17/08/2019 15:31
728 x 90

Prezidentin musəlman ölkə səfirlərinə konkret çağırışı - Qarabağ məsələsində böyük dəstəyi Azərbaycan xalqı sizdən gözləyir...

Əli Orucov: “Türkiyə, Pakistan, Qazaxıstan kimi dost və qardaş ölkənin həmişə Azərbaycanın yanında olmasını yüksək qiymətləndirirəm”

img

 

“İrəvan-Tehran münsibətləri və əlaqələri günü-gündən inkişaf etdiyi üçün narahatçılıq doğurur”

“Ermənistan-Azərbaycan Dağlıq Qarabağ münaqişəsinin həlli ilə bağlı müsəlman ölkələrinin dəstəyi bizim üçün çox əhəmiyyətlidir”. Bunu Prezident İlham Əliyev müqəddəs Ramazan ayı münasibətilə müsəlman ölkələrinin Azərbaycandakı səfirlərini və diplomatik nümayəndəliklərinin rəhbərlərini qəbul edərkən deyib. Ölkə başçısının sözlərinə görə, beynəlxalq təşkilatlar çərçivəsində də çox fəal əməkdaşlıq edirik: “BMT-də, İslam Əməkdaşlıq Təşkilatında bir-birimizə qarşılıqlı dəstək göstəririk. Bu qarşılıqlı dəstək bizim əlaqələrimizin yüksək səviyyədə olmasının təzahürüdür. Xüsusilə, Ermənistan-Azərbaycan Dağlıq Qarabağ münaqişəsinin həlli ilə bağlı müsəlman ölkələrinin dəstəyi bizim üçün çox əhəmiyyətlidir. Bildiyiniz kimi, Ermənistan Azərbaycanın ayrılmaz hissəsi olan Dağlıq Qarabağı və onun ətrafında yerləşən 7 rayonu uzun illərdir işğal altında saxlayır. Bu münaqişə və etnik təmizləmə siyasəti nəticəsində 1 milyondan artıq azərbaycanlı öz doğma torpağında qaçqın-köçkün vəziyyətinə düşmüşdür. Bu, beynəlxalq hüququn pozulmasıdır. Baxmayaraq, beynəlxalq təşkilatlar bu məsələ ilə bağlı müxtəlif qərar və qətnamələr qəbul etmişlər, əfsuslar olsun ki, işğalçı dövlətə lazımi təzyiqi göstərmirlər”. O da məlumdur ki, dünyada çoxsaylı müsəlman ölkələri var. Bu dövlətlərdən bəziləri Dağlıq Qarabağ məsələsində daha qətiyyətli mövqe sərgiləyərək Ermənistanın təcavüzkar siyasətini pisləyir. Ancaq bunu bütün müsəlman ölkələrinə şamil etmək mümkün deyil. Elə ölkələr var ki, Ermənistanla müəyyən yaxın əlaqələrə malikdir. Ümumilikdə, Dağlıq Qarabağ məsələsində bütün müsəlman ölkələrinin fəaliyyətini qənaətbəxş saymaq olarmı?

Sözügedən məsələ ilə bağlı fikirlərini “Bakı-Xəbər”lə bölüşən AMİP funksioneri Əli Orucov buna bir neçə rakursdan yanaşdı: “Prezident isalm çoğrafiyasının diplomatları ilə bu dəfə görüşündə də isalm həmrəyliyi və bunun faydasına xüsusilə toxundu. Təqdirəlayiq haldır ki, bu görüşdə də Dağlıq Qarabağ problemi xüsusu yer tutdu. Prezident haqlı olaraq islam ölkələrindən Dağlıq Qarabağ münaqişəsinin ədalətli həllinə dəstək göstərilməsinin vacibliyini və əhəmiyyətini vurğuladı. Doğrudur, isalm ölkələri həmişə Azərbaycanın bu işdə haqq səsinə səs verib. 60-dan çox dövləti özündə birləşdirən İslam Əməkdaşlıq Təşkilatı Ermənistanı işğalçı dövlət kimi tanıyıb. BMT-də islam dövlətləri həmişə Azərbaycanın müdafiəsində durub. İki dəfə BMT-də Azərbaycanın ərazi bütövlüyü səsverməyə çıxarılanda islam dövlətləri istisnasız olaraq ölkəmizin xeyrinə səs verdilər. Doğrudur, Livan, Suriya kimi dövlətlər erməni terrorçularına və separatçılarına sığınacaq verən ölkələrdir. RəsmiTehran beynəlxaql aləmdən təcrid edilmiş Ermənisatana iqtisadi, ticari və kommunikasiya nəfəsliyi verib. İrəvan-Tehran münsibətləri və əlaqələri günü-gündən inkişaf etdiyi üçün narahatlıq doğurur. Birləşmiş Ərəb Əmirliklərinin Ermənistanla genişlənən əlaqələri narahatlıq doğurur. Lakin bu halları istisna etməklə, hesab edirəm ki, islam coğrafiyasının Azərbaycana, onun taleyüklü milli məsələsinə, işğal məsələsinə göstərdiyi tutumlu münasibət qənaətbəxşdir. Xüsusən də Türkiyə, Pakistan, Qazaxıstan kimi dost və qardaş ölkələrin həmişə Azərbaycanın yanında olmasını yüksək qiymətləndirirəm. Bununla bahəm, məncə, görüləsi daha çox işlər var”.

Vidadi ORDAHALLI

 

Son xəbərlər