İranın Ali Lideri Əli Xamenei xalqa müraciət edərək, ölkəsində faciələrə səbəb olan son etirazlara görə, ABŞ-ı günahlandırıb.
Xamenei bildirib ki, son iğtişaşlara ABŞ prezidenti birbaşa özü müdaxilə edib: “O, danışdı, təhdid etdi, təhrikçiləri həvəsləndirri və dəstəklədi. Biz ABŞ prezidentini insan itkisinə, vurduğu ziyana və İran xalqına qarşı yönəlmiş təhqirlərə görə günahkar hesab edirik".
Vaşinqton administrasiyasının siyasətinin həmişə "İranı idarə etmək" üzərində qurulduğunu bildirən Xamenei, iddia edib ki, son iğtişaşlar Amerikadan qaynaqlanan iğtişaş olub: “ABŞ-ın məqsədi İranı udmaq idi".
Ölkəni müharibəyə sürükləmək istəmədiklərini vurğulayan Xamenei bildirib ki, hadisələrdə ABŞ və İsrailin əlinin olduğuna dair dəlillər var. Dini lider deyib ki, İran xalqı iğtişaşların daxili və beynəlxalq günahkarlarını təqib etməkdən heç vaxt əl çəkməyəcək.
TAHİR
