ABŞ-da yerləşən İran İnsan Haqları Fəalları Xəbər Agentliyi (HRANA) İranda iqtisadi problemlər üzündən baş verən etiraz aksiyalarında ölənlər və saxlananlarla bağlı yeni rəqəmlər açıqlayıb.
HRANA-nın məlumatına görə, etiraz aksiyaları zamanı baş verən toqquşmalarda 3308 nəfər həyatını itirib. Ölənlərdən 3097-sinin etirazçı, 22-sinin uşaq, 23-ünün isə neytral mülki şəxs olduğu, ümumilikdə 166 təhlükəsizlik qüvvəsi əməkdaşının və hökuməti dəstəkləyən mülki şəxsin də həyatını itirdiyi, 4382 ölüm xəbəri ilə bağlı araşdırmaların isə davam etdiyi bildirilib.
Ölkənin müxtəlif yerlərində baş verən hadisələr nəticəsində 24266 nəfər saxlanılıb.
Etirazların xarici güclər tərəfindən təhrik edildiyini iddia edən İran hakimiyyəti hadisələrdə ölən və ya yaralananların ümumi sayı ilə bağlı hələlik açıqlama verməsə də, terror təşkilatlarının üzvü və ya hadisələri təhrik edən 3000 nəfərin saxlanıldığını bildirib.
TAHİR
