Yanar üzlüklü bina evlərinin bazarı sürətlə ölür

Tarix: 22.05.2015 / 03:27
Bölmə: İqtisadiyyat

Nüsrət İbrahimov: "Alıcılar penoplastla üzlənən yaşayış binasından ev almağa ehtiyat edəcək"

"Yaxın günlər ərzində çoxmərtəbəli binalarda satışa çıxarılan mənzillərin qiymətinin ucuzlaşacağı müşahidə olunacaq"

Mayın 19-da paytaxtın Binəqədi rayonu, Azadlıq prospekti 200/36 ünvanında yerləşən çoxmərtəbəli yaşayış binasında yanğın baş verib. Yanğına səbəb kimi binanın penoplastla üzlənməsi göstərilir. Qeyd edək ki, paytaxtda mövcud olan yaşayış binalarının bir hissəsi adıçəkilən materialla üzlənib.
Yayılan məlumata görə, artıq alıcılar penoplastla üzlənən binalarda ev almaq istəyindən yan keçir.
Mənzil sahibi olmaq istəyənlərin əsaslandırmalarına görə, bu hadisədən sonra belə binalarda yaşamaq çox təhlükəlidir. Paytaxtda çoxmərtəbəli binalar çox tikilir və müxtəlif materiallarla üzlənir. Odadavamlı olmayan materialdan üzlənən binaların sayı təqribən 300-ə çatır. Onların çoxu çoxmərtəbəli olmaqla yanaşı, fasadları alışmağa meyllidir. Binəqədi rayonunda binanın məhz bu üzlüklərə görə yanması alıcılarda, sadə vətəndaşlarda narahatlıq yaradır.
Bundan əlavə, binaların üzlənməsi zamanı təhlükəsizlik qaydaları, binada yaşayan insanların fikirləri belə nəzərə alınmır, sadəcə, görünüşünə fikir verilir. Köhnə tikililərdə lift problemi var, tüstü bacaları yenilənmir. Fövqəladə vəziyyət zamanı təxliyyə olunma sistemləri nəzərə alınmır. Bütün bunlar indi belə binalarda evlərin qiymətinin düşməsinin ciddi səbəbləridir.
Ev alqı-satqısı ilə məşğul olan maklerlərin sözlərinə görə, Binəqədi rayonunda qeydə alınan məlum yanğın hadisəsindən sonra çoxmərtəbəli binalarda evlərin satış qiymətinin aşağı düşməsi gözlənir: "Ola bilsin ki, bir müddət alıcılar penoplastla üzlənən binalardan ev almasın. Ümid edirəm ki, əmlak bazarında yaşanan durğunluq uzun müddət davam etməyəcək. İnsanlar yaşayış binasına deyil, fərdi evlərə üstünlük verəcək".
MBA Konsaltinq Şirkətinin rəhbəri, əmlak məsələləri üzrə ekspert Nüsrət İbrahimov "Bakı-Xəbər"ə açıqlamasında qeyd etdi ki, yaxın günlər ərzində çoxmərtəbəli binalarda satışa çıxarılan mənzillərin qiymətinin ucuzlaşacağı müşahidə olunacaq: "Alıcılar adıçəkilən materialla üzlənən yaşayış binasından ev almağa ehtiyat edəcək. Penoplast üzlüyü o binalardan söküləndən sonra alıcı bolluğu yaşana bilər".
Həmsöhbətimiz onu da bildirdi ki, paytaxtdakı mənzillərin qiymətinin yüksək həddə çatması əhalinin alıcılıq qabiliyyətinin azalmasına əsas səbəbdir: "Bakının əmlak bazarında qiymət azalması prosesi hələ ötən ilin sonunda başlayıb, sonra isə 33 faizlik devalvasiya bu prosesi bir az da sürətləndirib. Devalvasiya səbəbi ilə artmış 14 faizdən əlavə, qiymətlər real olaraq 10 faiz düşəcək. Yəni ilin sonuna qədər bu ilin martındakı qiymətlərin 24 faiz azalması müşahidə olunacaq. Bir sözlə, indi alıcılar bazardan küsüblər. Onlar bu məsələdə çox haqlıdırlar, çünki mövcud qiymətlər əhalinin alıcılıq qabiliyyətini çox üstələyir. Ucuzlaşma olan halda mənzil bazarında canlanma yaranar, insanlar yeni yaşayış sahələrində yaşamaq sevincini yaşayar".

DİGƏR XƏBƏRLƏR

Tarix: 27.10.2026 / 18:56

Azərbaycan Rusiya ilə təbii qaz alışı sazişi imzalayacaq...

Tarix: 27.10.2026 / 18:02

Azərbaycana mal əti idxalı kəskin artdı - yerli istehsal "ölür", bazar bahalaşır...

Tarix: 26.10.2026 / 21:46

Naxçıvanın büdcəsi 13 milyon kəsildi - maraqlı səbəblərdən danışılır...

Tarix: 26.10.2026 / 11:50

Kimlərin pensiyalarına əlavələr ediləcək? - AÇIQLANDI...

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...