ABŞ Prezidenti Donald Tramp Kanada Baş naziri Mark Karnini "Qubernator" adlandırıb. Sosial mediada Çinlə ticarət münasibətləri ilə bağlı açıqlama verən Tramp Kanadanı tariflərlə hədələyib:
"Əgər qubernator Karni Kanadanın Çinin ABŞ-a mal göndərməsi üçün "tranzit limanı" olacağını düşünürsə, çox yanılır. Əgər Kanada və Çin razılığa gələrsə, ABŞ-a daxil olan bütün Kanada mənşəli mallar və məhsullara dərhal 100% tarif tətbiq olunacaq".
Trampın açıqlaması Karninin Çinə səfərindən dərhal sonra gəlib.
Karni Davosda Trampı dolayı yolla tənqid edib. Bundan sonra Tramp Kanada Baş nazirinə Sülh Şurasının iclasında iştirak etmək üçün göndərdiyi dəvəti geri çəkib.
Qrenlandiyanı ilhaq etmək istəyən Tramp dəfələrlə Qızıl Günbəzin Kanadanı da qoruyacağını iddia edir.
Bundan əlavə, Tramp əvvəllər Kanadanı ABŞ-ın 51-ci ştatına çevirmək istədiyini dilə gətirib.
TAHİR
