Azərbaycan pulu Asiya sərmayə bazarlarını bürüyür

Tarix: 28.05.2015 / 04:35
Bölmə: İqtisadiyyat

Böyük valyuta ehtiyatlarına malik Azərbaycan xarici ölkələrdə müxtəlif investisiya layihələrinin həyata keçrilməsinə də xüsusi diqqət yetirməkdədir. Qərbdə müxtəlif belə layihələrin həyata keçirilməsi, o cümlədən qiymətli kağızlara vəsait yatırılması da qeyd olunanların real təsdiqi sayıla bilər. Qərblə yanaşı, Azərbaycan Asiya ölkələrində də sərmayə qoyuluşunu investisiya siyasətinin əsas prioritetlərindən birinə çevirməkdədir.

Artıq məlumat verildiyi kimi, Azərbaycan Respublikası Dövlət Neft Fondu (ARDNF) bu ilin iyununda Çin yuanında olan istiqrazlara 500 milyon dollar sərmayə qoymağı planlaşdırır. ARDNF-nin icraçı direktoru Şahmar Mövsümovun sözlərinə əsasən, Çinin Mərkəzi Bankı ilə müvafiq müqavilə imzalanıb. Ş.Mövsümov bildirib ki, Çinin Mərkəzi Bankı ilə artıq müqavilə var, bu günlərdə isə qiymətli kağızlar üzrə komitələr arasında imzalanmış sənəddən sonra sərmayə qoyula bilər. Qeyd edək ki, bu həftə Azərbaycanın Qiymətli Kağızlar üzrə Dövlət Komitəsi və Çinin Qiymətli Kağızlar üzrə Tənzimləmə Komissiyası arasında qiymətli kağızlar və fyuçers bazarlarının tənzimlənməsinə dair əməkdaşlıq haqqında Anlaşma Memorandumu imzalanıb. Memorandumun məqsədi, kommunikasiya üçün imkanlar da daxil olmaqla, əməkdaşlıq üçün çərçivəni, qarşılıqlı anlaşma, həmçinin tənzimləyici və texniki məlumat mübadiləsini gücləndirməklə investorların müdafiəsini və qiymətli kağızlar, fyuçers və digər müvafiq investisiya alətləri bazarlarının bütövlüyünü təşviq etməkdən ibarətdir. Ş.Mövsümov qeyd edib ki, ARDNF Yaponiyada daşınmaz əmlaka sərmayə qoymağı planlaşdırır. Buna qədər isə ARDNF Cənubi Koreyanın paytaxtı Seul şəhərində yerləşən və dəyəri 447 milyon ABŞ dolları təşkil edən «Payn Avenyu A qülləsi» ofis kompleksini satın alıb. Ötən il həyata keçirilən bu əməliyyat Neft Fondu tərəfindən Asiya və Sakit okean hövzəsində bu tipli ilk investisiya olub. Xatırladaq ki, Seul Asiyada uzun müddət ərzində ofis sektorunda davamlı mənfəətliliyi ilə seçilən ən cəlbedici investisiya regionlarından biridir. Bu, güclü inkişaf etmiş daxili iqtisadiyyata və yüksək kapitallı maliyyə sektorunun mövcudluğuna əsaslanır. «Payn Avenyu A qülləsi» Seulun biznes mərkəzində, aparıcı Koreya və beynəlxalq təşkilatların ofislərinin cəmləşdiyi ərazidə yerləşir. Binanın tikintisi 2011-ci ildə başa çatdırılıb və son dövrlər ərzində Seul biznes mərkəzində yerləşən ən cəlbedici investisiya aktivlərindən biridir.

Əmlakın A klass sinfinə aid olması icarədarların bütün tələblərini cavablandıraraq binanın uzun müddətdə dəyərinin artmasına zəmin yaradır. Binanın ümumi ərazisi təqribən 65 000 kvadratmetr təşkil edir və bütünlüklə Cənubi Koreyanın ən böyük şirkətlərindən olan «S&K Qrup» tərəfindən icarəyə götürülüb. Daşınmaz əmlak üzrə xalis illik icarə haqqı 23,4 milyon ABŞ dolları təşkil edir. Elə həmin vaxt ARDNF Asiyada həyata keçirilmiş daşınmaz əmlak investisiyasının davam etdiriləcəyini bildirib. Qeyd olunub ki, qurum gələcəkdə də Asiya və Sakit okean hövzəsində investisiya imkanlarını dəyərləndirəcək. İndi isə əsas diqqət Çin və Yaponiyaya yönəlib. Bu arada xatırladaq ki, Azərbaycan Çinin təşəbbüsü ilə yaradılan Asiya İnfrastruktur İnkişaf Bankının (AİİB) gələcək təsisçi üzvü kimi də təsdiqlənib. «Saxo Bank»ın baş iqtisadçısı Stin Yakobsen isə qeyd edir ki, Azərbaycanın Asiya İnfrastruktur İnkişaf Bankına üzv olması vacib addımdır. Sözügedən prosesi müsbət qiymətləndirən S.Yakobsen qeyd edib ki, iqtisadi, coğrafi və inkişaf baxımından Azərbaycanın Asiya İnfrastruktur İnkişaf Bankına qoşulması vacib bir haldır: «Təşkilatın il ərzində 1 trilyon dollarlıq investisiya və dövriyyəsi olacağı gözlənir». Ekspertlər isə bir sıra iqtisadi parametrlər baxımından Azərbaycanın Asiya İnfrastruktur İnkişaf Bankına üzvlüyünün mühüm dividendlər vəd etdiyini vurğulayır. Əvvəla, bu bank Azərbaycana əlavə mənbədən maliyyə cəlb etməyə imkan verəcək. Həmçinin bankın kapitalının formalaşmasında Azərbaycan da iştirak edir ki, bu da onun bölgədə nüfuzunu artırır. Xatırladaq ki, bankın 2015-ci ilin sonunda fəaliyyətə başlaması gözlənir. Sözügedən bank, aydındır ki, ABŞ və Avropa Birliyinin tam nəzarətində fəaliyyət göstərərək Vaşinqtonun maliyyə təsirləri vasitələrinə çevrilmiş Dünya Bankı və Beynəlxalq Valyuta Fonduna rəqib olacaq. Lakin burada Azərbaycan üçün əsas məqam Asiyaya yatırılan sərmayələrdir. Bu sərmayələr isə ölkəyə böyük mənfəət qazandırır, onun iqtisadi mövqelərini gücləndirir.

DİGƏR XƏBƏRLƏR

Tarix: 27.10.2026 / 18:56

Azərbaycan Rusiya ilə təbii qaz alışı sazişi imzalayacaq...

Tarix: 27.10.2026 / 18:02

Azərbaycana mal əti idxalı kəskin artdı - yerli istehsal "ölür", bazar bahalaşır...

Tarix: 26.10.2026 / 21:46

Naxçıvanın büdcəsi 13 milyon kəsildi - maraqlı səbəblərdən danışılır...

Tarix: 26.10.2026 / 11:50

Kimlərin pensiyalarına əlavələr ediləcək? - AÇIQLANDI...

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...