Davos forumunda Trampla görüşə bir gün qalmış Ukrayna prezidenti Zelenski maraqlı açıqlamalar verib.O, ABŞ-a danışıqlar üçün xüsusi nümayəndə heyəti göndərdiyini bildirib.
Deyib ki, görüşlər nəticəsində indiyədək Amerika imzalanmış sənədlərə ,habelə Rusiya ilə diplomatik müstəvidə işlərin necə davam edəcəyinə aydınlıq gətiriləcək .Zelenski Ukraynaya təhlükəsizlik təminatı və ölkənin bərpası ilə bağlı sənədlərin bir sıra məqamlarının yenidən işlənməyə ehtiyacı olduğunu bildirib.
Görünür ki,Ukrayna prezidenti ərazilərlə bağlı məsələnin müzakirəsinə həvəsli olmamaqla bərabər, təhlükəsizliyə və ölkənin bərpasına fövqəladə önəm verir.Məlumdur ki, müharibədən sonra Ukraynanın bərpası üçün 800 milyardın 10 il ərzində ölkəyə verilməsi ilə bağlı layihə ortada olsa da, maliyənin hansı mənbələrdən gələcəyi məlum deyil.Bunun Ukrayna prezidentini narahat etməsi təsadüf deyil .Müharibədən sonra dağılmış ölkədə boş əllə qalmağı hansı lider istəyər ki...Təhlükəsizliyə gəldikdə isə, Ukrayna üçün ən qaranlıq məsələlərdən biri də budur.Konkret mexanizmlər olmasa , ölkənin gələcəyi sual altına düşmüş olar.Bu məsələdə də Zelenski əsas rollardan birini ABŞ-ın oynamasını istəyir.
Yanvarınn19- da başlayacaq Davos forumunda Zekenskinin Trampla görüşü gözlənilir. Ekspertlər bu görüşün gərgin keçə biləcəyini deyirlər.
Bu səbəblərdən Zelenski Davosa qədər ABŞ- la bəzi məsələlərin dəqiqləşdirilməsinə çox çalışır.
Nahid Salayev
