Faiq Ələkbərli: "Azərbaycan öz torpaqlarının ərazi bütövlüyünü və suverenliyini bərpa etməklə yanaşı terrorun, separatizmin kökünü kəsib..."
Bu gün dünya dövlətləri arasında Azərbaycan yeganə ölkədir ki, həm torpaqlarını işğaldan azad edib, həm öz ərazi bütövlüyünü və suverenliyini tam bərpa edib, həm də xalqımıza qarşı insanlıq əleyhinə müharibə cinayətləri törədən şəxsləri ədalət məhkəməsi qarşısına çıxarmağa nail olub. Əli Azərbaycan xalqının qanına batan şəxslər ən ağır cinayətlərdə ittiham olunurlar.
Əlbəttə, Azərbaycan onların ədalət mühakiməsi qarşısına çıxarmaqla ədalətin bərpasına nail oldu. Azərbaycan bununla həm də dünyaya göstərdi ki, xalqımıza qarşı insanlıq əleyhinə cinayətlər törədən, soyqırım aktları həyata keçirən şəxslərin heç bir cəzasız qalmır.
"İnsanlıq əleyhinə müharibə cinayətləri törədənləri yalnız zərərsizləşdirməyib, həm də onları müttəhimlər kürsüsündə ədalət mühakiməsinə cəlb edib"
AMEA-nın Fəlsəfə və Sosiologiya İnstitutunun şöbə müdiri, fəlsəfə doktoru, siyasi ekspert Faiq Ələkbərli baki-xeber.com-a bildirdi ki, Azərbaycan öz ərazi bütövlüyünü və suverenliyini tam bərpa etməklə və xalqımıza qarşı ağır cinayətlər törədən şəxsləri ədalət məhkəməsi qarşısına çıxarmaqla çox böyük bir örnək ortaya qoydu. "Çox mühüm haldır ki, Azərbaycan öz ərazisinin bütövlüyünü və suverenliyini tam təmin etdi. Şübhəsiz ki, Azərbaycan xalqının son 100 ildə belə böyük uğur qazanması bizim böyük nailiyyətimizdir. Bu hadisə həm Azərbaycan, həm də dünya tarixində özünə xüsusi yer tutacaq. Bu, Azərbaycan xalqının özünə inamını artırmaqla yanaşı eyni zamanda da beynəlxalq aləmdə Azərbaycan xalqına münasibəti müsbət anlamda xeyli dəyişdi. Dünyaya göstərdik ki, Azərbaycan öz torpaqlarının ərazi bütövlüyünü və suverenliyini bərpa etməklə yanaşı terrorun, separatizmin kökünü kəsib, insanlıq əleyhinə müharibə cinayətləri törədənləri yalnız zərərsizləşdirməyib, həm də onları müttəhimlər kürsüsündə ədalət mühakiməsinə cəlb edibr. Bütün bunların hamısı olduqca önəmli haldır". Azərbaycanın bununla son 100 ilin təkrar olunmaz uğuruna imza atdığını deyən F.Ələkbərli qeyd etdi ki, müharibə canilərinin məhkəmə qarşısına çıxarılması həm də heç bir cinayətin cəzasız qalmadığını göstərdi. "Bu Azərbaycan dövlətinin və xalqının əzmini bütün dünyaya nümayiş etdirən tarixi hadisə kimi yadda qalıb. Bu dünyada və bölgədə də yeni presidentlər yaratdı. Bu gün başqa dövətlər də bizdən nümunə götürürlər, öyrənirlər. Bizə yuxarıdan aşağı ºbaxlarların artıq bunlardan sonra bizə münasibəti 180 dərəcə dəyişib"-deyə F.Ələkbərli bildirdi.
İradə SARIYEVA
