşı cinsi istismarda iştirak etdiyi haqda məlumatlar yayılır. Elə bu günlərdə Bill Qeytsin keçmiş həyat yoldaşı da bildirib ki, uşaqlara qarşı cinsi istismara görə məsuliyyət daşıyan hər kəs məhkəmə qarşında cavab verməlidir, bu məsələ dərindən tədqiq olunmalıdır, əgər mənim keçmiş ərim Bill Qeyts də bu işdə günahkardırsa o da cəzasını almalıdır. Yəni bu faktlar onu göstərir ki, təkcə dövlət məmurları yox, həm də böyük var-dövləti olan milyarderlər, iş adamları da bu cinayətlərdə iştirak edib. Eyni zamanda həmin fayllarda bir çox ölkələrin adları keçir. Artıq bir neçə dövlətdə "Epşteyn işi" ilə bağlı komissiya yaradılıb və araşdırma aparılır. Bu rüsvayçı işin daha da genişlənəcəyini və hətta Trampa qarşı çevriləcəyini də düşünürəm"-deyə E.Həsənov qeyd etdi.
İradə SARIYEVA
