Vaşinqton və Tehran arasındakı gərginlik təhlükəli həddə çatır. İsrail kəşfiyyatının məlumatına görə, ABŞ-ın geri çəkildiyi görüntüsü olsa da, yaxın günlərdə ABŞ-ın İrana hərbi hücumu yenidən müzakirə mövzusu ola bilər.
“Axios”a görə, MOSSAD rəhbəri David Barnea İrandakı hadisələri müzakirə etmək üçün ABŞ-a səfər edib. Barneanın səfəri İrandakı etirazlar və rejimin sərt repressiyalarına qarşı mümkün ABŞ hərbi müdaxiləsi ilə bağlı ABŞ və İsrail arasında məsləhətləşmələrin bir hissəsi kimi dəyərləndirilir.
Eyni məlumata görə, Barnea Mayamidə ABŞ və İran arasında birbaşa rabitə kanalını idarə edən Ağ Ev nümayəndəsi Stiv Uitkoffla görüşəcək. Uitkoffun etirazlar zamanı İranın xarici işlər naziri Abbas Arakçi ilə də təmasda olduğu bildirilir. Barneanın bu həftə sonu Floridada ABŞ prezidenti Donald Trampla da görüşəcəyi görüşəcəyi ehtimal edilir.
Barneanın ABŞ-a səfəri çərşənbə günü Trampla Netanyahu arasında İran böhranı ilə bağlı telefon danışığından dərhal sonra baş tutub. Məlumata görə, Netanyahu, İrana mümkün hücuma hazırlaşmaq üçün İsrailə daha çox vaxt qazandırmaq məqsədilə hərbi əməliyyatları ertələməyi xahiş edib.
İsrail qaynaqlı bir mənbə, bununla yanaşı, ABŞ-ın hazırkı planının İran təhlükəsizlik qüvvələrinə hücumları əhatə etdiyini, lakin İsrailin bu planı rejimi ciddi şəkildə zəiflətmək üçün yetərli görmədiyini bildirib. Axios-a görə, ABŞ rəsmilər, İran etirazçılara qarşı təzyiqlərini davam etdirərsə, hərbi variantın masaya gətiriləcəyini bildirir. Lakin İsrail rəsmiləri ertələnmə qərarına baxmayaraq, ABŞ-ın hücumu yaxın günlərdə İrana zərbə endirə biləcəyinə inanırlar.
Bu arada, ABŞ mənbələrinə görə, ABŞ ordusu Trampın hücum əmri verməsi ehtimalına qarşı bölgəyə əlavə müdafiə və hücum qüvvələri yerləşdirir. “Abraham Lincoln” təyyarədaşıyan gəmisi və zərbə qrupu Pentaqonun əmri ilə Cənubi Çin dənizindən Yaxın Şərqə doğru hərəkət edir. Bölgəyə əlavə hava hücumundan müdafiə sistemləri, qırıcı təyyarələr və ehtimal ki, sualtı qayıqların yerləşdiriləcəyi də gözlənilir.
Ağ Evin əlində İrandakı 50 yüksək dəyərli hərbi hədəfin dəqiq coğrafi koordinatlarını ehtiva edən gizli xəritənin olduğu iddia edilir. Bu, yaxınlaşan hərbi eskalasiya ehtimalını daha da gücləndirir.
"Daily Mail" qəzetinin məlumatına görə, Vaşinqtonda yerləşən UANI adlı təşkilat 50 hədəfin göstərildiyi bir dosya hazırlayaraq, yanvarın 12-də səhər saatlarında Ağ Ev rəsmilərinə təqdim edib. Dosyada etirazların yatırılmasının mərkəzi hesab edilən İran İslam İnqilabı Keşikçiləri Korpusunun (SEPAH) qərargahının dəqiq koordinatları yer alır. Bu qərargah ordunun əməliyyat mərkəzi kimi xidmət edir və həmçinin polis qüvvələrinə nəzarət edir.
Hədəf siyahısına paytaxtın müxtəlif ərazilərinə nəzarət edən dörd əsas alt qərargah da daxildir:
- Tehranın şimalında və şimal-qərbində repressiya əməliyyatlarından məsul olan Qüds alt qərargahı; - Cənub-qərbdə Fəth alt qərargahı; - Şimal-şərqdə Nəsr alt qərargahı; - Tehranın cənub-şərqi və mərkəzini idarə edən Qədr alt qərargahı.
Tahran’ın güneydoğu ve orta kesimlerini kontrol eden Ghadr Alt Karargahı.
Bu obyektlərin müəyyən edilməsi ilə birlikdə ABŞ ordusunun SEPAH-ın etirazların yatırılmasını koordinasiya etmə qabiliyyəti ilə bağlı tam "əməliyyat planına" sahib olduğu bildirilir.
Hədəflər arasına Tehranın 22 bələdiyyəsinin hər birinin ərazisində yerləşən yerləşən 23 regional İnqilab Keşikçiləri bazası da daxildir.
UANI-ın hazırladığı siyahıda əməliyyat bölmələri də yer alır:
- Tehranın şimal-şərqində yerləşən Aaleh-e Mohammad Təhlükəsizlik Briqadası, - Şəhərin cənub-şərqində yerləşən Əl-Zəhra Təhlükəsizlik Briqadası.
“Wall Street Journal” qəzetinin məlumatına görə, ABŞ Yaxın Şərqdə yerləşən bölmələrdən “Tomahawk” raketləri, eləcə də ABŞ və xarici bazalardan qalxan qırıcı və bombardmançı təyyarələrlə İrana hücum edə bilər. "Tramp İrana hücuma icazə verəcəyi halda, Pentaqon Yaxın Şərqdəki bölmələrdən “Tomahawk” raket hücumlarına başlaya bilər. Bölgədəki qırıcı təyyarələr və ABŞ-dan qalxa biləcək bombardmançı təyyarələrdə hücuma qoşula bilər" - deyə qəzet yazır.
Tahir TAĞIYEV
