Azərbaycan öz iqtisadiyyatına investisiya qoymaqda xarici asılılığın daşını tam atmaq üzrədir

Tarix: 08.10.2015 / 03:40
Bölmə: İqtisadiyyat

Əli Əlirzayev: "Xarici mənbələrdən asılılıq nə qədər aşağı olsa, bu bir o qədər işin xeyrinədir"

"Bu, ölkənin iqtisadi imkanlarının göstəricisidir"

Son illər Azərbaycanda həyata keçirilən düşünülmüş iqtisadi siyasət nəticəsində ölkə iqtisadiyyatının dinamik inkişafı təmin edilib. İqtisadiyyatın şaxələndirilməsi və qeyri-neft sektoru sahəsində istehsalın artırılması istiqamətində uğurlu nəticələr əldə olunub.

Hazırda Azərbaycan iqtisadiyyatı dünyanın 40 ən qənaətcil iqtisadiyyatından biridir. Prezident İlham Əliyev Azərbaycanın son illərdəki iqtisadi uğurlarından danışarkən bir neçə məqama toxunub: "Davos Dünya İqtisadi Forumunun hesablamalarında qlobal rəqabətə davamlılıq indeksinə görə, biz 38-ci yerdəyik. Bu nəticəni biz qısa müddət ərzində əldə etmişik. Müstəqilliyimizi bərpa etdiyimiz vaxt iqtisadiyyat 100 faiz dövlət sektorunda formalaşırdı. Hazırda iqtisadiyyatın, ümumdaxili məhsulun 80 faizindən çoxu özəl sektor tərəfindən təmin edilir".

Ölkədə özəl sektorun, o cümlədən qeyri-neft sektorunun inkişafı nəticəsində dünyanı bürümüş iqtisadi böhran Azərbaycan iqtisadiyyatına ciddi təsir etmir və son illərdə ÜDM-in artımı əsasən qeyri-neft sektoru hesabına təmin olunur. Respublika Dövlət Statistika Komitəsinin hesabatında göstərilir ki, 2015-ci ilin yanvar-avqust aylarında ölkədə fəaliyyət göstərən müəssisə, təşkilat və fiziki şəxslər tərəfindən 36 milyard manatlıq və ya əvvəlki ilin müvafiq dövründəkindən 4,2 faiz çox ümumdaxili məhsul istehsal edilib.

Xarici investorların da qeyd etdiyi kimi, hazırda Azərbaycanda əlverişli investisiya mühiti yaradılıb. Ötən il ölkə iqtisadiyyatına 27 milyard dollar sərmayə yatırılıb. Onun təqribən 30-35 faizi xarici sərmayələrdir. Xarici şirkətlər ölkəmizə etimad göstərir və bizi etibarlı tərəfdaş kimi tanıyırlar.

Ona görə də Azərbaycan iqtisadiyyatına yatırılan sərmayələrin həcmi ilbəil artmaqdadır. Statistika Komitəsinin məlumatında göstərilir ki, 2015-ci ilin yanvar-avqust aylarında əsas kapitala 10550,1 milyon manat məbləğində, yaxud əvvəlki ilin müvafiq dövrü ilə müqayisədə 1,7 faiz çox vəsait yönəldilib. Əsas kapitala yönəldilmiş vəsaitlərin 6076,5 milyon manatını və ya 57,6 faizini daxili vəsaitlər təşkil edib. Ancaq 9 ayın yekunlarına görə, qoyulan investisiyanın 61 faizi daxili mənbələr hesabına olub. Bu da böyük göstəricidir.

Sözügedən məsələni dəyərləndirən iqtisadçı alim Əli Əlirzayev hesab edir ki, investisiya qoyuluşunda daxili mənbələrin payı nə qədər çox olsa, bu bir o qədər yaxşıdır: "Əvvəla bu, ölkənin iqtisadi imkanlarının göstəricisidir. Yəni xaricdən asılı olmadan ölkə iqtisadiyyatına kapital yönəltmək.

Xarici mənbələrdən asılılıq nə qədər aşağı olsa, bu bir o qədər işin xeyrinədir. Düzdür, ümumən götürəndə ölkə iqtisadiyyatına sərmayə qoyuluşunun çoxşaxəli olması faydalıdır. Yəni iqtisadiyyata nə qədər çox sərmayə yönəlsə, bu bir o qədər inkişafa, əhalinin rifah halının yaxşılaşmasına xidmət edəcək. Ancaq bunun daxili mənbələr hesabına reallaşması xaricdən asılılığın azalması deməkdir.

Bu da ölkənin daha möhkəm müstəqil siyasət yeritməsinə öz müsbət təsirini göstərir. Xarici mənbələrdən asılı olan ölkə müstəqil xarici siyasət yeridə bilmir. Hansısa ölkədən müəyyən formada asılı olur. Hesab edirəm ki, bütün bu amillər ciddi təhlil olunmalıdır. Maksimum çalışmaq lazımdır ki, bu imkanlardan səmərəli istifadə olunsun".

Vidadi ORDAHALLI

DİGƏR XƏBƏRLƏR

Tarix: 26.10.2026 / 21:46

Naxçıvanın büdcəsi 13 milyon kəsildi - maraqlı səbəblərdən danışılır...

Tarix: 26.10.2026 / 11:50

Kimlərin pensiyalarına əlavələr ediləcək? - AÇIQLANDI...

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

Tarix: 21.10.2026 / 16:50

Neft Fondumuzun çox valyuta qazanmasına mane olan tək səbəb var...

Tarix: 21.10.2026 / 13:35

Azərbaycanda yeni bank yaradıla bilər - Aİ-dən TƏKLİF...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...