Vətəndaşlardan əmlak vergisinin hesablanma qaydaları dəyişdirilib

Tarix: 20.04.2015 / 02:44
Bölmə: İqtisadiyyat

Fərhad Bayramov: "İndi verginin hesablanması üçün əmlakın dəyəri yox, sahəsi əsas götürüləcək"

"Yeni dəyişikliklərdən sonra mənzillərə görə ödənilən əmlak vergisinin məbləği azaldılıb"

Xəbər verildiyi kimi, Nazirlər Kabineti fiziki şəxslərin əmlak vergisinin hesablanması üçün Bakı şəhərində yerləşən binalara tətbiq edilən əmsalları təsdiq edib. Yeni qaydalara əsasən, Bakı şəhərində 12 əmsal üzrə əmlak vergisinin hesablanması həyata keçiriləcək. Mərkəzdə yaşayanlar daha çox, şəhərdən kənarda yaşayanlar isə daha az vergi ödəyəcək.
Məsələ ilə bağlı fikir bildirən iqtisadçı-ekspert Fərhad Bayramov qeyd etdi ki, yeni dəyişikliklərdən sonra mənzillərə görə ödənilən əmlak vergisinin məbləği azaldılıb: "Yeni qərara qədər fiziki şəxslərin əmlak vergisi onların xüsusi mülkiyyətində olan əmlakın inventarlaşdırılmış dəyəri 5 min manat azaldıldıqdan sonra yerdə qalan məbləğ 0,1 faizlə vergiyə cəlb olunmaqla hesablanırdı. İndi verginin hesablanması üçün əmlakın dəyəri yox, sahəsi əsas götürüləcək. Bu verginin ödənilməsi ilə bağlı aşağıdakı məqamlar olduqca əhəmiyyətlidir. Əvvəla sahəsi 30 kv. metrədək olan mənzillər əmlak vergisindən azaddır. Yəni yaşayış sahəsi 30 və daha az kv.metrə malik olan mənzillərdən bələdiyyə nümayəndəsinin vergi ödənilməsini istəməsi yeni dəyişikliklərə əsasən qanunsuzdur və bu halda heç bir vergi ödənilməməlidir. İkincisi, mənzilin sahəsi 30 kv.metrdən çoxdursa, o zaman vergi bütün sahəyə deyil, azad olunan hissə çıxıldıqdan sonra qalan sahəyə hesablanır. Məsələn, mənzilin sahəsi 70 kv.metrdirsə, o zaman vergi 40 kv.metrə tətbiq edilir. Üçüncüsü, əmsallar tətbiq edilən zaman Bakıdan kənarda yerləşən mənzillərin əmlak vergisi azaldılır. Məsələn, mənzil Buzovnada yerləşirsə, o zaman ümumi məbləğ 0,8-ə vurulur. Sahəsi 70 kv.metr olan mənzil üçün verginin son məbləği praktik olaraq azaldılır. Bu zaman hesablanmış 16 manat 0,8-ə vurulur və son məbləğ 12,8 manat alınır. Bu da 16 manatdan az olur. Dördüncüsü, Bakı şəhəri üzrə tətbiq edilən 12 əmsalın 6-da əmsallar son vergi məbləğini azaldır, biri məbləği dəyişmir, 5-i isə artırır. Deməli, yeni əmsallar daha çox əmlak vergisi üzrə son məbləğlərin azaldılmasına xidmət edir. Beşincisi, mənzil sahibləri əmsalları çap etməklə öz evləri üçün əmlak vergisinin məbləğini hesablaya bilər. Altıncısı, əmsallar yalnız Bakı şəhərində yerləşən binalara tətbiq olunacaq. Paytaxtdan kənarda, o cümlədən Sumqayıt şəhərində və Abşeron rayonunda yerləşən binalara və evlərə əmlak vergisi hesablanan zaman heç bir əmsaldan istifadə olunmayacaq.
Yeddincisi, paytaxtda vergi hesablanan zaman vergiyə cəlb olunan sahə 0,4 manata vurulursa, Gəncə, Sumqayıt şəhərlərində və Abşeron rayonu üçün bu 0,3 manat, digər şəhər və rayon mərkəzlərində 0,2 manat, rayonlardakı qəsəbə və kəndlərdə isə 0,1 manatdır. Sonda onu da əlavə edim ki, vergilər illik hesablanır və ildə 1 dəfə bələdiyyə tərəfindən yığılır. Yeni əmsallar artıq Vergilər Nazirliyinin saytında yerləşdirilib".

DİGƏR XƏBƏRLƏR

Tarix: 28.10.2026 / 12:23

Azərbaycanın strateji valyuta ehtiyatları xarici dövlət borcunu 20 dəfə üstələdi...

Tarix: 28.10.2026 / 12:10

Azərbaycanın dövlət borcu açıqlandı

Tarix: 28.10.2026 / 10:11

Azərbaycan nefti ucuzlaşdı - 122 dollar...

Tarix: 27.10.2026 / 18:56

Azərbaycan Rusiya ilə təbii qaz alışı sazişi imzalayacaq...

Tarix: 27.10.2026 / 18:02

Azərbaycana mal əti idxalı kəskin artdı - yerli istehsal "ölür", bazar bahalaşır...

Tarix: 26.10.2026 / 21:46

Naxçıvanın büdcəsi 13 milyon kəsildi - maraqlı səbəblərdən danışılır...

Tarix: 26.10.2026 / 11:50

Kimlərin pensiyalarına əlavələr ediləcək? - AÇIQLANDI...

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...