Həyat sığortasının miqyası niyə 10 faiz azalıb?

Tarix: 20.03.2015 / 00:09
Bölmə: İqtisadiyyat

Rəşad Həsənov: "Orta statistik Azərbaycan vətəndaşının vacib hesab etdiyi xərclər arasında həyat sığortası yoxdur"

"Həyat sığortasına müraciət edənlərin sayının az olmasının səbəbi inamsızlıq, sığorta şirkətləri ilə müştərilər arasında olan problemlərdir"

Həyat sığortası şəxsin ölümü, müəyyən yaşa çatması, ailə başçısını itirməsi, xəstəlik və ya bədbəxt hadisə nəticəsində əmək qabiliyyətini itirməsinə görə gəlirlərinin azalması, sağalmaz xəstəliyə tutulması və s. hallarda maliyyə təzminatının həyata keçirilməsini nəzərdə tutan sığorta fəaliyyəti istiqamətidir.

Həyat sığortası ailə başçısının ölməsi, bədbəxt hadisə və ya xəstəlik üzündən əmək qabiliyyətini itirdiyinə görə gəlirlərinin azalması hallarında ailənin köməyinə çatacaq bir mexanizm rolunu oynayır. Dünya ölkələrində geniş yayılan və sığorta bazarının 2/3-ni tutan bu sığorta növünün Azərbaycanda inkişaf etməməsinin səbəbləri nədir?

Azərbaycan Sığortaçılar Assosiasiyasının yaydığı məlumata görə, bu ilin yanvar-fevral aylarında Azərbaycanda toplanmış sığorta haqlarının 19,3%-i və yaxud 19,6 mln. manatı həyat sığortasının payına düşüb. Ötən ilin eyni dövrünə nisbətən həyat sığortası bazarı təxminən 13,9% azalıb.

Həyat sığortasındakı yığımların təxminən 51,4%-i və ya 10,1 mln. manatı həyatın yaşam sığortası, 28,5%-i və ya 5,6 mln. manatı istehsalatda bədbəxt hadisələrdən sığorta, 19,5%-i və ya 3,8 mln. manatı həyatın ölüm halından sığortası, cəmi 111 min manatı isə sağalmaz xəstəliklərdən sığortanın payına düşüb.

Bu iki ay ərzində həyat sığortası üzrə həyata keçirilmiş sığorta ödənişlərinin məbləği isə 4,4 mln. manat təşkil edib. Bu da ümumi ödənişlərin 18,3%-ni təşkil etməklə, 2014-cü ilin eyni dövrünə nisbətən 3,2 dəfə çoxdur.

Həyat sığortası üzrə ödənişlərin təxminən 73%-i və ya 3,2 mln. manatı həyatın yaşam sığortası, 12,7%-i və ya 556 min manatı həyatın ölüm halından sığortası, 14,3%-i və ya 629 min manatı isə istehsalatda bədbəxt hadisələrdən sığortanın payına düşüb. Sağalmaz xəstəliklərdən sığorta üzrə ödəniş isə olmayıb.

Hesabat dövründə həyat sığortası bazarında toplanmış hər 100 manat sığorta haqqının müqabilində 22,4 manat ödəniş həyata keçirilib, 2014-cü ilin eyni dövründə isə bu göstərici 6 manat olub.

Həyat sığortasına müraciət edənlərin sayının azalması barədə ekspertlər fərqli düşünür.

İqtisadçı-ekspert Rəşad Həsənovun sözlərinə görə, mal-mülk və həyat sığortasının miqyası həm də ölkədəki yaşayış səviyyəsi ilə bağlıdır: "Həyat sığortası dünya ölkələrində inkişaf etmiş sığorta növüdür. Ölkədə şirkətlərin adambaşına ödənişlərinin payı 20 dolları ötmür, bu da MDB-də ən aşağı göstəricidir. Hər bir ailə öz büdcəsini planlaşdırarkən sığorta məsələsini nəzərə almalıdır. Azərbaycanda ailə büdcəsinin 70-75 faizi istehlak xərclərinə yönəldilir. Orta statistik Azərbaycan vətəndaşının vacib hesab etdiyi xərclər arasında həyat sığortası yoxdur. Bunun bir səbəbi sığorta və onun üstünlüyü barədə vətəndaşların az məlumatlı olmasıdırsa, digər səbəb də inamsızlıq, sığorta şirkətləri ilə müştərilər arasında olan problemlərdir".

İqtisadçının dediyinə görə, idarə, müəssisə və həyat üçün yüksək təhlükə mənbəyi olan işlərdə çalışan işçilər istehsalatda bədbəxt hadisələrdən və peşə xəstəliklərindən işəgötürən tərəfindən mütləq icbari şəxsi sığorta edilməlidir: "Qanuna görə, sığorta haqqı işçinin əməkhaqqından tutulmur, bunu müəssisə ödəməlidir. Əlavə xərc çəkmək istəməyən müəssisələr isə öz işçilərinin sığortalanmasından yayınır. Bir çox işəgötürənlər işçilərin savadsızlığından, məcburiyyətindən istifadə edərək bu istiqamətdə heç bir addım atmır. Bu isə konkret qanun pozuntusudur".

DİGƏR XƏBƏRLƏR

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

Tarix: 07.07.2026 / 20:11

İran müharibəsi qlobal enerji təminatında yeni böhran yaradıb...

Tarix: 07.07.2026 / 16:35

Beyləqanın Əlinəzərli kəndində fermerlər üçün aqrar sığorta təlimi keçirilib

Tarix: 07.07.2026 / 12:56

Azərbaycanda vençur kapitalı fondları yaradılacaq...

Tarix: 06.07.2026 / 21:45

Ermənistan Azərbaycanla Türkiyənin elektrik şəbəkəsinə qoşulmaq istəyir...

Tarix: 06.07.2026 / 21:05

Avropanın daha bir dövləti Azərbaycanın Orta Dəhliz layihəsinə qoşulur...

Tarix: 06.07.2026 / 19:25

Ermənistan məhsullarının Avropaya çatdlrılmasında ağır problemlər yarandı...

Tarix: 06.07.2026 / 17:09

Rusiya Azərbaycan vasitəsilə Ermənistana 30 vaqon propan göndərdi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...