Neft yenə Azərbaycana böyük pullar qazandıra bilər

Tarix: 09.10.2015 / 02:53
Bölmə: İqtisadiyyat

Dünya bazarlarında neftin qiyməti ilə bağlı yeni vəziyyət müşahidə olunmaqdadır. Ekspertlər Rusiyanın Suriyada məlum hərbi əməliyyatlarından və bir sıra proseslərdən sonra neftin qiymətində artım qeydə alındığını bildirir. Digər tərəfdən, qiymətlər ABŞ-ın yanacaq ehtiyatlarının xeyli dərəcədə azalmasına dair məlumatlar yayıldıqdan sonra da artmağa başlayıb.

"Bloomberg" agentliyi bildirir ki, neftin qiyməti tezliklə bir barrel üçün 60 dollara çatacaq. Amerika Neft İnstitutunun (APİ) xəbərinə görə, ABŞ-da neftin əmtəə ehtiyatları ötən həftə 1,23 milyon barrel azalıb. Bundan başqa, ABŞ Energetika Nazirliyinin Enerji informasiyaları üzrə idarəsi neftə qlobal tələbat proqnozunu yaxşılaşdırıb. Ekspertlərə görə, bu il neftə sutkalıq tələbat ortalama 93,79 milyon barrel olacaq. "Saxo Bank"ın əmtəə strategiyaları bölməsinin rəhbəri Ole Hansen uzunmüddətli qeyri-stabillikdən sonra xam neftin qiymətinin ticarət diapazonunu üstələdiyini bildirir":Bundan əlavə, oktyabrın 6-da dünyanın aparıcı neft sənayesi nümayəndələrinin iştirakı ilə Londonda baş tutmuş iclasda vurğulanıb ki, ABŞ neft hasilatı "dramatik" azalmanın astanasındadır. Hasilat həcminin sürətlə azalması Səudiyyə Ərəbistanını ötən ilin noyabr ayında bazar payının qorunub saxlanması ilə qiymətlərin azalmasının tələb və təklif arasında disbalansın aradan qaldırılmasına səbəb olan qərarının düzgünlüyünə əmin edəcək".

Hazırda dünya bazarlarında qeyri-OPEK ölkələrinin hasilatının zəifləməsi və ABŞ Energetika Nazirliyinin enerji bazarları üzrə qısamüddətli proqnozuna əsasən qlobal tələbin artımının müşahidə olunacağı prosesə təsirsiz ötüşmür. Ole Hansen qeyd edib ki, qiymətlərin azalmasına cavab olaraq dünya bazarında tələb əhəmiyyətli dərəcədə bərpa olunub. "Royal Dutch Shell" şirkətinin rəhbəri Ben van Byorden qeyd edib ki, neftin qiyməti minimum səviyyəni görüb və artıq özünə gəlməyə başlayıb: "Qiymət artımının ilk siqnallarını görürük. Tələb artır və təklif də buna uyğun olmalıdır". O, uzun müddət hasilatın azalması fonunda ABŞ-ın yenidən maliyyələşdirmə mənbələri tapmaq üçün səy göstərəcəyini deyib. Qeyd edib ki, qiymət artımı yenidən bazar dəyişkənliyə səbəb olacaq və ABŞ-da şist neft hasilatının artımının yeni bir dövrü başlayacaq. "Societe General" bankının Neft bazarının tədqiqatı Departamentinin rəhbəri Mayk Uitner isə bildirib ki, bir müddət sonra yüksək maya dəyəri olan hasilat işlərinin görülməsi məcburiyyəti yaranacaq, bu da neftin qiymətini artıracaq: "Bu bizim subyektiv fikrimizdir. Biz bir çox müxtəlif mənbələrdən neft qiymətlərinin artıq minimal səviyyəsindən özünə gəlməyə başlaması xəbərlərini eşidirik". "Citigroup" bank əməkdaşı Set Kleynman qeyd edib ki, investorlar müsbət əhval-ruhiyyəyə qayıdıblar: "Lakin tələb və təklif arasında tarazlığın əldə edilməsi üçün bir qədər zaman lazımdır. 2016-cı ildə OPEK üzvü olmayan ölkələrdə neft hasilatının azalmasının şahidi olacağıq. Bu da qiymətlərin artmasına gətirib çıxaracaq".

Bütün bunlar neft hasil edən ölkə kimi Azərbaycanın daha çox gəlir əldə etməsinə səbəb olacaq. Eyni zamanda, proseslər neftə görə dolların kursunun enəcəyini də göstərir. Çünki neftin qiyməti sürətlə yüksəlir. Bu isə Azərbaycana daxil olan dollar kütləsinin miqdarının yenidən artması demək olacaq. Neftin qiymətinin bahalaşması fonunda ölkəyə daxil olan dollar kütləsinin artması qaçılmaz sayıldığından, analoji prosesin yenidən təkrarlanması qaçılmaz sayılır. Xatırladaq ki, London əmtəə birjasında keçirilmiş hərraclarda "Azeri Light" markalı Azərbaycan neftinin 1 barreli 55 dollara yaxınlaşıb. Yaxın tezlikdə isə neftin qiymətinin yenidən 100 dollara çatması istisna olunmur. Hətta qiymətin bundan artıq olacağını deyənlər də var. Bu isə qısa zaman kəsiyində Azərbaycan bazarına yenə böyük həcmdə ABŞ dollarının daxil olmasını istisna etmir. Bu da, öz növbəsində, bazarda dollar təklifinin artmasını istisna etmir. Yəni dolların yaxın tezlikdə yenidən artan təklif üzündən dəyər itirməsi qaçılmaz sayılır. Mərkəzi Bankın məzənnə siyasətində ikitərəfli məzənnənin hədəflənməsindən valyuta səbəti dəyərinin hədəflənməsinə keçməsini isə ekspertlər zəruri addım sayır.

Nahid SALAYEV

DİGƏR XƏBƏRLƏR

Tarix: 26.10.2026 / 21:46

Naxçıvanın büdcəsi 13 milyon kəsildi - maraqlı səbəblərdən danışılır...

Tarix: 26.10.2026 / 11:50

Kimlərin pensiyalarına əlavələr ediləcək? - AÇIQLANDI...

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

Tarix: 21.10.2026 / 16:50

Neft Fondumuzun çox valyuta qazanmasına mane olan tək səbəb var...

Tarix: 21.10.2026 / 13:35

Azərbaycanda yeni bank yaradıla bilər - Aİ-dən TƏKLİF...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...