17/08/2019 15:28
728 x 90

Tusk Azərbaycanı AB-nin məsuliyyətli tərəfdaşı adlandırmaqla nə demək istədi...

Məhəmməd Əsədullazadə: “Azərbaycan bu gun Avropa İttifaqı ilə Asiya arasında nəqliyyat və enerji dəhlizlərini reallaşdıran ölkədir”

img

“Bu aspektdən yanaşdıqda Tuskun dedikləri reallıqları əks etdirir”

Bu günlərdə Prezident İlham Əliyevin Belçikaya etdiyi işgüzar səfər Azərbaycan-Avropa İttifaqı münasibətlərinin qarşılıqlı maraqlar əsasında inkişaf etdiyini göstərdi. Bir daha təsdiq olundu ki, ölkəmiz Aİ üçün etibarlı və məsuliyyətli tərəfdaşdır. Ona görə Aİ Şurasının prezidenti Donald Tusk Azərbaycanın regiondakı rolunun bu təşkilat tərəfindən yüksək qiymətləndirildiyini bəyan etdi. Məsələ ondadır ki, Prezident İlham Əliyevin Avropa İttifaqı Şurasının prezidenti Donald Tuskla görüşü zamanı Azərbaycanla Aİ arasında əlaqələrin inkişafından məmnunluq ifadə olundu. Ölkəmizin Avropa İttifaqı üçün etibarlı və məsuliyyətli tərəfdaş olduğunu qeyd edən Donald Tusk Azərbaycanın regiondakı rolunun Avropa İttifaqı tərəfindən yüksək qiymətləndirildiyini vurğuladı.

Hər bir mötəbər beynəlxalq təşkilatla əməkdaşlıq edilməsi Azərbaycanın xarici siyasət kursunda əsas yerlərdən birini tutur. Rəsmi Bakının bu məsələdə ortaya qoyduğu mövqe həm də ölkəmizin yürütdüyü xarici siyasətin məzmununu nümayiş etdirir. Bu isə Azərbaycanın artan nüfuzundan xəbər verir. Enerji təhlükəsizliyi son vaxtlarda dünyanı və xüsusən Aİ-ni düşündürən ən vacib məsələyə çevrilib. Azərbaycanın isə zəngin karbohidrogen ehtiyatları və dünya bazarlarına çıxış yolları var. Elə buna görə hazırda enerji təhlükəsizliyi məsələsi xeyli vaxtdır ki, Aİ-Azərbaycan əməkdaşlığının mühüm tərkib hissəsinə çevrilib. Qərbin Azərbaycanı özünün enerji təhlükəsizliyinin əsas təminatçılarından biri kimi qəbul etməsi Aİ-Azərbaycan əlaqələrini strateji səviyyəyə yüksəldib. Bütün bu deyilənlərin fonunda, Tuskun Azərbaycan Aİ-nin məsuliyyətli və etibarlı tərəfdaşıdır fikri nə deməkdir? Ekspertlər bunu necə dəyərləndirir? Sözügedən məsələni “Bakı-Xəbər”ə şərh edən politoloq Məhəmməd Əsədullazadə buna bir neçə rakursdan yanaşdı: “Azərbaycanla Avropa İttifaqı arasında siyasi-iqtisadi əməkdaşlıq neçə illərdi yüksək səviyyədə inkişaf edir. Bu sahədə əməkdaşlıq böyük perspektivə malikdir. Ölkəmiz İttifaqın enerji təhlükəsizliyinin təmin edilməsində xüsusi rola malikdir. “Şahdəniz-2” kondensat yatağından hasil olunacaq qazın Cənubi Qaz Dəhlizi və onun seqmentləri olan TANAP və TAP layihələri ilə ötürülməsi nəzərdə tutulur. Proses 2020-ci ildə başa çatacaq. Azərbaycan bu gun Avropa İttifaqı ilə Asiya arasında nəqliyyat və enerji dəhlizlərini reallaşdıran ölkədir. Bu aspektdən yanaşdıqda Tuskun dedikləri reallıqları əks etdirir. Çünki Azərbaycan bütün bu layihələrin reallaşmasında mühüm rol oynayıb. Üzərinə düşən bütün öhtəlikləri layiqincə yerinə yetirib. Aİ Şurası prezidenti sözügedən fikirləri ilə bunlara eyham vurub. Yəni Azərbaycan öz üzərinə düşən bütün vəzifələri layiqincə yerinə yetirir. Ölkə Prezidenti İlham Əliyevin Avropa İttifaqının rəsmiləri ilə görüşü ikitərəfli əlaqələrin inkişafına töhfə verməklə yanaşı, çərçivə sazişinin imzalanmasının da tezləşdirməsinə gətirməlidir. Bəli, Avropa İttifaqının regionda strateji tərəfdaşı Azərbaycandır və bu əlaqələrin yeni mərhələyə keçməsi gözlənir”.

Vidadi ORDAHALLI

Son xəbərlər