"Türk axını"nı səhnədən çıxaran hadisələrin miqyası genişlənir

Tarix: 09.10.2015 / 03:19
Bölmə: İqtisadiyyat

İlham Şaban: "Proseslərin bu cür davamı "Türk axını" üçün yaxşı nəsə vəd etmir"

"Rusiya bu layihə ilə bağlı Türkiyəni çoxdandır ki, güzəştə məcbur etmək istəyir"

Rusiyanın Suriyada hava əməliyyatlarına başlaması, həmçinin Türkiyə təyyarələrinə hücumundan sonra Ankara və Moskva arasında münasibətlərin düzəlməyəcək məcraya yönəldiyi məlumdur. Ən maraqlı məsələlərdən biri də "Türk axını" layihəsinin taleyinin necə olacağıdır.

Türkiyə tərəfi əvvəlcə enerji qiymətlərini əsas gətirərək layihəni təsdiqləməkdən imtina edirdi. Daha sonra layihə Moskvanın nəzərdə tutduğu müddətə - 2016-cı ilin sonuna kimi həyata vəsiqə ala bilmədi.

Rəcəb Tayyib Ərdoğanla Vladimir Putinin sonuncu dəfə Moskvada görüşündən sonra layihənin yenidən canlandığına dair fikirlər olsa da, hazırda Suriyada Ankara və Moskvanın üz-üzə gəlməsi bu gözləntiləri təxirə salır.

Kremlin mətbuat xidmətinin rəhbəri Dmitri Peskov isə jurnalistlərə açıqlamasında "Türk axını" layihəsinin reallaşmasına Türkiyənin dəstək verəcəyinə hələ də ümid etdiklərini bildirib.

"Qazprom" "Türk axını" qaz boru kəməri (Turkish Stream) layihəsinin bir il gec həyata keçirilməsini istisna etmir". Bu sözləri "Qazprom"un vitse-prezidenti Aleksandr Medvedev deyib. O, layihənin bir il gec reallaşdırılması ilə hər hansı bir pis hadisənin baş verməyəcəyini bildirib.

A.Medvedev Rusiya ilə Türkiyə arasında hökumətlərarası sazişin imzalanmasının vaxtının "Qazprom"dan asılı olmadığını qeyd edib: "Türkiyədə hökumətin formalaşması üçün müəyyən vaxt lazımdır, əvvəlcədən nə isə demək çox çətindir".

Qeyd edək ki, ötən gün "Qazprom" "Türk axını" qaz boru kəmərinin ötürücülük qabiliyyətini iki dəfəyədək azaldaraq kəmərlə 32 milyard kubmetr təbii qazın nəql olunmasına qərar verib.

Əvvəllər "Türk axını" layihəsi ilə 63 milyard kubmetr Rusiya qazının Türkiyədən keçməklə Avropaya çatdırılması nəzərdə tutulurdu. Bu həcmin 47 milyard kubmetrinin Avropanın, 16 milyard kubmetrinin isə Türkiyənin daxili tələbatının ödənilməsi üçün istifadə edilməsi planlaşdırılırdı. Layihə üzrə ümumilikdə 4 kəmərin təxminən 11,4 milyard avro dəyərində olduğu bildirilirdi.

Neft məsələləri üzrə ekspert İlham Şaban qəzetimizə açıqlamasında bildirdi ki, bu cür iri layihələr birbaşa siyasi proseslərdən asılı olur: "Hazırda Rusiya ilə Türkiyə arasında soyuq münasibətlər var. Bu özünü, xüsusilə də Rusiyanın Suriyadakı aktivliyindən sonra büruzə verməyə başladı. Rusiyanın son davranışları Türkiyəni qane etmir. Xüsusilə də Rusiyanın İraqın Şimalında kürdlərə dəstək verməsi Türkiyənin maraqlarına birbaşa ziddir. Rusiya bu layihə ilə bağlı Türkiyəni çoxdandır ki, güzəştə məcbur etmək istəyir. İqtisadi cəhətdən də layihə ilə bağlı Türkiyəyə soyuqluq nümayiş etdirildi. Bir sözlə, Rusiyanın biu istiqamətdə çığallıq etməsi nəzərə çarpır. Son günlər isə Rusiya təyyarələrinin Türkiyə sərhədlərini pozması da bu layihədə dividendlərin qazanılması ilə bağlı olub. Bunu Rusiyanın daxilində fəaliyyət göstərən müstəqil ekspertlər də etiraf edir.

Rusiya bununla Türkiyəyə güc nümayişini ortaya qoyub ki, mən deyəni etməlisən. Proseslərin bu cür davamı isə "Türk axını" üçün yaxşı nəsə vəd etmir".

Məhəmmədəli QƏRİBLİ

DİGƏR XƏBƏRLƏR

Tarix: 26.10.2026 / 21:46

Naxçıvanın büdcəsi 13 milyon kəsildi - maraqlı səbəblərdən danışılır...

Tarix: 26.10.2026 / 11:50

Kimlərin pensiyalarına əlavələr ediləcək? - AÇIQLANDI...

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

Tarix: 21.10.2026 / 16:50

Neft Fondumuzun çox valyuta qazanmasına mane olan tək səbəb var...

Tarix: 21.10.2026 / 13:35

Azərbaycanda yeni bank yaradıla bilər - Aİ-dən TƏKLİF...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...