Azərbaycanın şəxsi avtomobil sahibləri beynəlxalq "Yaşıl kart" sistemində...

Tarix: 04.06.2015 / 12:30
Bölmə: İqtisadiyyat

Məlumat verildiyi kimi, Azərbaycan nəhayət avtonəqliyyat vasitəsi sahiblərinin mülki məsuliyyətinin sığortası şəhadətnaməsinin üzv ölkələr arasında qarşılıqlı tanınması haqqında saziş olan "Yaşıl kart" sisteminə qoşulub. Qeyd edək ki, "Yaşıl kart" sistemi 1951-ci ildən fəaliyyət göstərir. Bu sistem avtonəqliyyat vasitəsi sahiblərinin mülki məsuliyyətinin sığortasının başqa ölkələrdə də tanınmasını təmin edir.
Sistemin işinin məqsədi xarici avtomobillərin iştirakı ilə baş verən yol-nəqliyyat hadisələrində zərərçəkənlərin iddialarının tənzimlənməsidir.
Bu sistemə əsasən, "Yaşıl kart" haqqında sazişin iştirakçıcı olan dövlətlərin hər hansı biri tərəfindən verilmiş avtonəqliyyat vasitəsi sahiblərinin mülki məsuliyyətinin sığorta şəhadətnaməsi həmin sazişin iştirakçısı olan digər dövlətlərin ərazisində etibarlı sayılır. Ölkəmizin bu sistemə qoşulmasına dair danışıqlar 2012-ci ildən başlanıb. Onu da bildirək ki, Azərbaycanın "Yaşıl kart" sisteminə qoşulması ilk dəfə bu sistemin Bürolar Şurası tərəfindən təklif olunub. Ölkəmiz təklifi müsbət qarşılayıb. 28 may 2015-ci il tarixində Polşanın Sopot şəhərində keçirilən Bürolar Şurasının növbəti Baş Assambleyasında Azərbaycanın "Yaşıl kart" Beynəlxalq Sığorta sisteminə qəbul olunmasına dair qərar qəbul olunub. Sözügedən sistem Azərbaycan ərazisində 1 yanvar 2016-cı il tarixindən fəaliyyətə başlayacaq. Buna qədər isə Azərbaycanda sığorta şirkətləri, o cümlədən İcbari Sığorta Bürosu tərəfindən müvafiq addımlar atılmalıdır. Məsələn, bu ilin axırına kimi İcbari Sığorta Bürosu "Yaşıl kart" sisteminin Bürolar Şurasının maliyyə təminatı tələblərini yerinə yetirməlidir. Həmçinin, İcbari Sığorta Bürosu tərəfindən təkrarsığorta proqramları tərtib olunaraq Bürolar Şurasına təqdim olunmalıdır..
Bundan başqa, Azərbaycan "Yaşıl kart" sisteminə daxil olan 47 ölkə ilə ikitərəfli müqavilələr imzalamalıdır. İcbari Sığorta Bürosunun icraçı direktoru Elxan Quliyev isə bildirib ki, qanunvericiliyə görə, İcbari Sığorta Bürosunun iştirakçısı olan və avtonəqliyyat vasitələri sahiblərinin mülki məsuliyyətinin icbari sığortası ilə məşğul olan bütün iştirakçılar "Yaşıl kart" sistemi üzrə şəhadətnamələrin satışı ilə məşğul ola bilər. "Yaşıl kart" sisteminə qoşulmaq üçün iştirak haqqı 10 min manatdır. Qeyd edək ki, "Yaşıl kart" sığorta tarifləri Maliyyə Nazirliyi tərəfindən təsdiq olunub. Tariflər 3 kateqoriyaya bölünüb: İran və Türkiyəyə səfər edənlər üçün, Rusiya, Ukrayna, Belarus və Moldovaya səfər edənlər üçün və "Yaşıl kart " sisteminə üzv olan digər ölkələrə səfər edənlər üçün. Tariflər 10 manatdan 1200 manata qədərdir.
Qeyd edək ki, "Yaşıl kart" sisteminin əsas məqsədi onun üzvü olan istənilən ölkəyə səfər edən xarici avtonəqliyyat vasitəsi sahiblərinin mülki məsuliyyətinin onların mənsub olduğu ölkənin milli qanunvericiliyinə uyğun qaydada sığortalanması ilə bağlıdır. Bu halda səyahət etdikləri ölkələrdə yol-nəqliyyat hadisələri törətdərlərsə, vurduqları zərərin əvəzinin hadisənin baş verdiyi ölkənin daxili qanunvericiliyinə uyğun qaydada ödənilməsi həyata keçirilir. Bu yalnız "Yaşıl kart" sistemi sayəsində mümkündür. "Yaşıl kart"ı olmayanların xaricə səfəri isə müşkül məsələ olacaq. Bu sistemə, əsasən Avropa ölkələri olmaqla, 47 ölkə daxildir və Azərbaycanın üzvlüyü ilə iştirakçıların sayı 48-ə çatıb.
Onu da bildirək ki, "Yaşıl kart" BMT-nin Avropa İqtisadi Komissiyasının Yol Nəqliyyatı üzrə İşçi Qrupunun nəzdində fəaliyyət göstərən beynəlxalq avtonəqliyyat vasitələri sığortası sistemidir. Bu sistemin tətbiqindən sonra ölkəmizdə avtonəqliyyat vasitəsi sahiblərinin icbari sığortasının yeni bir növü meydana çıxmış olacaq. Özü də yuxarıda sadalananlardan göründüyü kimi, bu icbari sığorta müqaviləsi beynəlxalq əhəmiyyət daşıyır. Müvafiq prosedurun tətbiqinə başlandıqdan sonra ölkədə dövlət qeydiyyatında olan bütün nəqliyyat vasitələri "Yaşıl kart" sisteminin tətbiq edildiyi xarici ölkə ərazisinə aparılarkən onun sahibinin mülki məsuliyyəti mütləq "Yaşıl kart" sistemi üzrə sığortalanmış olmalıdır. Lakin bu, xaricə öz avtomobili ilə gedənlərin işini xeyli sadələşdirəcək, çünki onlar "Yaşıl kart" sisteminin tətbiq edildiyi xarici ölkəyə gedərkən indiki kimi sərhədi keçdikdə sığorta almalı olmayacaqlar. "Yaşıl kart" sisteminin tətbiqi bu sistemin tətbiq olunduğu ölkələrdən Azərbaycana gələnlərin də işini asanlaşdıracaq, çünki onlar da öz ölkələrinin "Yaşıl kart"ı ilə burada hərəkət edə biləcəklər. Hər halda, bütün bunlar "Yaşıl kart" sisteminin kifayət qədər faydalı olduğunu aydın şəkildə nümayiş etdirir.

DİGƏR XƏBƏRLƏR

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

Tarix: 07.07.2026 / 20:11

İran müharibəsi qlobal enerji təminatında yeni böhran yaradıb...

Tarix: 07.07.2026 / 16:35

Beyləqanın Əlinəzərli kəndində fermerlər üçün aqrar sığorta təlimi keçirilib

Tarix: 07.07.2026 / 12:56

Azərbaycanda vençur kapitalı fondları yaradılacaq...

Tarix: 06.07.2026 / 21:45

Ermənistan Azərbaycanla Türkiyənin elektrik şəbəkəsinə qoşulmaq istəyir...

Tarix: 06.07.2026 / 21:05

Avropanın daha bir dövləti Azərbaycanın Orta Dəhliz layihəsinə qoşulur...

Tarix: 06.07.2026 / 19:25

Ermənistan məhsullarının Avropaya çatdlrılmasında ağır problemlər yarandı...

Tarix: 06.07.2026 / 17:09

Rusiya Azərbaycan vasitəsilə Ermənistana 30 vaqon propan göndərdi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...