Türkiyənin məşhur ilahiyyatçısı Nihat Hatipoğlu ATV kanalında aparıcısı olduğu iftar verilişində erməni uşağının müsəlmanlığı qəbul etməsi dünyadakı ermənilərin ciddi reaksiyasına səbəb olub. Həmin hadisədən sonra İstanbul erməni kilsəsinin arxiyepiskopu Aram Ateşyan Türkiyənin rəsmi qurumlarına şikayət edib ki, ilahiyyatçı bu hərəkəti uşağa onun iradəsinin ziddinə olaraq, zorla etdirib. Erməni keşişin bu yalançı canfəşanlığından sonra uşağın valideynləri də Hatipoğlu barəsində məhkəməyə müraciət etmək niyyətlərinin olduğunu deyiblər. N.Hatipoğlu isə uşağın valideynlərindən icazə aldığını deyib.
Qeyd edək ki, hər Ramazan yayımlanan, Hatipoğlunun aparıcısı olduğu iftar verilişinin reytinqi rekord qırmağa davam edir. Əslində, erməni din xadiminin bu canfəşanlığı, eləcə də erməni KİV-inin mövzunu daim gündəmdə saxlamasında olan maraqları aydındır. Dünyada dinini dəyişməklə bağlı belə hadisələr çox olur. Bütün millətlər buna normal yanaşırlar. Çünki bu, insan azadlığına aid olan məsələdir. Çox maraqlıdır ki, indiyə kimi ermənilərin mənsub olduqları məzhəbi qəbul edən kənar dinin nümayəndələrinə rast gəlinməyib. Artıq ermənilər anlayırlar ki, onlar üçün acınacaqlı vəziyyət yaranıb. Əgər erməni əsilli vətəndaşlar səfalət ucbatından ölkəni tərk edirlərsə, Türkiyədəki uşağın atdığı addım sübut etdi ki, onlar öz dinlərindən də beziblər. İstanbuldakı erməni din xadiminin həmin hadisənin böyük rezonans verəcəyindən və bunun dindən kütləvi imtinalara gətirib çıxara biləcəyindən ehtiyatlandığı üçün belə canfəşanlıq etdiyini iddia etmək olarmı?
Tural İrfan: “Artıq onların gəncləri də saxtakarlığı qəbul etmirlər”
İlahiyyatçı Tural İrfan “Bakı-Xəbər”ə açıqlamasında məsələyə münasibət bildirdi. Onun sözlərinə görə, Türkiyədə yaşayan tanınmış ilahiyyatçı N.Hatipoğlunun televiziya verilişində bir erməni gəncinin İslam dinini qəbul etməsinə erməni arxiyepiskopu Ateşyan belə bir iddia edir ki, guya o uşağı türklər məcbur edərək dinini dəyişdiriblər: “Qeyd edim ki, ermənilərin hər şeyi saxta olduğu kimi, dinləri də saxtadır. Qondarma bir qeyri-ənənəvi Qriqoryan dini-kilsəsi yaradaraq, dünyada və regionda ancaq məkrli siyasi oyunbazlıq edirlər. Erməni kilsəsi sırf erməni məkrinə xidmət edir. O ki, qaldı erməninin müsəlman olmasına, bu təbiidir. İslam dinində milli, irqi ayrıseçkilik yoxdur. İndiyəcən də kifayət qədər erməni İslam dininə üz tutub. Bu hallar ərəb ölkələrində daha çoxdur. Lakin qardaş Türkiyədə bu halın baş verməsinin bir neçə səbəbi ola bilər. Erməni uşağı erməni kilsəsi özü öyrədərək bu addımı atmağa məcbur edə bilər. Və sonra da uşaq "etiraf" etdirilə bilər ki, guya onu həqiqətən də İslam dinini qəbul etməyə məcbur ediblər. Bununla da ənənəvi erməni məkrinin təzahürü olaraq Avropada və dünyada şivən qopardarlar ki, baxın, türklər bizi dinimizi dəyişməyə məcbur edirlər”.
Ekspert hesab edir ki, bu hadisə mütləq Türkiyənin xüsusi xidmət orqanları tərəfindən araşdırılmalıdır: “İkinci xüsus da ondan ibarətdir ki, həqiqətən də tam səmimi olaraq, gənc erməniliyin murdar xislətini dərk edib, anlayıb və məhz türklərin dininə, İslama üz tutub. Əgər belə olubsa, ermənilərin hay-küy qoparmalarının əsası yoxdur. Xüsusilə erməni keşişlərinin narahatlığı əbəsdir. Çünki azsaylı bir xalqdırlar, dinləri də ancaq özlərinə aiddir. Bu dini də ermənilər tərk etsə, artıq onlar xeyli zəifləyərək dünyada hiylə və bədxahlıqla məşğul ola bilməyəcəklər.
Erməninin İslam dinini qəbul etməsi o zaman qəbul edilər ki, həmin erməni və ya ermənilər öz millətlərinə və sabiq dinlərinə xas bütün murdarlıqlara qarşı çıxsınlar, o dini nə üçün tərk etdiklərini açıqlasınlar, ermənilərin işğal etdikləri, soyqırım törətdikləri torpaqların əsl sahiblərinin türklər olduqlarını etiraf etsinlər, hətta lazım gələndə türklər tərəfdən ermənilərə qarşı savaşsınlar. Yəni İslamı tam səmimi qəbul etsələr, bu məqbuldur.
Erməni kilsəsi isə ondan narahatdır ki, son zamanlar Ermənistandan çoxsaylı köç baş alıb gedir, indi də dindən dönmə halları başlayıb. Onlar narahatdırlar ki, bu hal kütləviləşər.
Ancaq son və həqiqi din məhz İslam olduğu üçün, bu dinin mənsublarına qarşı tarixən ən qəddar zülmləri etmiş erməni kilsəsi də yaxın zamanda Quran qarşısında aciz qalacaq.
Atalar misalımız var ki, yalan ayaq tutar, yeriməz. Erməni yalanının yıxılmasına artıq çox az qalıb. Erməni keşişlərinin həyasızlığı və şərləmələri keçərsizdir. Artıq dünya başqa dünyadır. Bu gün Türkiyə artıq İslam dünyasının ən qabaqcıl, aparıcı dövlətinə çevrilmək üzrədir. Bunu bütün dünya, o cümlədən də erməni gəncliyi görür, araşdırır, oxuyur və sonda həqiqəti qəbul edir. Artıq onların gəncləri də saxtakarlığı qəbul etmirlər, öz tarixlərinin, dövlətlərinin saxta olduğunu görürlər və ona görə də hətta dinlərini tərk edirlər”.
Məhəmmədəli QƏRİBLİ
