Warning: opendir(/home/sites/bakixeber/cache/): failed to open dir: No such file or directory in /opt/php7/lib/php/Cache/Lite.php on line 642
Baki Xeber - News
22/08/2019 20:42
728 x 90

İrqçiliyə və Dözümsüzlüyə qarşı Avropa Komissiyasından Azərbaycana qarşı 2 ədalətsizlik...

“Səslənən tənqidlərin heç bir əsası yoxdur”

img

İrqçiliyə və Dözümsüzlüyə qarşı Mübarizə üzrə Avropa Komissiyası hesab edir ki, Azərbaycan iki prioritet tövsiyəni yerinə yetirməyib.

Birincisi, ECRI hakimiyyətə müstəqil vətəndaş cəmiyyətinin inkişafı üçün şərait yaratmağı tövsiyə edib. Bununla əlaqədar ECRI bəzi müsbət məqamları - xarici donorlar üçün qrantların qeydiyyatı prosedurunun sadələşdirilməsi ilə bağlı Prezidentin fərmanını, qrantların qeydiyyatı üçün elektron xidmətlərin inkişafını, hökumət və vətəndaş cəmiyyəti arasında dialoq başladığını qeyd edir.

Bu müsbət məqamlara baxmayaraq, ECRI hesab edir ki, hakimiyyətin QHT-lərin müstəqil fəaliyyəti üçün əlverişli şərait yaratmayan məhdudlaşdırıcı tədbirləri davam edir. Bəzi hallarda bu, həmin QHT-lərin öz işini bərpa edə bilməməsinə gətirib çıxarır. Bunu nəzərə alaraq, ECRI belə bir nəticə çıxarır ki, onun tövsiyəsi yerinə yetirilməyib.

İkincisi, ECRI hakimiyyətə Avropa Şurasına daxil olarkən götürdüyü öhdəlikləri yerinə yetirməyi, Azərbaycan Konstitusiyasının 76-cı maddəsində nəzərdə tutulduğu kimi, alternativ hərbi xidmət haqqında qanunvericilik yaratmağı tövsiyə edib. Komissiya qeyd edir ki, Azərbaycan hakimiyyətinin belə bir qanunvericiliyin qəbulu üzrə heç bir təşəbbüsü olmayıb və bu tövsiyə yerinə yetirilməyib.

Qeyd edək ki, İrqçiliyə və Dözümsüzlüyə qarşı Mübarizə üzrə Avropa Komissiyası irqçiliyə, irqi, etnik, milli mənşəyə, dəri rənginə, vətəndaşlığına, dinə, dilə, cinsiyyətə, meyllərə və gender kimliyinə görə ayrıseçkiliyə, ksenofobiyaya, antisemitizmə və dözümsüzlüyə qarşı mübarizə məsələlərində ixtisaslaşan, insan hüquqlarına riayət olunmasına nəzarət edən orqandır.

Maraqlıdır, sözügedən qurumun Azərbaycan hakimiyyətinin məlum tövsiyələri yerinə yetirmədiyi barədə rəyi nə dərəcədə əsaslıdır?

  • Məhərrəm Zülfüqarlı: “QHT-lərin fəaliyyətinin məhdudlaşdırıldığı deyiləndə onlar əsasən xaricdən maliyyələşən...”

Məsələyə münasibət bildirən İctimai Problemlərin Tədqiqi Assosiasiyasının rəhbəri Məhərrəm Zülfüqarlının sözlərinə görə, Azərbaycanla bağlı səslənən tənqidlər əsassızdır: “Səslənən tənqidlərin heç bir əsası yoxdur. Onların məqsədi Azərbaycan dövlətçiliyini zəiflətməkdir. Guya hakimiyyətin QHT-lərin müstəqil fəaliyyəti üçün əlverişli şərait yaratmadığı barədə deyilənlər absurddur. Hansı əsasla onlar belə qənaətə gəliblər? Əksinə, ölkə hakimiyyəti QHT-lərin fəaliyyəti üçün hər cür şərait yaradır. QHT-lərin fəaliyyətinin məhdudlaşdırıldığı deyiləndə onlar əsasən xaricdən maliyyələşən, Azərbaycan əleyhinə təxribatla məşğul olan təşkilatları nəzərdə tuturlar. Onların çoxsaylı bank hesabını Gürcüstanda açıblar. Azərbaycanda istədikləri vaxt müəyyən maxinasiyalar edə bilmirlər. Bununla bağlı xaricdən maliyyə dəstəyi verənlər narahatdırlar. Onların məqsədi Ukrayna və digər ölkələrdə olduğu kimi, Azərbaycanda da vəziyyəti qarışdırmaqdır. Azərbaycan dövlətçiliyinin güclü olması onları narahat edir. İkincisi, Azərbaycan müharibə vəziyyətində olduğu üçün, alternativ hərbi xidmət haqqında qanuna hələ ehtiyac yoxdur. Hər bir Azərbaycan övladı öz vətənini qorumağa və torpaqları azad etməyə borcludur”.

Vidadi ORDAHALLI

Son xəbərlər