Bağlanmaq təhlükəsi olan banklara çarə tapıldı

Tarix: 20.03.2015 / 01:05
Bölmə: İqtisadiyyat

Samir Əliyev: "Bu addım banklara təxminən 200 milyon manatdan çox likvidlik verəcək"

"Yeni dəyişiklik nəticəsində restrukturizasiya olunmuş aktivlər standart hesab olunacaq, ancaq..."

"Belə iddialar var ki, banklar müflis olacaq. Bütün bunlar məsuliyyətsiz, populist çıxışlardır". Bunu Mərkəzi Bankın sədri Elman Rüstəmov manatın ucuzlaşmasının bankları iflasa uğradacağı haqqında iddialara münasibət bildirərkən söyləyib. O bildirib ki, banklar bu gün də inkişaf edir və onlarla əməkdaşlıq davam etdirilir:

"Heç bir bank bağlanmayacaq. Özəl bank sektoru yaxşı kapitallaşıb. Məcmu kapitalı 50 milyon manat olmayan banklarla müqavilə bağlanıb. O banklar da bağlanmayacaq, fəaliyyətləri davam edəcək. Prosesi ciddi nəzarətdə saxlayacağıq".

E.Rüstəmov qeyd edib ki, bundan sonra məzənnə siyasəti daha çevik olacaq. Baş bankın sədri bildirib ki, fundamental dəyişiklik olsa, cəmiyyət məlumatlandırılacaq: "İqtisadiyyatın maliyyələşdirilməsinə vəsait yönəldiləcək. İpotekaya ayrılan vəsait əhəmiyyətli artıralacaq. Bunun mənbəyi artıq müəyyən edilib. İkincisi, ipotekada iqtisadi aktivlik canlandırılacaq. Sosial evlərin tikintisi ipoteka vasitəsilə maliyyələşdiriləcək. Ən nəhayət, ipoteka regionlarda inkişaf etdiriləcək".

Bütövlükdə, E.Rüstəmovun məlum açıqlaması sözügedən bankların vəziyyətinin yaxşılaşmasına nə kimi müsbət təsir göstərəcək?

Məsələyə münasibət bildirən iqtisadçı-ekspert Samir Əliyev bunu müsbət dəyərləndirir. Onun fikrincə, hazırkı məqamda Mərkəzi Bankın banklara dəstəyi müşahidə edilir: "Misal üçün, Mərkəzi Bank 26 fevral 2015-ci il tarixli qərarla banklar üçün depozitlər üzrə məcburi ehtiyat normasını 4 dəfə azaldıb. "Məcburi ehtiyat normasının hesablanması və formalaşdırılması Qaydaları"na edilmiş dəyişikliyə əsasən, məcburi ehtiyat norması 2 faizdən 0,5 faizə salınıb. Bundan sonra banklar həm əhalidən, həm hüquqi şəxslərdən, həm də beynəlxalq təşkilatlardan cəlb etdikləri depozitlərin 0,5 faizini ehtiyata yönəldəcək. Yəni indiyə qədər depozit şəklində cəlb edilən hər 100 manatın 2 manatı ehtiyata gedirdi, 98 manatı kredit şəklində yönləndirilirdi. Hazırda hər 100 manatın 50 qəpiyi ehtiyata gedəcək. Yerdə qalan 99,5 manat kreditləşməyə yönəldiləcək. Bu addım banklara təxminən 200 milyon manatdan çox likvidlik verəcək. Həmin vəsaitlər banklara kredit qoyuluşunu artırmaq üçün əlavə imkan verir. İkinci addım "Aktivlərin təsnifləşdirilməsi və mümkün zərərlərin ödənilməsi üçün xüsusi ehtiyatların yaradılması Qaydaları"na dəyişikliklərdir. Məsələ ondadır ki, əvvəlki qaydaya görə, restrukturizasiya olunmuş aktivlər standart hesab oluna bilməzdi. Bu o demək idi ki, həmin aktivlər birbaşa qeyri-standart, daha doğrusu, qeyri-qənaətbəxş aktiv hesab edilməli və buna görə də bank tərəfindən 30 faiz ehtiyat ayrılmalı idi. Yeni dəyişiklik nəticəsində restrukturizasiya olunmuş aktivlər standart hesab olunacaq, ancaq nəzarət altında olan aktivlər kimi nəzərə alınacaq. Buna görə bank tərəfindən yaradılan ehtiyatın həcmi 6 dəfə az - 5 faiz olacaq. Bu isə banklara dəyən zərərin azaldılmasını təmin edəcək, bankların kapitalının "əriməsinin" qarşısını alacaq".

DİGƏR XƏBƏRLƏR

Tarix: 28.10.2026 / 16:15

Ətin qiymətinə görə Ermənistandan da geridəyik - hesabatı kim yayıb?

Tarix: 28.10.2026 / 12:23

Azərbaycanın strateji valyuta ehtiyatları xarici dövlət borcunu 20 dəfə üstələdi...

Tarix: 28.10.2026 / 12:10

Azərbaycanın dövlət borcu açıqlandı

Tarix: 28.10.2026 / 10:11

Azərbaycan nefti ucuzlaşdı - 122 dollar...

Tarix: 27.10.2026 / 18:56

Azərbaycan Rusiya ilə təbii qaz alışı sazişi imzalayacaq...

Tarix: 27.10.2026 / 18:02

Azərbaycana mal əti idxalı kəskin artdı - yerli istehsal "ölür", bazar bahalaşır...

Tarix: 26.10.2026 / 21:46

Naxçıvanın büdcəsi 13 milyon kəsildi - maraqlı səbəblərdən danışılır...

Tarix: 26.10.2026 / 11:50

Kimlərin pensiyalarına əlavələr ediləcək? - AÇIQLANDI...

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...