BP-nin 20 milyard cəriməsinin Azərbaycanda əks-səda ehtimalları...

Tarix: 08.10.2015 / 02:47
Bölmə: İqtisadiyyat

İlham Şaban: "BP-nin 20 milyard 800 milyon dollar cərimələnməsi şirkətin Azərbaycandakı layihələrinə təsir etməyəcək"

"Bu, bir neçə ilə ödəniləcək prosesdir"

Böyük Britaniyanın neft şirkəti "British Petrolium"un (BP) 2010-cu ildə Meksika körfəzində baş verən ekoloji fəlakətə görə ödəyəcəyi cərimə məlum olub. Belə ki, şirkət 20 milyard 800 milyon dollar məbləğində cərimə ödəyəcək.

Ödəmə barədə razılaşma ABŞ-ın Ədliyyə Nazirliyi ilə BP arasında əldə olunub. Bu, ABŞ Ədliyyə Nazirliyinin tarixində bir şirkətə bir dəfəyə tətbiq etdiyi ən böyük cərimədir.

Qeyd edək ki, 2010-cu il aprelin 20-də Meksika körfəzində BP-nin platformasında baş verən partlayış və yanğın nəticəsində 1,5 kilometr dərinlikdə deşilən kəmərdən neft dənizə axıb. Fəlakət nəticəsində platformada 11 fəhlə həyatını itirib, yüzlərlə canlı suda məhv olub. İyunun əvvəlində neft quruya, Luiziana sahillərinə çatıb. Deşilmiş neft kəmərindən hər gün 800 min litr yanacaq suya axıb. Vəziyyətin gərginləşdiyini görən Barak Obama da fəlakətin qarşısının alınmasına dair tədbirlərin görülməsini tapşırıb.

Hadisədən sonra BP-nin, Rusiya da daxil olmaqla, bəzi ölkələrdə biznesini satacağı bildirilirdi. BP Meksika körfəzindəki qəzaya görə indiyədək cərimə, kompensasiya və neftlə çirklənmiş su hövzəsinin təmizlənməsinə 42 milyard dollar xərcləyib. 2007-ci ildə də şirkət analoji halla qarşılaşıb. Həmin vaxt zəhərlənən 100 işçi məhkəməyə müraciət edib. Nəticədə şirkət rəhbərliyi zərərçəkənlərin hər birinə 10 milyon dollar ödəməli olub. Bu günədək BP-yə qarşı 95 min iddia qaldırılıb. Bu iddialardan 47 mini üzrə şirkətin ödənişi 147 mln. dollar təşkil edib. Ancaq göründüyü kimi, BP-nin budəfəki cəriməsinin həcmi kifayət qədər böyük rəqəmlərlə ölçülür. Bu da BP-nin həyata keçirdiyi bir sıra layihələrə təsirsiz ötüşməyəcək. Nəzərə almaq lazımdır ki, dünya bazarında neftin qiymətinin kəskin ucuzlaşması sözügedən şirkətin gəlirlərinin azalmasına da öz təsirini göstərib.

Maraqlıdır, BP-nin yüksək məbləğdə cərimələnməsi bu şirkətin Azərbaycanda fəaliyyətinə hər hansı bir formada təsir göstərə bilərmi?

Məsələyə münasibət bildirən Neft Araşdırmaları Mərkəzinin rəhbəri İlham Şabanın sözlərinə görə, hər hansı mənfi təsirin olacağı gözlənilmir. O bunu bir sıra faktorlarla əsaslandırdı: "Cərimə bir il ərzində ödənilməyəcək. Bu, bir neçə ilə ödəniləcək prosesdir. Digər tərəfdən nəzərə almaq lazımdır ki, BP artıq 2012-ci ildən başlayaraq buna hazırlaşırdı. Güman edirdi ki, cərimənin məbləği böyük olacaq. Ona görə də neftin qiyməti yüksək olanda müəyyən hazırlıqlar görürdü. Hətta bununla bağlı özünün bir sıra aktivlərini satışa çıxarmışdı. Ona görə də BP-nin 20 milyard 800 milyon dollar cərimələnməsi şirkətin Azərbaycandakı layihələrinə təsir etməyəcək. O cümlədən, bundan sonra da imzalanacaq layihələrə təsir göstərməyəcək. O baxımdan hesab edirəm ki, bununla bağlı narahatlığa əsas yoxdur. Adıçəkilən şirkət yetərincə böyük neft şirkətidir. Həmçinin, gəlirləri də böyükdür. Ən başlıca məqam ondan ibarətdir ki, BP cəriməni birdəfəlik ödəməyəcək. Yəni cərimə hissə-hissə bir neçə ilə ödəniləcək. Bunun özü imkan verir ki, şirkət uğurla bunun öhdəsindən gələ bilsin".

Vidadi ORDAHALLI

DİGƏR XƏBƏRLƏR

Tarix: 26.10.2026 / 21:46

Naxçıvanın büdcəsi 13 milyon kəsildi - maraqlı səbəblərdən danışılır...

Tarix: 26.10.2026 / 11:50

Kimlərin pensiyalarına əlavələr ediləcək? - AÇIQLANDI...

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

Tarix: 21.10.2026 / 16:50

Neft Fondumuzun çox valyuta qazanmasına mane olan tək səbəb var...

Tarix: 21.10.2026 / 13:35

Azərbaycanda yeni bank yaradıla bilər - Aİ-dən TƏKLİF...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...