17/09/2019 01:06
728 x 90

Dünya mediasında futbol təşkilatçılığı mövzusunda Bakı ilə Madridin maraqlı müqayisəsi başlayıb...

“Bizə qara yaxanlar bununla yanıldılar və müqayisə aparmaqla bunu etiraf etdilər”

img

Məlum olduğu kimi, Bakıda Avroliqanın finalında “Arsenal”la “Çelsi, Madriddə isə iyunun 1-də yenə də iki ingilis komandası Çempionlar Liqasının finalında görüşdülər. Bakı ilə müqayisə edəndə Madriddə bu gözəl futbol yarışmasının, əslində, futboldan başqa hər şeyə oxşadığına sadəcə heyrət edirsən və bir daha dönüb Bakıdakı futbol finalına nəzər yetirirsən. Belə müqayisə aparan tək biz deyilik.

Dünya, o cümlədən, Avropa mediası bununla bağlı müqayisə aparıb. Məlum olub ki, Madriddə yaşananlar çox biabırçı bir mənzərə yaradıb. Məsələn, İngiltərənin məşhur futbol ekspertlərindən biri Brayan Uirli BBC-yə müsahibəsində bildirib ki, Bakıda matçın təşkili əla idi. O, Bakıda təşkil olunmuş Avroliqanın final oyunu ilə Madrid matçını müqayisə edib: “Bakı uzaq olsa da, oradakı matçın təşkili əla idi. Şəhər çox təmiz, təhlükəsiz, stadiona gediş rahat... Madrid əsl cəhənnəm oldu. Çempionlar Liqası tarixində ən pis təşkil olunmuş matçdır. Mən və İngiltərədən “Çelsi”-“Arsenal” matçını seyr etmək üçün Bakıya getmiş on minlərlə fanat qarşılaşmaya evsahibliyi edən Azərbaycanın paytaxtındakı hazırlıq və təşkilat səviyyəsindən, infrastrukturdan, təhlükəsizliyin təminatından vəcdə gəldik”.

B.Uirli Madriddə qarşılaşmaya hazırlıq səviyyəsindən, təhlükəsizlik tədbirlərindən, infrastrukturdan tutmuş, biletlərin satışınadək hər şeyin çox pis olduğunu deyib.

Digər media vasitələrində də bənzər müqayisələr yer alıb. Məlum olub ki, polis Madriddə çoxlu sayda saxta bilet satanları həbs edib. Orada otel və hostel qiymətləri çox baha olub, polis fanatları təhqir edib və s.

Bakıda keçirilən oyuna münasibətdə isə ancaq xoş təəssüratlar yer alıb. Bütün bu deyilənlərin fonunda, Bakı ilə Madridin müqayisəsi nəyin nəticəsidir?

  • Azər Həsrət: “Məlum oldu ki, İspaniya kimi inkişaf etmiş Avropa ölkəsində biabırçı mənzərə yaşanıb”

Məsələyə münasibət bildirən media eksperti Azər Həsrət buna bir neçə aspektdən yanaşdı: “Bakıda Avroliqa ərəfəsində dünya mediasında, xüsusən də ingilislərə, ermənilərə yaxın olan mediada Azərbaycanın mənfi obrazını yaratmağa çalışdılar. Azərbaycan haqqında olmazın böhtanlar uyduruldu. İddia olundu ki, guya Bakı Avroliqanın finalına layiq deyil. Ancaq bütün bu deyilənlərin əksinə olaraq, Azərbaycan, həmişə olduğu kimi, çox yüksək təşkilatçılıq nümayiş etdirdi. Ümumiyyətlə, heç bir fövqəlada hadisə yaşanmadan bu oyun yüksək səviyyədə keçirildi. Heç kim bizə qarşı ciddi və əsaslandırılmış narazılıq edə bilmədi. Yəni bizə qarşı səsləndirilən ittihamlar öz təsdiqini tapmadı. Bunun ardınca Madriddə Çempionlar Liqasının finalının keçirilməsi hər bir işimizə yaradı. Niyə? Ona görə ki, dünya mediasında müqayisə etmək üçün imkan yarandı. Məlum oldu ki, İspaniya kimi inkişaf etmiş Avropa ölkəsində biabırçı mənzərə yaşanıb. Belə olan halda, Azərbaycan nəinki daha yaxşı final keçirə bilər, ümumiyyətlə, Avropa İttifaqı ölkələrinin istənilən bir üzvündən daha yaxşı tədbir keçirə bilər. Azərbaycanın bu sahədə böyük təcrübəsi var. Son oyunla Azərbaycan bunu bir daha sübut etdi. Bizə qara yaxanlar bununla yanıldılar və müqayisə aparmaqla bunu etiraf etdilər. Bu da onun hesabına baş verdi ki, Azərbaycan üzərinə götürdüyü istənilən öhdəliyi yüksək səviyyədə yerinə yetirməyi bacarır”.

Vidadi ORDAHALLI

Son xəbərlər