25/08/2019 23:01
728 x 90

Tramp Azərbaycanda islahatlara birmənalı dəstək verdi - radikal müxalifət bu məsələdə də təkləndi...

Məhərrəm Zülfüqarlı: “ABŞ prezidentinin islahatlarla bağlı səsləndirdiyi müsbət fikirlər radikal müxalifətin arqumentlərini darmadağın etdi”

img

“AŞPA, Avropa Şurası, Avropa İttifaqı ekspertləri dəfələrlə bununla bağlı öz müsbət fikirlərini bildiriblər”

“Azərbaycanda islahatlar istiqamətində, xüsusilə də qanunun aliliyi sahəsində Azərbaycan xalqının mənafeyinə xidmət edəcək və əməkdaşlığımızın dərinləşməsi üçün imkanlar yaradacaq bütün addımları alqışlayırıq”. Bu fikirlər 28 May - Respublika Günü münasibətilə ABŞ Prezidenti Donald Tramp tərəfindən Prezident İlham Əliyevə ünvanlanan təbrik məktubunda yer alıb. Təbrikdə Tramp bir sıra məqamlara toxunub, o cümlədən qeyd edib ki, dövlətlərimiz arasında bir çox ortaq maraqlar üzərində qurulmuş güclü tərəfdaşlıq mövcuddur: “Azərbaycanın beynəlxalq təhlükəsizliyə verdiyi töhfələri və Cənub Qaz Dəhlizi təşəbbüsünü irəli sürməklə Avropanın enerji təhlükəsizliyinin gücləndirilməsində Sizin liderliyinizi dəyərləndirirəm. Azərbaycanda islahatlar istiqamətində, xüsusilə də qanunun aliliyi sahəsində Azərbaycan xalqının mənafeyinə xidmət edəcək və əməkdaşlığımızın dərinləşməsi üçün imkanlar yaradacaq bütün addımları alqışlayırıq. Həmçinin, Dağlıq Qarabağ münaqişəsinin sülh yolu ilə və dayanıqlı həlli istiqamətində ATƏT-in Minsk Qrupu prosesində Sizin şəxsi iştirakınızı təqdir edirik.Tərəfdaşlığımızın gələcək illərdə də inkişaf etməsini səmimiyyətlə arzulayıram”. O da məlumdur ki, radikal müxalifət adətən ölkədə həyata keçirilən bütün islahatlara, ümumilikdə görülən bütün müsbət yönümlü işlərə kölgə salmağa çalışır. Onların xəstə təfəkkürünə görə, guya ölkədə heç bir müsbətyönümlü işlər görülmür. Digər tərəfdən, hər dəfə belə bir rəy yaratmağa çalışırlar ki, aparılan islahatları Qərb dəstəkləmir. Ancaq Trampın yuxarıda göstərilən məqama xüsusi toxunması göstərdi ki, ölkədə bu yöndə aparılan islahatlar böyük rəğbətlə izlənir və dəstəklənir. Bu baxımdan faktiki olaraq radikal müxalifət sözügedən məsələdə də təkləndi. Məlum oldu ki, onların bununla bağlı arqumentləri ABŞ tərəfindən qəbul edilmir. O baxımdan bütün bunları ekspertlər necə dəyərləndirir?

Məsələyə münasibət bildirən İctimai Problemlərin Tədqiqi Assosiasiyasının rəhbəri Məhərrəm Zülfüqarlının sözlərinə görə, Trampın islahatlarla bağlı səsləndirdiyi müsbət fikirlər radikal müxalifətin arqumentlərini darmadağın etdi: “Bu bir daha göstərdi ki, Birləşmiş Ştatlar Azərbaycanda müxtəlif sahələrdə həyata keçirilən islahatları maraqla izləyir və bütün bunları dəstəkləyir. Yəni istər iqtisadi, istərsə də qanunvericilik və idarəçilik sahəsində aparılan islahatlar, tətbiq olunan yeni idarəetmə metodları təqdir edilir. Hesab edirəm ki, bu çox önəmli məqamdır. Onu da qeyd edim ki, Azərbaycanda həyata keçirilən islahatları nəinki ABŞ, Avropa ölkələri və bir sıra beynəlxalq qurumlar da dəstəkləyir. AŞPA, Avropa Şurası, Avropa İttifaqı ekspertləri dəfələrlə bununla bağlı öz müsbət fikirlərini bildiriblər. Ancaq Azərbaycandakı radikal müxalifət öz konyunktur məqsədlərindən çıxış edərək bütün bunları görmək istəmir. Vaxtaşırı bunları görməzdən gəlir. Faktiki olaraq bununla bağlı saxtalaşdırma ilə məşğuldular. Bütün bunlara baxmayaraq, Azərbaycan dövləti öz siyasətini davam etdirir və ard-arda müxtəlif uğurlara imza atır. Prezident İlham Əliyevin bütün bunların əldə olunmasında çox böyük xidmətləri var. Hesab edirəm ki, radikalların səsləndirdiyi arqumentlər, indiyə qədər olduğu kimi, bundan sonra da fiaskoya uğrayacaq”.

Vidadi ORDAHALLI

Son xəbərlər