Yolların "dağıdıcılardan" mühafizəsində yol polisi daha etibarlı qurum kimi görəvləndirildi

Tarix: 20.03.2015 / 01:03
Bölmə: İqtisadiyyat

Şahin Camalov: "Hesab edirəm ki, sərəncamdan irəli gələn vəzifələri DYP layiqincə yerinə yetirəcək"

"Müşahidə kameralarındakı görüntülər, elektron tərəzilər işə yarayacaq"

Prezident İlham Əliyev ümumi istifadədə olan ölkə əhəmiyyətli avtomobil yollarının qorunması haqqında sərəncam imzalayıb. Sərəncamda göstərilir ki, iriqabaritli və (və ya) ağırçəkili nəqliyyat vasitələrinin icazə verilən qabarit, çəki və yüklə birlikdə oxa düşən kütlə parametrlərinə dair tələblərin pozulması nəticəsində ümumi istifadədə olan ölkə əhəmiyyətli avtomobil yolları bir çox hallarda dağılır və ya deformasiyaya məruz qalır:

"Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq, ümumi istifadədə olan ölkə əhəmiyyətli avtomobil yollarının qorunması üçün iriqabaritli və (və ya) ağırçəkili nəqliyyat vasitələrinin icazə verilən qabarit, çəki və yüklə birlikdə oxa düşən kütlə parametrlərinə dair tələblərin pozulmasına yol verilməməsi məqsədilə yeni texnologiyaların tətbiqi və bu sahədə tələblərin pozulmasına görə inzibati xəta haqqında elektron protokolun tərtibi ilə əlaqədar qərara alıram:

1. Azərbaycan Respublikası Nəqliyyat Nazirliyinin tabeliyindəki "Azəryolservis" Açıq Səhmdar Cəmiyyəti Azərbaycan Respublikası Daxili İşlər Nazirliyinin Baş Dövlət Yol Polisi İdarəsi ilə birlikdə:

1.1. iriqabaritli və (və ya) ağırçəkili nəqliyyat vasitələrinin icazə verilən qabarit, çəki və yüklə birlikdə oxa düşən kütlə parametrlərinə dair tələblərin pozulması hallarının müəyyənləşdirilməsi üçün ümumi istifadədə olan ölkə əhəmiyyətli avtomobil yollarında bu sərəncamın 2.1-ci bəndinə uyğun olaraq müəyyən edilmiş yerlərdə yol örtüyünün altında hərəkətdə olan nəqliyyat vasitəsinin çəki və kütlə parametrlərini ölçən texniki vasitələrin (elektron tərəzilərin və çiplərin) yerləşdirilməsini təmin etsin;

1.2. iriqabaritli və (və ya) ağırçəkili nəqliyyat vasitələrinin icazə verilən qabarit, çəki və yüklə birlikdə oxa düşən kütlə parametrlərinə dair tələbləri pozan şəxslər və hərəkətdə olan belə nəqliyyat vasitələrinin çəki və kütlə parametrləri barədə məlumatların, habelə həmin nəqliyyat vasitələrinin foto və ya video görüntülərinin, inzibati xəta haqqında elektron protokolun tərtib edilməsi məqsədilə, real vaxt rejimində Azərbaycan Respublikası Daxili İşlər Nazirliyinin Baş Dövlət Yol Polisi İdarəsinin mərkəzi informasiya sisteminə ötürülməsi üçün yol örtüyünün altında yerləşdirilmiş texniki vasitələrin (elektron tərəzilərin və çiplərin) həmin informasiya sisteminə qoşulmasını təmin etsin".

Sərəncamada o da qeyd olunur ki, Nazirlər Kabineti sərəncamdan irəli gələn digər məsələləri həll etməlidir.

Bununla bağlı diqqətçəkən məqamlardan biri də ondan ibarətdir ki, yolların qorunmasında DYP-nin rolu artırılır. Bu da yolların keyfiyyətli qorunması işində ciddi müsbət dönüş yarada bilər.

Maraqlıdır, ekspertlər məsələyə necə yanaşır?

Məsələyə münasibət bildirən "Təhlükəsiz Yol" Alyansının koordinatoru Şahin Camalovun sözlərinə görə, bu işin öhdəsindən DYP daha uğurla gələcək: "Sərəncamda DYP-nin rolunun artırılması olduqca təqdirəlayiq haldır. Məsələ ondadır ki, əvvəllər yolların qorunmasını əsasən Nəqliyyat Nazirliyi həyata keçirirdi. Ancaq reallıq ondan ibarətdir ki, NN bu işin öhdəsindən gələ bilmədi. Bunun da bir sıra obyektiv və subyektiv səbəbləri var. Əsas məsələ odur ki, NN-də iş keyfiyyətli təşkil olunmayıb.

Zaman-zaman problemlər özünü göstərir. Ancq bundan fərqli olaraq DYP yolların qorunması işini daha yaxşı icra edəcək. Müşahidə kameralarındakı görüntülər, elektron tərəzilər işə yarayacaq. Nəticədə yolların qorunması işi daha yaxşı təşkil olunacaq. Bütün bunlarla yanaşı, onların üzərinə çox böyük iş düşür. Çünki yol infrastrukturu ən bahalı infrastrukturdur. Bu baxımdan hesab edirəm ki, sərəncamdan irəli gələn vəzifələri DYP layiqincə yerinə yetirəcək".

DİGƏR XƏBƏRLƏR

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

Tarix: 07.07.2026 / 20:11

İran müharibəsi qlobal enerji təminatında yeni böhran yaradıb...

Tarix: 07.07.2026 / 16:35

Beyləqanın Əlinəzərli kəndində fermerlər üçün aqrar sığorta təlimi keçirilib

Tarix: 07.07.2026 / 12:56

Azərbaycanda vençur kapitalı fondları yaradılacaq...

Tarix: 06.07.2026 / 21:45

Ermənistan Azərbaycanla Türkiyənin elektrik şəbəkəsinə qoşulmaq istəyir...

Tarix: 06.07.2026 / 21:05

Avropanın daha bir dövləti Azərbaycanın Orta Dəhliz layihəsinə qoşulur...

Tarix: 06.07.2026 / 19:25

Ermənistan məhsullarının Avropaya çatdlrılmasında ağır problemlər yarandı...

Tarix: 06.07.2026 / 17:09

Rusiya Azərbaycan vasitəsilə Ermənistana 30 vaqon propan göndərdi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...