Ruben can, onlar bizə də lazımdır, hansı şəraiti desən yaradarıq, çağır gəlsinlər...
Bakıda həbsdə olan "Dağlıq Qarabağ"ın keçmiş "dövlət naziri" Ruben Vardanyanın məhkəməsi davam edir. Hamıya bəllidir ki, Vardanyanın milyonları var və o, bu milyonlardan istifadə edərək, özünü beynəlxalq ictimaiyyətə "məsum məxluq" kimi təqdim etməyə çalışır.
Erməni mediasının yazdığına görə, Ruben Vardanyan guya ailəsi ilə telefon danışıqları zamanı onlara çatdırıb ki, Bakıda keçirilən məhkəmədə hüquqları pozulur. Yəni Vardanyan hesab edir ki, hərbi tribunalda deyil, mülki məhkəmədə ittiham olunmalıdır. Yaxşı ki, bu "məsum məxluq" mühakimə olunmağının vacibliyini başa düşür, onu inkar etmir, "mən günahsızam" demir. O ki qaldı onun və digərlərinin hərbi tribunalda mühakimə edilməsinə, qondarma Dağlıq Qarabağın bütün qondarma rəhbərlərinin hamısı hərbi cinayətkardır. Baxmayaraq ki, onların əksəriyyəti mülki mundirlə maskalanib. Müharibə şəraitində olan bir separatçı xuntanın "naziri" necə mülki şəxs ola bilər? Əlbəttə, heç bir halda bu mümkün deyil. Vardanyanın "nazir" postunda özünü "artsax"ın əsgəri adlandırdığı nə tez yadından çıxıb?!
Vardanyan iş materiallarının və sübutların ona əvvəl Azərbaycan dilində, sonra isə pis tərcümə edilərək erməni dilində verildiyinini iddia edir. Əvvəla, bu iki versiyanın hansına inanaq, Vardanyan bunlardan hansıni düz deyir? Əlbəttə, heç birini, iş materialları və sübutlar ona həm erməni, həm də rus dilində verilib. Azərbaycan hərbi tribunalı nəzərə alıb ki, Vardanyan çoxdandır Rusiyanin qucağına sığınıb, bəlkə ana dilini artıq unudub...
İkinci bir tərəfdən, bu məxluq şikayət üçün kompromat artırmaq naminə iddia edir ki, işlə tanıs olmaq üçün ona verilən bir ay bəs eləməyib, işlə tam tanış ola bilməyib. Deyəsən, Azərbaycan tərəfi Vardanyanın yatağını çox yumşaq edib, yatıb, işlə tanış ola bilməyib. Vardanyan utanmadan "21 iş günü"nü əlində bayraq edir, bu adam türmədə istirahət və bayram günlərində nə işlə məşğul olur görəsən? Hər halda, "21 iş günü" qanunun tələbidir. Əslində Vardanyan törətdiyi cinayətlərin hamısını əzbərdən bilir, bəlkə də bu cinayət işinə düşməyən cinayətləri də kifayət qədərdir və Ruben onu çox yaxşı xatırlayır.
Vardanyan iddia edir ki, ona verilən ittiham aktına ittihamçılar imza atmayıb. Bu bədbəxt hələ bilmir ki, ona təqdim edilən "ittiham aktı"nın əsli deyil, tərçümə edilmiş nüsxəsidir. Erməni və rus dilində olduğundan, o sənədlər doğrudan da rəsmi sənəd sayıla bilməz, rəsmi sənəd Azərbaycan dilindədir və ittihamçilar da məhz həmin sənədə imza atıb.
O ki qaldi sənəddəki hərf səhvinə, oradakı on min səhv Rubenin bir cinayətinin yüzdə biri qədər təsirə malik deyil. Sənin üçun bəlkə bir erməni ədib də tapaq, ittaham aktını bədıi ifadələrlə yazsın?
Vardanyanın növbəti yalanı odur ki, guya bu adam müdafiə hüququndan məhrum edilib. Bir vəkili Azərbaycan hökuməti verib, bir vəkil Amerikadan gəlib, digər tərəfdən bu məxluqun beynəlxalq hüquq qrupu da varmış. Bəlkə Vardanyana Whatsapp proqramı olan smartfon da verək? Həm beynəlxalq hüquq qrupu ilə çatlaşsın, həm də ürəyi istəyəndə Putinə, istəməyəndə Paşinyana gorüntülü zəng eləsin? Paşinyan onu dərhal bloklyacaq...
Bu "məsum məxluq" cinayətində şahid olanların da məhkəməyə çağırılmasını istəyir - Balasanyanı, Ohanyanı, daha nə bilim kimləri... Ruben can, onlar bizə də lazımdır, hansı şəraiti desən yaradarıq, çağır gəlsinlər...
R.Vardanyan məhkəmə zalına beynəlxalq nümayəndələri də dəvət etmək istəyir. Amma soruşan yoxdur ki, sənə görə hansısa beynəlxalq nümayəndə Bakıya gəlibmi? Digər tərəfdən, siz hamınız Azərbaycan xalqına qarsı cinayət törətmisiniz, onlara insanlığın ağlına gəlməyən işgəncələr vermisiniz. Sevinin ki, Azərbaycan hökuməti sizin hər birinizi məhkəməsiz didilib-parcalanmaqdan öz həbsxanasında qoruyub, xilas edir.
Butun bu uydurma etirazlarla Vardanyan aclığa başlayıb. Fikrimizcə, yaxşı fikirdi, ölənə qədər davam gətirsə, bəlkə bu cəza onun o biri dünyada günahlarının bir hissəsini yuyar.
Vardanyan özünü elə təqdim edir ki, guya onu Qarabağ ermənilərinə kömək etdiyinə görə ittiham edirlər. Halbuki, o, Qarabağa ona görə gəlmişdi ki, "artsax"dan tramplin kimi istifadə edərək, Paşinyanı devirib hakimiyyətə gəlsin və Koçaryan-Sarkisyan xəttini davam etdirsin. Lakin o da alınmadı. Qazdan ayıq olan Paşinyan onun özünü "nazir" postundan aşırdı. Sonra da Rusiyaya qayıtmağa üzü olmadı, adını yarıtmaz qoydular və vətəndaşlıqdan sildilər. Sən heç vaxt "artsax" xalqını üzünə maska edə bilməzsən, çunki onları heç vaxt müdafiə etməmisən. Əksinə, ərzağı silah anbarında gizlədib, yardım almaq üçün əhalini aclıqla imtahana çəkənlərdən birisən. Ona görə də ümidin aclığa qalıb...
Akif NƏSİRLİ
