Lombardların ictimai narazılıq doğuran qanunsuz fəaliyyətinin miqyası genişlənir

Tarix: 07.10.2015 / 02:14
Bölmə: İqtisadiyyat

Rəsul Cahangirli: "Faktiki olaraq Bakıda fəaliyyət göstərən lombardlar əhalini müflis etməklə məşğuldur"

"Lombardlar vergiyə cəlb olunmalı və onların real dövriyyəsi qanunla tənzimlənməlidir"

Son dövrlər Azərbaycanda lombard kreditlərindən istifadə edənlərin sayının daha da artması müşahidə edilməkdədir. Məlum olduğu kimi, problemli kreditlərin artması ilə əlaqədar olaraq kredit şərtləri bir qədər çətinləşdirilib.

Daha əvvəlki kimi, vətəndaşlar banklardan, necə gəldi, kredit götürə bilmir. Bu səbəbdən vətəndaşlar lombardlara üz tutmaq məcburiyyətində qalıb. Tələbatın kəskin artdığını görən lombardlar şərtləri daha da mürəkkəbləşdirərək məqsədyönlü şəkildə bundan sui-istifadə edir. Məsələn, lombardlar heç bir iqtisadı əsaslandırma olmadan kreditlərin faizlərini artırır. Görürlər ki, pula ehtiyacı olanlar çoxdur, verdikləri kreditə yüksək faiz qoyurlar. Halbuki, bu heç bir iqtisadi və digər parametrə sığmır. Digər mühüm problem isə girovun qiymətləndirilməsi ilə bağlıdır. Lombardların böyük əksəriyyətində qoyulan qızıllar bazar qiymətindən iki dəfə aşağı hesablanır. Bu da, əksər hallarda, girovun real dəyərindən qat-qat aşağı qiymətləndirilməsinə səbəb olur, nəticədə müştəri daha çox zərər görür. Buna rəğmən, lombardların müştəriləri hələlik çoxaldığından, onlar girova istədikləri qiyməti qoyur. Lombardların, demək olar ki, hamısı müştərilərinə pul verərkən girov kimi qızıl-zinət əşyaları qəbul edir. Girov qiymətləndirilir və onun bir hissəsi qədər borc verilir. Bir problem də ondadır ki, lombardlarda girov müştərinin razılığı olmadan satışa çıxarılır. Bu da müştərilərə əlavə problemlər yaradır. Başqa bir tərəfdən, lombardlar apardıqları əməliyyatlara görə vergi ödəmir. Bu minvalla külli miqdarda vəsait büdcədən yayındırılır. Bir sözlə, lombardların özbaşınalığı heç bir əndazəyə sığmır. Onların bu cür fəaliyyəti ciddi sosial fəsadlara gətirib çıxara bilər.

Sözügedən məsələ ilə bağlı fikirlərini "Bakı-Xəbər"lə bölüşən ekspert Rəsul Cahangirli lombardların özbaşınalığını bir sıra amillərlə əlaqələndirdi: "Problem ondadır ki, ölkə qanunvericiliyində lombardların fəaliyyətinin tənzimlənməsi çox aşağı səviyyədədir. Azərbaycanda lombard fəaliyyəti haqqında xüsusi qanun yoxdur. Bu da onlara imkan verir ki, qanunvericilikdəki boşluqlardan istifadə edərək, necə gəldi, vətəndaşları soysunlar. Faktiki olaraq Bakıda fəaliyyət göstərən lombardlar əhalini müflis etməklə məşğuldur. Buna başqa ad qoymaq çətindir. Lombardların bu cür fəaliyyəti üzündən bir sıra vətəndaşlar evindən, əmlakından olub. Elələri olub ki, bu səbəbdən intihar edib, buna görə ailələr dağılıb və s. Ona görə də yaranan bu fəsadların davam etməsinin qarşısını almaq üçün dərhal qanunvericilikdə bir sıra dəyişikliklər edilməlidir. Qanunvericiliyə uyğun olaraq lombardların fəaliyyətinə nəzarət artırılmalıdır. Qanunvericiliyə söykənərək konkret tələblər qoyulmalıdır. Bütün bunlarla paralel, lombardların fəaliyyətinə inzibati nəzarət gücləndirilməlidir. Azərbaycanda fəaliyyət göstərən lombardların hamısı qeydiyyata alınmalıdır. Eyni zamanda lombardlar vergiyə cəlb olunmalı və onların real dövriyyəsi qanunla tənzimlənməlidir".

Vidadi ORDAHALLI

DİGƏR XƏBƏRLƏR

Tarix: 26.10.2026 / 21:46

Naxçıvanın büdcəsi 13 milyon kəsildi - maraqlı səbəblərdən danışılır...

Tarix: 26.10.2026 / 11:50

Kimlərin pensiyalarına əlavələr ediləcək? - AÇIQLANDI...

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

Tarix: 21.10.2026 / 16:50

Neft Fondumuzun çox valyuta qazanmasına mane olan tək səbəb var...

Tarix: 21.10.2026 / 13:35

Azərbaycanda yeni bank yaradıla bilər - Aİ-dən TƏKLİF...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...