Bakıda gündəlik kirayə mənzil biznesi...

Tarix: 27.05.2015 / 01:12
Bölmə: İqtisadiyyat

Makler - Nazim Hüseynov: «Kirayə mənzildə yataq otağından tutmuş, mətbəxə qədər hər şey əla vəziyyətdədir»

Ramil Osmanlı: «Kirayə mənzil bazarına tələbat son zamanlar artıb»

Ölkəmizdə gündəlik kirayə mənzillərə tələbat artıb. Mütəxəssislər buna səbəb kimi ölkəyə olan turist axınını göstərir. Növbəti aydan Avropa Oyunları ilə əlaqədar bu tələbatın daha da artacağı gözlənir.

Paytaxtda kirayə mənzil bazarında günlük kirayə evlərə tələbat artır. Xüsusilə də I Avropa Oyunları ərəfəsində bu məsələ daha da aktuallaşır. Çünki dünya təcrübəsinə görə, getdikləri ölkələrdə hotellərə çox pul xərcləmək istəməyən, eləcə də yemək və təmizliklə bağlı müəyyən həssaslığı olan turistlər məhz günlük kirayə evlərə üstünlük verir. Gündəlik kirayə mənzillərə tək xarici ölkələrdən gələn turistlər deyil, eyni zamanda, müəyyən bir iş üçün paytaxta gələn yerli vətəndaşlar da üz tutur. Qeyd edək ki, hazırda belə evlərin sutkalıq kirayə qiyməti 30-50 manat arasında dəyişir. Qiymət fərqi evlərin yerləşdiyi məkandan, şəraitindən asılıdır. Alqı-satqı, kirayə ilə bağlı elanların yerləşdiyi saytlarda da hazırda gündəlik kirayə verilən evlərin reklamı kifayət qədərdir. Sözügedən saytlardan birinin əməkdaşı Nazim Hüseynov ilə əlaqə saxladıq. O bizimlə söhbətində son vaxtlar belə elanların sayının artdığını dilə gətirdi: «Əvvəllər də elanların pulsuz olmasına baxmayaraq, maraq o qədər də böyük olmayıb. Ancaq indi belə elanların sayı birəbeş artıb.

Kirayə mənzildə yataq otağından tutmuş, mətbəxə qədər hər şey əla vəziyyətdədir. Mənzil lüks təmirlidir və lazım olan bütün avadanlıqlarla təmin edilib». Gündəlik kirayə verilən evlərdə ən çox kimlərin qaldığına gəlincə, N.Hüseynov bildirdi ki, belə mənzillərdə ən çox Bakıya müvəqqəti, məsələn, 3-4 günlük gələnlər qalır: «Onların arasında Türkiyə və Rusiyadan gələnlər də çoxdur. Turistlərin otellərə çox müraciət etməməsinin səbəbi sutkalıq kirayə verilən evlərin əksəriyyətinin şəhərin ən gözəl yerində yerləşməsi ilə bağlıdır. Xüsusən eyvanı dənizə açılan mənzillərə tələbat böyükdür. Belə evlərdə qalanlar adətən tək olmur. Tutaq ki, 2 otaqlı bir evi sutkası 50 manata kirayələmək belələri üçün sərfəli sayıla bilər. Həm də sərbəst olurlar, özləri-özlərinə qulluq edirlər. Xüsusən Rusiyadan gələnlər belə rahatlığa çox üstünlük verir. Əgər müştəri bir dəfə gəlib qaldısa və evdən, münasibətdən razı qaldısa, mütləq gələn dəfə gələndə həmin evi seçir. Odur ki, mənim belə yüzlərlə müştərim var». İnternet vasitəsilə nömrəsini əldə etdiyimiz «Naza» (sosial şəbəkə adı belə qeyd olunub) adlı qadın da bu işin peşəkarlarındandır. O, sosial şəbəkədəki səhifəsində nömrəsini açıq-aşkar yazaraq müştərilərə «saatlıq ev» təklif edir. Həmin xanıma zəng edərək özümüzü müştəri kimi təqdim etdik və bizə bir neçə saatlıq mənzil lazım olduğunu dedik. Naza xanım bizə bunları dedi: «Sizə ev nə zaman lazımdırğ Hazırda «Nizami» metrosunun yanında «novostroyka»da ikiotaqlı evim var, hər bir şəraiti yerində. Onun saatı 50 manatdır. Biri də var, «Neftçilər»dədir. Onun bir saatı 40 manatdır».

Daha sonra «müsahib»imizdən təhlükəsizliklə bağlı soruşduq. O isə cavabında «qorxmayın, mənim evimə heç kim gələ bilməz. Təhlükəsizliyinə söz verirəm», - deyə cavab verdi. Ekspertlərin bildirdiyinə görə, gündəlik kirayə mənzil bazarından ən çox əxlaqsızlıq məqsədilə istifadə olunur. Yəni gündəlik kirayə mənzilinin pulunu ödəməklə kirayəçi istədiyi şəxsi həmin mənzilə gətirə bilər. Sonrası isə... Daşınmaz əmlak sahəsi üzrə ekspert Ramil Osmanlı bizimlə söhbətində bildirdi ki, kirayə mənzil bazarına tələbat son zamanlar artıb: «Bunun səbəbi müxtəlifdir. İnsanlar rahat və heç kimlə rastlaşmadan gündəlik yaşamaq üçün bu cür evlərə üstünlük verir. Hazırda kirayə mənzil bazarında durğunluq yaşanır. Bunun da səbəbi təhsilin bitməsi və tələbələrin öz yaşadığı bölgələrə geri qayıtması ilə bağlıdır. Amma gündəlik kirayə mənzil bazarında vəziyyət hər zaman aktiv olaraq qalıb».

DİGƏR XƏBƏRLƏR

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

Tarix: 07.07.2026 / 20:11

İran müharibəsi qlobal enerji təminatında yeni böhran yaradıb...

Tarix: 07.07.2026 / 16:35

Beyləqanın Əlinəzərli kəndində fermerlər üçün aqrar sığorta təlimi keçirilib

Tarix: 07.07.2026 / 12:56

Azərbaycanda vençur kapitalı fondları yaradılacaq...

Tarix: 06.07.2026 / 21:45

Ermənistan Azərbaycanla Türkiyənin elektrik şəbəkəsinə qoşulmaq istəyir...

Tarix: 06.07.2026 / 21:05

Avropanın daha bir dövləti Azərbaycanın Orta Dəhliz layihəsinə qoşulur...

Tarix: 06.07.2026 / 19:25

Ermənistan məhsullarının Avropaya çatdlrılmasında ağır problemlər yarandı...

Tarix: 06.07.2026 / 17:09

Rusiya Azərbaycan vasitəsilə Ermənistana 30 vaqon propan göndərdi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...