Rusiyadan Azərbaycana göndərilən pullar yenidən azalmaq təhlükəsində...

Tarix: 05.06.2015 / 04:45
Bölmə: İqtisadiyyat

Rusiyadan Azərbaycana göndərilən pulların həcmində yenidən kəskin azalma yaşana bilər. Buna əsas səbəb, ötən ilin sonu, cari ilin əvvəlində olduğu kimi, rublun yenidən dəyər itirməyə başlamasıdır. Ukraynada vəziyyətin yenidən qarışması artıq indidən Rusiya iqtisadiyyatında, o cümlədən rubl üzərində təsirlərini hiss etdirir. Belə ki, Ukraynanın şərqində hərbi əməliyyatların qızışması Rusiya rublunun mövqeyini zəiflədib.
Valyuta bazarında treyder xidmətləri göstərən "BKS Group" şirkətinin rəhbəri Aleksandr Myulbergerin sözlərinə görə, bazar Ukraynada hərbi əməliyyatların başlaması xəbərinə reaksiya verir. "Renessans Kapital" şirkətinin Rusiya və MDB üzrə baş iqtisadçısı Oleq Kuzmin də eyni mövqedən çıxış edir: "Rublun məzənnəsinə neftin qiymətinin düşməsi və Ukraynadakı hadisələr təsir edib. Amma ən çox təsir edəni Ukraynada döyüşlərin yenidən qızışmasıdır. Ukraynadan bir müddət xəbərlərin gəlməməsi bir daha onu göstərdi ki, oradakı problem həll olunmayıb və hər an yarana biləcək gərginlik maliyyə bazarlarına ciddi təsir edə bilər".
O.Kuzmin daha sonra bildirib ki, rublun məzənnəsinin zəifləməsinin ilk siqnalları Rusiya Mərkəzi Bankı tərəfindən may ayında verilib. Qeyd edək ki, hazırda dollar 55 rubla, avro isə 62 rubla satılır. Rusiya Mərkəzi Bankının valyuta hərraclarının keçirilməsindən imtina etməsi də prosesi sürətləndirir. Analitiklər güman edir ki, yaxın tezlikdə rus valyutası dollara nisbətdə 60-65 rubla çatacaq. Baş bankın qərarı valyuta ehtiyatlarını qorumaq niyyəti ilə bağlıdır. Qeyd edək ki, hazırda Mərkəzi Bankın valyuta ehtiyatları 358,5 milyard ABŞ dolları həcmindədir. Son 12 ayda ehtiyatlar 123 milyard dollar azalıb. Belə vəziyyətdə Rusiya pulunun dollar və avro qarşısında əvvəlki kimi dəyər itirməkdə davam edəcəyi proqnozlaşdırılır. Rusiyanın keçmiş maliyyə naziri Aleksey Kudrin isə rublla bağlı daha qorxulu proqnozlar verir. Onun sözlərinə görə, rublun beynəlxalq hesab vahidi kimi əvvəlki etibarını qaytarmaq üçün Rusiyaya on ildən çox vaxt lazımdır. Rublun dəyər itirməsi MDB ölkələrinə də təsirsiz ötüşmür. Bu təsirlər isə özünü müxtəlif formalarda büruzə verir. Məsələn, rublun dəyərdən düşməsi Rusiyadan Azərbaycana göndərilən vəsaitlərin həcminin azalmasına gətirib çıxarır. Qarşıdakı müddətdə rublun məzənnə itkisi fonunda miqrant pullarının daha da azalacağı istisna edilmir. Bu hal ölkənin bank sektoruna da ciddi təsir edəcək. Çünki banklar pul köçürmələrindən xeyli qazanc əldə edirdi. Lakin indi vəziyyət dəyişir. Bu arada xatırlaldaq ki, rəsmi rəqəmlər Rusiyadan xaricə pul köçürmələrinin son beş ilin ən aşağı səviyəsinə düşdüyünü göstərir. Rusiya Mərkəzi Bankı 2015-ci ilin birinci rübündə ölkədən xaricə ümumilikdə 2,1 milyard ABŞ dolları pul köçürməsinin qeydə alındığını açıqlayıb. Halbuki, keçən ilin eyni dönəmində bu rəqəm 3,9 milyard dollar təşkil edib. Bu ilin ilk rübündə Rusiyadan MDB ölkələrinə 1,8 milyard, digər ölkələrə isə 348 milyon dollar köçürülüb ki, bu da 2010-cu ildən bəri pul köçürmələrində ən aşağı rəqəm sayılır. Mərkəzi Bankın açıqlamasında xüsusilə MDB ölkələrinə pul köçürmələrindəki azalmanın rekord səviyyədə, 50 faizə yaxın olduğu bildirilir.
Rusiya bazarlarında ticarətlə məşğul olan həmvətənlərimiz də indi ailələrinə daha az pul göndərdiklərini etiraf edir. Rublun ucuzlaşması ölkəmizdə daşınmaz əmlak bazarında aktivliyin xeyli aşağı düşməsinə də səbəb olur. Belə ki, rublun dəyərdən düşməsi Rusiyada daşınmaz əmlakın ucuzlaşması ilə müşahidə olunur. Bu isə postsovet ölkələri vətəndaşlarını Rusiyada ev almağa həvəsləndirir. Əsas müştərilər sırasında azərbaycanlılar da yer alır. Digər tərəfdən bəllidir ki, Dövlət Neft Fondu ehtiyatlarının bir qismini rublda saxlayır.
Rublun aşağı düşməsi həmin ehtiyatlara mənfi təsir göstərir, onların dəyərinin azalmasına gətirib çıxarır. Başqa mənfi tərəf ondan ibarətdir ki, Rusiyada rublun dollara nisbətən məzənnədən düşməsi rublun da manata nisbətən məzənəsinin azalmasına gətirib çıxarır. Yəni manat da rubla nisbətən möhkəmlənir. Bu, Rusiyaya məhsul ixrac edən azərbaycanlı yerli iş adamlarının ixrac qabilliyətini müəyyən qədər məhdudlaşdırır, Azərbaycan məhsullarının Rusiyada baha olmasına gətirib çıxarır. Düzdür, Azərbaycanla Rusiya arasında olan əməliyyatların heç də hamısı rubl üzərindən baş vermir. Lakin istənilən halda, Rusiya əsas ticarət tərəfdaşımız olduğu üçün təsirləri olacaq.

DİGƏR XƏBƏRLƏR

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

Tarix: 07.07.2026 / 20:11

İran müharibəsi qlobal enerji təminatında yeni böhran yaradıb...

Tarix: 07.07.2026 / 16:35

Beyləqanın Əlinəzərli kəndində fermerlər üçün aqrar sığorta təlimi keçirilib

Tarix: 07.07.2026 / 12:56

Azərbaycanda vençur kapitalı fondları yaradılacaq...

Tarix: 06.07.2026 / 21:45

Ermənistan Azərbaycanla Türkiyənin elektrik şəbəkəsinə qoşulmaq istəyir...

Tarix: 06.07.2026 / 21:05

Avropanın daha bir dövləti Azərbaycanın Orta Dəhliz layihəsinə qoşulur...

Tarix: 06.07.2026 / 19:25

Ermənistan məhsullarının Avropaya çatdlrılmasında ağır problemlər yarandı...

Tarix: 06.07.2026 / 17:09

Rusiya Azərbaycan vasitəsilə Ermənistana 30 vaqon propan göndərdi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...