Kənd təsərrüfatında regional ixtisaslaşma dövrü başlayır

Tarix: 30.05.2015 / 02:17
Bölmə: İqtisadiyyat

Vahid Məhərrəmov: «İxtisaslaşma insanların, bu sahədə məşğul olan fermerlərin də püxtələşməsinə, biliyinin dərinləşməsinə imkan verə bilər»

«Elə bölgələr var ki, orada heyvandarlığa üstünlük vermək olar»

Azərbaycanda bölgələrin kənd təsərrüfatı məhsullarının istehsalına görə ixtisaslaşması prosesi aparılır. Hazırda bu sahədə alimlər hansı məhsulun hansı zonada yetişdirilməsinin daha münasib olduğunu öyrənir. Bunu mətbuata açıqlamasında kənd təsərrüfatı naziri Heydər Əsədov bildirib.

Nazir bununla bağlı açıqlamasında deyib ki, Azərbaycan bu sahədə BMT-nin Ərzaq və Kənd Təsərrüfatı Təşkilatından (FAO) da dəstək alacaq: «Bu bitdikdən sonra ən yaxşı hansı məhsuldursa, onun istehsalını həvəsləndirmək, həm də dövlət təşviqi yolu ilə, ola bilsin subsidiyaların artırılması, differensiallaşması yolu ilə həmin sahənin inkişafına dəstək verəcəyik. Belə bir hədəfimiz var. Amma hazırda ixtisaslaşma işində monitorinq aparılır».

Ümumən Azərbaycanda aqrar sahənin əsas problemlərindən biri də rayonların kənd təsərrüfatı məhsullarının istehsalı üzrə ixtisaslaşmamasıdır. Görünən odur ki, bu problem kənd təsərrüfatında mövcud olan digər problemlərlə müqayisədə daha aktualdır. Çünki ixtisaslaşmanın olmaması və ya zəif şəkildə mövcudluğu bir tərəfdən vəsaitlərdən səmərəli istifadənin, yüksək məhsul istehsalının qarşısını alır, digər tərəfdən, sahibkarların rentabelli işləməsinə, mülkiyyətçilərin gəlirinin normal səviyyəyə çatmasına imkan vermir. Qısası, ixtisaslaşmanın zəif şəkildə təşəkkül tapması aqrar sektorun inkişafını əngəlləyir. Halbuki, Azərbaycanda yaxın keçmişə qədər ixtisaslaşma problemi yox idi. SSRİ dövründə, pis-yaxşı, regionların məhsul istehsalı üzrə ixtisaslaşmasında ciddi nəticələrə nail olunmuşdu. Hər bir region elmi və təcrübi biliyə əsaslanaraq kənd təsərrüfatı sahələri üzrə ixtisaslaşdırılmışdı. Ancaq sonralar bu məsələyə o qədər də diqqət yetirilmədi. Halbuki, aqrar sahədə böyük uğurlar qazanmış ölkələrin də təcrübəsi göstərir ki, kənd təsərrüfatı istehsalçılarının iqtisadi fəaliyyətinin səmərəliliyinin təmin edilməsində ixtisaslaşmanın mühüm əhəmiyyəti var.

Sözügedən məsələni dəyərləndirən kənd təsərrüfatı üzrə mütəxəssis Vahid Məhərrəmov hesab edir ki, ixtisaslaşma mütləq lazımdır və o, istehsalın iqtisadi səmərəliliyini artırmaqda, əməyin məhsuldarlığını yüksəltməkdə müsbət təsirə sahibdir: «Buna Azərbaycanın iqlim şəraiti də imkan verir. İqlim şəraiti fərqli kənd təsərrüfatı məhsullarının istehsalı ilə məşğul olmağa imkan yaradır. Dağlıq zonalarda, məsələn, Tovuzun, Şəmkirin, Gədəbəyin dağ kəndlərində kartofçuluqla, aran bölgələrdə pambıqçılıqla, geniş əkin sahələri olan rayonlar var ki, orada taxılçılıqla məşğul olmaq mümkündür. Elə bölgələr var ki, orada heyvandarlığa üstünlük vermək olar. Yaxud meyvə, tərəvəz istehsalı ilə məşğul olmaq məsləhətdir. İxtisaslaşma insanların, bu sahədə məşğul olan fermerlərin də püxtələşməsinə, biliyinin dərinləşməsinə imkan verə bilər. İxtisaslaşmanın baş verməsi üçün hökumət stimullaşdırıcı vasitələrdən istifadə etməlidir. Kənd Təsərrüfatı Nazirliyi aqrar siyasət aparır. Aqrar siyasətin tərkib hissəsi birinci növbədə təkmil qanunvericilik bazasının yaradılmasıdır ki, bu sahə maneçilik olmadan inkişaf etsin. İkincisi, aqrar siyasətin tərkib hissəsi kimi stimullaşdırıcı tədbirlər görülməlidir. Bu tədbirlər sürətli, davamlı inkişafın təmin edilməsi məqsədi daşımalıdır. Stimullaşdırıcı tədbir kimi subsidiya, hər hansı kənd təsərrüfatı məhsulunun sığortalanması ola bilər».

DİGƏR XƏBƏRLƏR

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

Tarix: 07.07.2026 / 20:11

İran müharibəsi qlobal enerji təminatında yeni böhran yaradıb...

Tarix: 07.07.2026 / 16:35

Beyləqanın Əlinəzərli kəndində fermerlər üçün aqrar sığorta təlimi keçirilib

Tarix: 07.07.2026 / 12:56

Azərbaycanda vençur kapitalı fondları yaradılacaq...

Tarix: 06.07.2026 / 21:45

Ermənistan Azərbaycanla Türkiyənin elektrik şəbəkəsinə qoşulmaq istəyir...

Tarix: 06.07.2026 / 21:05

Avropanın daha bir dövləti Azərbaycanın Orta Dəhliz layihəsinə qoşulur...

Tarix: 06.07.2026 / 19:25

Ermənistan məhsullarının Avropaya çatdlrılmasında ağır problemlər yarandı...

Tarix: 06.07.2026 / 17:09

Rusiya Azərbaycan vasitəsilə Ermənistana 30 vaqon propan göndərdi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...