Erməni əsilli iş adamlarının qazandıqları "çirkli pullar"la ABŞ-da və Avropa qurumlarında Azərbaycana qarşı neqativ yönümlü qərar və bəyanatların sponsorları olduqları artıq çoxdan təsdiqini tapmış faktlardandır. Bəzi dinləyici ("obuvatel") səviyyəli cəmiyyət nümayəndələri elə bilir ki, Qaspar Karampetyan, Aleksis Ohanyan, Vartan Sirmakes və digər erməni əsilli iş adamları Ermənistanda yasayan erməni icmasının inkişafını hədəfləyərək ABŞ və Avropada Azərbaycana qarşı fəaliyyət göstərirlər. Bu kökündən yanlış fikir və təsəvvürlərdir.
Məsələ tamamilə tərsinədir - əslində erməni iş adamlarının varlanmasının və fəaliyyətinin əsas sponsoru ABŞ və Avropa ölkələrini idarə edən anqlosakson mafiyadır. Buna türklər "dərin dövlət" və ya "şeytani ağıl" da deyirlər. Bu mafiya nə zaman Azərbaycanı "vurmaq" istəyirsə dərhal erməni əsilli iş adamlarını hərəkətə keçirirlər. Onlara illərlə yaradılan imkanlar hesabına qazandıqları pulların 15-20 faizini avropalı və amerikalı deputatlara və digər vəzifəli şəxslərə xərcləyərək Azərbaycana qarşı qərarlar, qətnamələr və bəyanatlar qəbul etdirirlər. Mexanizm tam şəkildə bu cür işləyir. Bəziləri bunu "ermənilərin fərasəti" kimi qiymətləndirirlər. Amma belə deyil, sadəcə olaraq mafiya ona görə sponsor qismində erməniləri seçir ki, Azərbaycana qarşı fəaliyyətini Ermənistan-Azərbaycan münaqişəsi ilə maskalaya, kamuflyaj edə bilsin. Əgər belə olmasaydı avropalı erməni əsilli iş adamları kasıb Ermənistan vətəndaşlarını aldadıb, gümanı gələn son ümidini - mənzil almaq üçün verdiyi pulu oğurlamazdı, əksinə, hələ onlara ödənişsiz mənzil bağışlayardı. Belə faktlardan birini oxucularımızın diqqətinə çatdırmaq istəyirik. İrəvanın Fuçik Alabyan rayonunda yerləşən, tikintisi yarımçıq qalmış yaşayış kompleksində mənzil alan 250-yə yaxın ailə çaxnaşma içində qalıb. Çünki tikintinin icraçısı Sevak Artsruni ev almaq üçün əvvəlcədən pul ödəyən sakinlərə bildirib ki, onun şirkəti müflisləşib. Həmin sakinlər Vartan Sirmakesin İrəvanda yerləşən ofisinin yaxınlığında etiraz aksiyası keçirərək, problemlərinin həll olunmasını tələb ediblər. Sakinlər iddia edirlər ki, onların problemi həll olunmasa, etirazlarını başqa yollarla davam etdirəcəklər.
Aldadılmış sakinlər deyirlər ki, layihənin sponsoru erməni əsilli isveçrəli iş adamı Vartan Sirmakesə məxsus bankdır. Bu günlərdə Vardan Sirmakes tərəfindən aldadılan sakinlər müqavilə bağladıqları “Artsaxbank”ın onları “həyasızcasına aldatdığını” iddia ediblər. O da bildirilir ki, İrəvanda onlarla belə yarımçıq qalmış yaşayış kompleksi var və hər kompleksdə yüzlərlə sakin bu cür aldadılıb. Maraqlıdır ki, yarımçıq qalmış yaşayış komplekslərinin hamısını tikən xaricdə yaşayan erməni milyonçulardır.
Sakinlərdən biri Vartan Sirmakesə xəbərdarlıq edib: “Bunlar son həddə çatıb, siz bizə başqa çıxış yolu qoymursunuz, əgər məsələ həll olunmasa, biz bunu başqa yerdə və başqa yolla həll edəcəyik”.
Qeyd edək ki, Azərbaycan Respublikasının Baş Prokurorluğunda “Vallex Group” şirkətlər qrupunun maliyyə investoru, İsveçrə Konfederasiyasının vətəndaşı Vartan Sirmakesə qarşı 2009-2017-ci illər ərzində 301 milyon 918 min manat məbləğində qanunsuz gəlir əldə etdiyinə görə 21.10.2015 və 30.03.2018-ci il tarixlərdə Cinayət Məcəlləsinin müvafiq maddələri ilə cinayət işləri başlanıb.
Vartan Sirmakes Azərbaycanda, Ermənistanda və dünyanın digər ölkələrində qazandığı "çırkli pullar"ı ABŞ və Avropa İttifaqının müxtəlif təsisatlarında ölkəmizə qarşı ittihamedici qərarların, qətnamə və bəyanatların qəbul edilməsi üçün rüşvət verir, deputatları və digər vəzifəli şəxsləri maliyyələşdirir, onlara sponsorluq edir, ələ alır...
Akif NƏSİRLİ
