İqtisadçı alim dövriyyədə nağd pulun azalmasının bir neçə səbəbini göstərdi

Tarix: 17.04.2015 / 01:25
Bölmə: İqtisadiyyat

Əli Əlirzayev: «Nağd pul kütləsinin azalmasının bir səbəbi əhalinin alıcılıq qabiliyyətinin azalması ilə bağlıdır»

«Manatın məzənnəsinin dollara nisbətən ucuzlaşması da nağd pul kütləsinin azalmasına təkan verib»

Cari ilin fevral ayında Azərbaycan Mərkəzi Bankının (AMB) rəsmi beynəlxalq ehtiyatları 13,2 faiz və ya 1,68 mlrd. manat azalaraq mart ayının 1-nə 11,004 mlrd. manat təşkil edib. İlin əvvəli ilə müqayisədə isə azalma 20 faiz (2,75 mlrd. manat) olub.

Keçən ilin analoji dövrü ilə müqayisədə bu göstərici 23,8 faiz (3,44 mlrd. manat) azalıb.

Hesabat dövründə rəsmi ehtiyat aktivlərinin həcmi 4,426 mln. dollar və ya 37,6 faiz azalaraq 7,341 mlrd. dollar, qiymətli kağızlara sərmayələr isə 42,8 faiz azalaraq 4,237 mlrd. dollar təşkil edib.

Bununla yanaşı, bildirilir ki, martın 1-nə pul bazası 9,736 mlrd. manat təşkil edib və bu göstərici son bir ayda 1,024 mlrd. manat və ya 9,5 faiz azalıb. Yəni dövriyyədə olan nağd pul və ya bankların AMB-dəki müxbir hesablarda qalıqlarının azalması baş verib.

AMB-nin banklara olan tələbi isə fevralda 212 mln. manat və ya 12,5 faiz artıb. Yəni bankların Mərkəzi Bankın vəsaitlərinə ehtiyacı artıb. Artım devalvasiyadan sonra valyuta risqi ilə üzləşən banklara maliyyə dəstəyi nəticəsində yaranıb.

Nağd pul kütləsinin nə səbəbdən azalmasını öyrənmək məqsədilə iqtisadçı-ekspert Əli Əlirzayevə müraciət etdik.

O, «Bakı-Xəbər»ə açıqlamasında bildirdi ki, nağd pul kütləsinin azalmasının bir səbəbi əhalinin alıcılıq qabiliyyətinin azalması ilə bağlıdır: «Alıcılıq qabiliyyətinin aşağı olmasına səbəb isə dükan-bazarda müşahidə olunan qiymət bahalığıdır. Tikinti sahəsində yaşanan durğunluq da pul kütləsinin azalmasına səbəb olur».

İqtisadçının sözlərinə görə, nağd pul kütləsinin azalmasının digər səbəbi isə manatın məzənnəsinin dollara nisbətən ucuzlaşmasıdır. Əhali əllərində olan milli valyutanı xaricə pula dəyişməyə üstünlük verdiyi üçün nəticə belə olub. Həmsöhbətimiz onu da əlavə etdi ki, valyuta ehtiyatı tükənməmiş də manat üçün problemlərin yaranması gözləniləndir: «Artıq valyuta ehtiyatı müəyyən bir həddə, tutaq ki, 4-5 milyard dollara çatsa, vəziyyət ciddiləşəcək. Artıq manata təzyiq daha da artacaq, manatın ucuzlaşması prosesi sürətlənəcək. Ehtiyat təxminən 4-5 milyarda çatsa, Mərkəzi Bank ikinci bir devalvasiya addımı ata, manatın yenidən ucuzlaşmasına gedə bilər.

Valyuta ehtiyatı qurtararsa, bu halda artıq manatın kəskin ucuzlaşmasını gözləmək olar. Ucuzlaşma artıq bu dəfə 34 faiz deyil, bundan çox ola bilər. Bu çox təhlükəli haldır. Çünki manatın arxasında valyuta ehtiyatı durur və valyuta ehtiyatı imkan verir ki, manatın kursunu saxlayaq».

DİGƏR XƏBƏRLƏR

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

Tarix: 07.07.2026 / 20:11

İran müharibəsi qlobal enerji təminatında yeni böhran yaradıb...

Tarix: 07.07.2026 / 16:35

Beyləqanın Əlinəzərli kəndində fermerlər üçün aqrar sığorta təlimi keçirilib

Tarix: 07.07.2026 / 12:56

Azərbaycanda vençur kapitalı fondları yaradılacaq...

Tarix: 06.07.2026 / 21:45

Ermənistan Azərbaycanla Türkiyənin elektrik şəbəkəsinə qoşulmaq istəyir...

Tarix: 06.07.2026 / 21:05

Avropanın daha bir dövləti Azərbaycanın Orta Dəhliz layihəsinə qoşulur...

Tarix: 06.07.2026 / 19:25

Ermənistan məhsullarının Avropaya çatdlrılmasında ağır problemlər yarandı...

Tarix: 06.07.2026 / 17:09

Rusiya Azərbaycan vasitəsilə Ermənistana 30 vaqon propan göndərdi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...