Çox yaxın günlərdə NATO-nun baş katibinin dəyişdirilməsi məsələsi gündəmə gələcək. Mark Rütteni devirəcəklər, ya yox, sonra bilinər. Ancaq böyük ehtimalla Rüttenin NATO baş katibliyindən azad edilməsi məsələsi mütləq gündəmə gələcək. Niyə belə əminliklə danışıram?...
Bunu "Bakı-Xəbər" Media Qrupunun rəhbəri, politoloq Aydın Quliyev öz Facebook səhifəsində yazıb.
A.Quliyev daha sonra yazır:
“Çünki Rütte bu gün "Tramp NATO üçün çox vacib rol oynayır" bəyanatını yayıb. Bu bəyanat elə bir vaxtda yayılıb ki, Tramp NATO-nun ABŞ, Slovakiya və Macarıstan istisna olmaqla qalan 24 ölkəsinin ziddinə olan siyasət aparır. Qrenlandiyanı tutmaq istəyir, Ukraynanı ərazi güzəştlərinə məcbur edir, Avropanı prinsipsizlikdə suçlayır, NATO-nu prinsipsiz təşkilat sayır, nəinki NATO-nun, hətta BMT-nin alternativini yaratmaq istəyir və sair...
Bütün bunların qarşısında Rütte Trampı müdafiə edirsə, onun NATO-da böyük rol oynadığını deyirsə, deməli, Rütte bütün NATO-nun ürəyindən olmayan siyasət aparır. Necə bilirsiz, NATO-nun kollegial orqanları bunu Rütteyə bağışlayar? Bir şərtlə bağışlaya bilər - Rütte "mən Tramp haqda bu bəyanatı onu yanlış yoldan çəkindirmək məqsəsilə düşünərək vermişəm" bəyanatını versə və bu bəyanata NATO rəhbərliyini inandıra bilsə...
Bunları yoxlayın...”
Tahir TAĞIYEV
