Azərbaycanda yoxsulluğun 8 dəfə azaldılmasına beynəlxalq sənədlərdə qısqanc münasibət var

Tarix: 16.04.2015 / 02:55
Bölmə: İqtisadiyyat

Elşən Həsənov: «Ölkədə olan iqtisadi irəliləyişlərin etiraf edilməməsi qısqanclıqla bağlıdır»

«Avropanın əksər ölkələri iqtisadi böhran içərisində boğulur»

Xəbər verildiyi kimi, iqtisadiyyat və sənaye naziri, Azərbaycan Respublikası ilə Serbiya Respublikası arasında Ticarət və İqtisadi Əməkdaşlıq üzrə Hökumətlərarası Komissiyanın həmsədri Şahin Mustafayev Azərbaycanda səfərdə olan Serbiya Respublikasının Baş naziri Aleksandr Vuçiçin rəhbərlik etdiyi nümayəndə heyəti ilə görüşüb.

Görüşdə nazir Şahin Mustafayev qarşılıqlı hörmət və etibarlı tərəfdaşlıq prinsiplərinə əsaslanan Azərbaycan-Serbiya münasibətlərinin yüksələn xətlə inkişaf etdiyini, ölkələrimiz arasında siyasi-iqtisadi əlaqələrin inkişafında dövlət başçılarının qarşılıqlı səfərlərinin, aparılan danışıqların əhəmiyyətini vurğulayıb.

Bildirilib ki, 2013-cü ildə Azərbaycan və Serbiya arasında imzalanmış Strateji Tərəfdaşlıq haqqında Bəyannamə, Hökumətlərarası Komissiyanın fəaliyyəti, iş adamlarının iştirakı ilə keçirilən biznes forum və «dəyirmi masa»lar əməkdaşlığın genişlənməsində əhəmiyyətli rol oynayır. İndiyədək ölkələrimiz arasında 25-dən çox sənəd imzalanmış, ticarət əlaqələri dinamik inkişaf edir, Azərbaycan şirkətləri Serbiyada uğurla fəaliyyət göstərir, investisiya qoyuluşu həyata keçirilir.

Nazir Şahin Mustafayev deyib ki, Azərbaycan və Serbiya arasında müxtəlif sahələrdə əməkdaşlığın bundan sonra da uğurla davam etdirilməsi üçün sənaye, xüsusilə Sumqayıt Kimya Sənaye Parkı ilə əməkdaşlıq, kənd təsərrüfatı məhsullarının istehsalı və emalı, infrastruktur, turizm və s. sahələrdə geniş imkanlar var.

Görüşdə Azərbaycan iqtisadiyyatı barədə məlumat verən Şahin Mustafayev ölkəmizdə makroiqtisadi və maliyyə sabitliyinin və davamlı iqtisadi inkişafın təmin olunduğunu, son 10 ildə ÜDM-in 3 dəfə, dövlət büdcəsinin gəlirlərinin 12,2 dəfə, xarici ticarət dövriyyəsinin 4,3 dəfə artdığını, yoxsulluq səviyyəsinin 8 dəfə azaldığını, işsizliyin 4,9% təşkil etdiyini söyləyib. Hazırda Azərbaycan şirkətləri müxtəlif xarici ölkələrdə uğurla fəaliyyət göstərir. Sənaye, İKT, kənd təsərrüfatı, turizm Azərbaycan iqtisadiyyatının prioritet sahələridir.

Baş nazir Aleksandr Vuçiç qonaqpərvərliyə görə təşəkkür etmiş, ölkəsinin Azərbaycanla əlaqələrə böyük əhəmiyyət verdiyini və əməkdaşlığın genişləndirilməsində maraqlı olduqlarını vurğulayıb. Serbiya iqtisadiyyatı barədə məlumat verən A.Vuçiç ölkəsində yol tikintisi sahəsində fəaliyyət göstərən Azərbaycan şirkətinin uğurlu fəaliyyətini diqqətə çatdırıb, Azərbaycan iş adamlarını iqtisadiyyatın müxtəlif sahələrində, o cümlədən tikinti, kənd təsərrüfatı və s. sahələr üzrə layihələrdə fəal iştiraka dəvət edib.

Açıqlanan rəsmi statistikadan görünür ki, ölkəmizdə yoxsulluq 8 dəfə azalıb. Əslində, bu böyük iqtisadi yüksəlişin göstəricisidir. Heç dünyanın aparıcı ölkələri belə bu göstəriciyə nail ola bilmir. Ancaq maraqlıdır ki, bu fakta dünyanın əksər beynəlxalq qurumları olduqca qısqanc yanaşır. Azərbaycanla bağlı təqdim edilən hesabatlarda nədənsə bunun üstündən sükutla keçilir. Bunun səbəbi nə ilə bağlıdır?

Azərbaycan Sosialist Partiyasının sədri Elşən Həsənov «Bakı-Xəbər»ə bildirdi ki, beynəlxalq qurumların hesabatları ilə bağlı, bir partiya olaraq, biz dəfələrlə münasibət bildirmişik: «Fikir versəniz görərsiniz ki, əsasən tənqid üzərində qurulan həmin hesabatların cəmiyyətə təqdimatı müəyyən maraqlar üzərində qurulur. Daha çox ölkələrə təzyiq etmək mexanizmi kimi ortaya atılır. Dediyiniz iqtisadi göstəricilər isə konkret faktlara söykənir və təbiidir ki, bu, həmin dairələrin diqqətini cəlb etməyə bilməz. Hansısa bir neqativ halın, nə az, nə çox, 8 dəfə azalması köklü dəyişiklik anlamına gəlir.

Bu gün Avropanın əksər ölkələri iqtisadi böhran içərisində boğulur. Biz sol təmayüllü partiya olaraq bu prosesləri yaxından təqib edirik. Azərbaycanda vəziyyət doğrudan da yaxşıdır. Sadəcə, bəzi islahatların aparılmasına zərurət var.

Biz həmin təklifləri əlaqədar qurumlara vermişik. Onlar da düzəlsə, çox gözəl olar. Ölkədə olan iqtisadi irəliləyişlərin etiraf edilməməsi isə qısqanclıqla bağlıdır».

DİGƏR XƏBƏRLƏR

Tarix: 28.10.2026 / 12:23

Azərbaycanın strateji valyuta ehtiyatları xarici dövlət borcunu 20 dəfə üstələdi...

Tarix: 28.10.2026 / 12:10

Azərbaycanın dövlət borcu açıqlandı

Tarix: 28.10.2026 / 10:11

Azərbaycan nefti ucuzlaşdı - 122 dollar...

Tarix: 27.10.2026 / 18:56

Azərbaycan Rusiya ilə təbii qaz alışı sazişi imzalayacaq...

Tarix: 27.10.2026 / 18:02

Azərbaycana mal əti idxalı kəskin artdı - yerli istehsal "ölür", bazar bahalaşır...

Tarix: 26.10.2026 / 21:46

Naxçıvanın büdcəsi 13 milyon kəsildi - maraqlı səbəblərdən danışılır...

Tarix: 26.10.2026 / 11:50

Kimlərin pensiyalarına əlavələr ediləcək? - AÇIQLANDI...

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...