Fransada yanacağın bahalaşmasına qarşı başlayan etiraz aksiyaları ötən şənbə 21-ci həftəni də arxada qoydu.
Baki-xeber.com xarici mediaya istinadən xəbər verir ki, Fransız hökuməti bütün vasitələrə əl ataraq aksiyaların qarşısını almağa çalışır. Bu çərçivədə yeni qanunlar qüvvəyə minir, sərt xəbərdarlıqlar edilir, ancaq etirazçılar geri çəkilmək istəmir.
Baxmayaraq ki, polis zorakılığı nəticəsində ölənlər, yüzlərlə yaralananlar, əlil olanlar var. Dünya isə 21 həftdir (bu həftə də keçirilərsə 22-ci) davam edən aksiyalarda polis zorakılığını hələlik sükutla qarşılayır.
Bunu fürsət bilən, xalqın tələblərini qulaq ardına vuran hakimiyyət isə etirazları yatırmaq üçün qanunları daha da sərtləşdirir. Son olaraq imzalaması üçün Fransa prezidenti Emmanuel Makronun qarşısına yeni qanun qoyulub. Bu qanun polisə etirazçılara qarşı həqiqi güllələrdən istifadə etməyə icazə verir.
Qanun layihəsinə görə, etiraz aksiyalarında hüquq-mühafizə orqanlarına qarşı hər hansı bir mənfi davranış olduğu halda istənilən şəkildə müdaxilə edə biləcəklər. Yəni yeni qanun fransız polisinin həqiqi güllələrdən istifadə etməsinin yolunu açır.
“Sarı jiletlilər”in etirazlarına son qoymaq istəyən prezident Makron isə bu qanunu tərəddüd etmədən imzalayıb.
Yeni qanun, polisə nümayişlər zamanı çantaları və avtomobilləri yoxlamağa da icazə verir. Saxlanan və polislərə zor tətbiq edən etirazçılar bir il müddətinə həbs cəzası alacaqlar. Bundan başqa 17 min dollar cərimə ediləcəklər.
