Rusiya bazarlarında Azərbaycan məhsullarına tələbat sürətlə artır

Tarix: 18.03.2015 / 03:27
Bölmə: İqtisadiyyat

Məlum olduğu kimi, Azərbaycan Rusiyaya aqrar sahədə istehsal olunan məhsulları göndərən əsas ölkələrdən biridir. Proseslərin gedişi bu qənaətə gəlməyə əsas verir ki, qarşıdakı dövr ərzində də ölkəmizdən Rusiyaya göndərilən kənd təsərrüfatı məhsullarının həcmi artacaq. Buna əsas səbəb Qərb və Rusiya arasında davam edən ziddiyyətlər, bitməyən sanksiyalardır.
Belə bir vaxtda Rusiyanın iqtisadiyyat naziri Aleksey Ulyukayev ölkəsinə qarşı tətbiq olunan sanksiyaların daha iki il uzana biləcəyini açıqlayıb. Nazir 2016-cı ildə iqtisadi artımın olacağını, sonrakı 3 ildə ortalama 2,5-3 faiz inkişaf gözlənildiyini bildirib: "Biz 2016-cı ildə inkişaf gözləyirik. Sanksiyaların bu il və gələn il davam etmə ehtimalı daha çox olsa da, sonrakı 3 ildə 2,5-3 faiz inkişaf gözlənir". Bu müddət ərzində Rusiya xaricdən, o cümlədən Azərbaycandan aqrar məhsullar almaqda davam edəcək. Özü də Rusiya bu məhsulların həcmini artırmaq istəyir. Çünki Qərb Rusiyaya qarşı sanksiyaların həm vaxtını uzadır, həm də onu daha kəskin hala gətirir.
Elə bu günlərdə Avropa Birliyi Ukraynanın şərqindəki böhrana görə Rusiyaya qarşı sanksiyaların müddətini yarım il uzadıb. Ötən il qüvvəyə minmiş Rusiyaya qarşı Avropa sanksiyalarının müddəti martın 15-də bitməli idi. Lakin bu ilin yanvarında Ukraynada vəziyyət kəskinləşdiyinə görə Brüssel sanksiyaları uzatmaq qərarına gəlib. Bundan əvvəl ABŞ Ukraynada vəziyyətlə bağlı Rusiyaya qarşı sanksiyaların daha 1 il müddətinə uzadılması qərarını qəbul etmişdi. Məsələyə növbəti dəfə münasibət bildirən Almaniya kansleri Angela Merkel Ukrayna prezidenti Petro Poroşenko ilə görüşündə bildirib ki, Almaniya və onun müttəfiqləri Krım Ukraynaya qaytarılmadan sakitləşməyəcək: "Biz unutmamalıyıq ki, Krımın anneksiyası qanunsuz postmüharibə Avropasındakı düzümü təhlükə altında qoyub. Biz Ukraynanın suverenliyi və ərazi bütövlüyü bərpa olunmayınca sakitləşməyəcəyik". Petro Poroşenko deyib ki, martın 19-da keçiriləcək Avropa sammitində Qərb liderlərindən Rusiyaya qarşı sanksiyalar məsələsində aydın mövqe gözləyir. Avropa liderləri bu sammitdə Rusiyanın enerji, müdafiə və maliyyə sektorları üzərinə ötən iyulda qoyulmuş sanksiyaları nəzərdən keçirəcək. Ukrayna prezidentinin qənaətinə görə, Moskvaya qarşı sanksiyalar genişləndirilməlidir, çünki Rusiya Minsk razılaşmasının şərtlərinə əməl etməyib: "Ukrayna tərəfi Minsk razılaşmasının bütün maddələrini yerinə yetirib, lakin rusiyayönlü separatçılar bunun tam əksini etməklə məşğuldur. Separatçılar tərəfindən atəşkəs gündə 60 dəfə pozulur".
Bu şəraitdə Rusiya ərzağa olan tələbatının əsas hissəsini Avropadan yox, digər ölkələrdən olan idxal hesabına ödəməli olacaq və buraya Azərbaycan da aiddir. Hazırda Azərbaycan Rusiya bazarına olduqca böyük həcmdə kənd təsərrüfatı məhsulları, meyvə-tərəvəz, ət tədarük edir. Avropa ölkələrindən kənd təsərrüfatı məhsullarının idxalını qadağan edən Rusiyanın bazarlarında Azərbaycan mallarına tələb getdikcə artır. Rusiya hökuməti yüksək səviyyədə bəyan edir ki, indi Azərbaycandan daha çox kənd təsərrüfatı məhsulu idxal etməyi düşünür. Rusiya Kənd Təsərrüfatı Məhsullarına Nəzarət Üzrə Dövlət Xidmətinin rəsmisi Yuliya Trofimova da bu günlərdə bildirib ki, Moskva Azərbaycandan daha çox kənd təsərrüfatı məhsullarının idxalında maraqlıdır. Onun sözlərinə görə, Azərbaycanın kənd təsərrüfatı məhsulları ənənəvi olaraq öz dadı və keyfiyyətilə Rusiyada məşhurdur: "Ancaq bu o demək deyil ki, biz bütün məhsulları heç yoxlamadan qəbul edəcəyik. Əlbəttə ki, məhsulların keyfiyyətinə nəzarət etməyimiz şərtilə bütün qapılarımız Azərbaycana açıq olacaq". Rusiyadakı iş adamlarımız da Rusiyanın Avropaya tətbiq etdiyi sanksiyalardan maksimum şəkildə istifadə etməyə çalışır. Rusiya bazarlarında ticarətlə məşğul olan həmvətənlərimiz Azərbaycan mallarına olan tələbatın artmasından çox razıdırlar.
Hazırda Rusiyaya kənd təsərrüfatı məhsullarının tədarükü üçün əlavə tələbat və imkanlar yaranıb. Xatırladaq ki, ötən il Moskva meri Sergey Sobyaninin Bakıya səfəri zamanı tədarüklərin artması ilə bağlı konkret müqavilələr imzalanıb və ən əsası tədarük logistikasının yaradılması, tədarük üzrə nəqliyyat şəraiti haqqında razılaşmalar əldə olunub. Bütün bunlar fonunda Rusiyaya daha çox aqrar məhsullar satılması qaçılmaz hal sayılır və bu istiqamətdə genişmiyqaslı işlər gedir.

DİGƏR XƏBƏRLƏR

Tarix: 28.10.2026 / 18:22

İpoteka kreditlərinin verilməsi qaydalarına dəyişiklik edildi

Tarix: 28.10.2026 / 16:15

Ətin qiymətinə görə Ermənistandan da geridəyik - hesabatı kim yayıb?

Tarix: 28.10.2026 / 12:23

Azərbaycanın strateji valyuta ehtiyatları xarici dövlət borcunu 20 dəfə üstələdi...

Tarix: 28.10.2026 / 12:10

Azərbaycanın dövlət borcu açıqlandı

Tarix: 28.10.2026 / 10:11

Azərbaycan nefti ucuzlaşdı - 122 dollar...

Tarix: 27.10.2026 / 18:56

Azərbaycan Rusiya ilə təbii qaz alışı sazişi imzalayacaq...

Tarix: 27.10.2026 / 18:02

Azərbaycana mal əti idxalı kəskin artdı - yerli istehsal "ölür", bazar bahalaşır...

Tarix: 26.10.2026 / 21:46

Naxçıvanın büdcəsi 13 milyon kəsildi - maraqlı səbəblərdən danışılır...

Tarix: 26.10.2026 / 11:50

Kimlərin pensiyalarına əlavələr ediləcək? - AÇIQLANDI...

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...