Bank olmayan kredit təşkilatlarının sayı niyə azalır?

Tarix: 09.10.2015 / 02:44
Bölmə: İqtisadiyyat

Nicat Hacızadə: "Sahibkarlıq sahəsində yaşanan durğunluq bank olmayan kredit təşkilatlarına mənfi təsir göstərir"

Bank olmayan kredit təşkilatlarının (BOKT) maliyyə vəziyyətinə Mərkəzi Bankın faiz dərəcələrinin yuxarı həddi ilə bağlı qoyduğu məhdudiyyət öz təsirini göstərib.

Artıq bu qurumlar da filiallarının sayını azaltmağa başlayıb. Məlumdur ki, BOKT-lar əmanət qəbul etmir və dövriyyəyə buraxdığı vəsaitləri ayrı-ayrı qurumlardan cəlb edir. Hazırda ölkədə fəaliyyət göstərən BOKT-ların bir çoxunun əsas maliyyə mənbəyi xarici investorlardır. Bu vəsaitlər isə Azərbaycana gətirilərək manatla yerləşdirildikdə baha başa gəlir. Ölkədə fəaliyyət göstərən qeyri-bank təşkilatlarından birinin rəhbəri bu sektorun çətin sınaqdan keçdiyini bildirib.

BOKT rəhbəri Timoti Tarrant media nümayəndələrinə açıqlamasında deyib ki, indi çox çətin bir dövrdür:

"Bu həm müştərilər, həm də bizim üçün çətindir. Artıq biz bir addım geri çəkilmişik və mövcud situasiyanı nəzərdən keçiririk. BOKT-lar və mikro maliyyə təşkilatları hansı xərclərin olduğuna əmin olmalıdırlar və bu xərclərin gəlirləri ilə necə uzlaşdığına baxmalıdırlar. Biz strateji olaraq görməliyik ki, hansı regionda filiallar daha effektivdir".

Məsələ ilə bağlı fikir bildirən iqtisadçı-ekspert Nicat Hacızadə "Bakı-Xəbər"ə açıqlamasında qeyd etdi ki, bank sektorunda problemlərin olması gözləniləndir: "Bankların gəlirləri azalıb və əhalinin banklara inamı artıq əvvəlki səviyyədə deyil. Bütün bunlar bank olmayan kredit təşkilatlarına öz mənfi təsirini göstərir. Əslində, bank olmayan kredit təşkilatlarının banklara nisbətən əhatə sahəsi daha azdır. Bankları saxlayan əmanətlərdir.

Amma kredit təşkilatlarının gəlir mənbəyi isə faiz dərəcəsidir, xüsusilə də mikrokreditlər və kənd təsərrüfatına ayrılan kreditlərdir. Son zamanlar sahibkarlıqda yaşanan durğunluq bank olmayan kredit təşkilatlarına təsirini göstərir.

Bank olmayan kredit təşkilatlarının üzləşdiyi bu problemlərlə bağlı onlara hər hansı bir çıxış yolu təklif olunmur".

Həmsöhbətimiz onu da əlavə etdi ki, bank olmayan kredit təşkilatlarının bir hissəsi xaricdən maliyyə cəlb edə bilmir. Bu da kredit təşkilatlarının sayının azalmasına təsir edir. İqtisadçı hesab edir ki, bank olmayan kredit təşkilatlarının sayının azalması müsbət addım deyil.

Günel CƏLİLOVA

DİGƏR XƏBƏRLƏR

Tarix: 09.06.2026 / 19:46

"Azərbaycan Biznesinin İnkişafı Fondu"na yeni səlahiyyətlər verildi

Tarix: 09.06.2026 / 15:52

Rusiya-Azərbaycan ticarəti 30 faiz azaldı - Piter İqtisadi forumunda həyəcan...

Tarix: 09.06.2026 / 14:51

Avtomobil bazarında qiymətlər BAHALAŞIB - ən çox ikinci əl avtomobillər...

Tarix: 09.06.2026 / 13:30

Azərbaycandan tranzit keçməklə Rusiyadan Ermənistana növbəti yük göndərildi

Tarix: 09.06.2026 / 12:22

"Bu il Dövlət Neft Fondundan büdcəyə transferin azaldılması planlaşdırılır" - Sahil Babayev

Tarix: 09.06.2026 / 10:20

Orta Asiyada süni yağışlar - Qazaxıstan regionda su siyasətini dəyişən texnologiyanı sınaqdan keçirir...

Tarix: 09.06.2026 / 10:12

Azərbaycan nefti bahalaşdı...

Tarix: 08.06.2026 / 16:07

ADY 2026-cı ilin may ayında 1.6 milyon tondan çox yük daşıyıb

Tarix: 08.06.2026 / 15:33

Ermənistan Bakı-Tbilisi-Qars dəmiryoluna necə qoşula bilər?...

Tarix: 06.06.2026 / 10:56

Azərbaycan nefti 99 dollara düşdü...

Tarix: 05.06.2026 / 14:33

“Bakıdan Türkiyəyə dəmiryolu ilə gediş-gəliş başladı” xəbərləri yanlışdır...

Tarix: 04.06.2026 / 18:42

Avropa Bankı Azərbaycanın iqtisadi inkişaf proqnozunu aşağı saldı...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 04.06.2026 / 21:37

Ermənilərin Başkəndi Azərbaycanın hansı kəndi ilə dəyişdirilə bilər? - Paşinyan niyyətini açdı...

Tarix: 04.06.2026 / 14:29

Vətən müharibəsi və Milli Qəhrəmanların təqaüdlərini bərabərləşdirmək olar...(?)

Tarix: 04.06.2026 / 12:16

Yuxarı məmurların övladları əsasən dövlət məktəblərində oxumurlar... Təhsil məmurları isə...

Məcburi köçkün gənclərin inkişafına son 20 ildə dövlət dəstəyi...