20/05/2019 15:33
728 x 90

Qardaş Türkiyədə gey-parad icazəsi Azərbaycanda təəssübkeş narahatlıqla qarşılandı…

“Türkiyədə gey paradın keçirilməsinə icazə verilməsi təəssüf doğurur”

img

Türkiyə paytaxtında gey-paradların keçirilməsinə icazə verilib. Bu barədə “Amnesty International” təşkilatının yaydığı məlumatda qeyd olunur. Bildirilir ki, “Kaos GL” fəalları 2017-ci ildən Ankarada LGBT mövzusunda ictimai tədbirlərin keçirilməsinə qoyulan qadağanın aradan qaldırılması ilə bağlı məhkəməyə müraciət ediblər.

Aprelin 19-da məhkəmə dinc nümayişlərin keçirilməsi haqqının təmin edilməsini dövlətin öhdəliyi kimi əsas gətirərək “Kaos GL” fəallarının iddiasını təmin edib.

Nəzərə almaq lazımdır ki, Türkiyə ilə Azərbaycanın yaxın münasibəti var. İstər siyasi, istər iqtisadi, istərsə də mədəniyyət sahəsində yaxın əlaqələrimiz var. İstənilən sahə ilə bağlı ortaq layihələr həyata keçirilir.

Türkiyədə keçirilən hər hansı bir tədbirin reaksiyası Azərbaycanda da duyulur. Belə bir tədbirin qonşu, qardaş ölkədə keçirilməsi Azərbaycan ictimaiyyəti tərəfindən xoş qarşılanmır.

Onu da qeyd etmək lazımdır ki, Türkiyədə islami dəyərlərə böyük önəm verilir. Maraqlıdır, islami dəyərlərə, dinə böyük dəyər verildiyi ölkədə gey paradın keçirilməsi nə dərəcədə düzgündür?

  • Fatimə Hacıbəyli: “… bu, təxribat da ola bilər”

“Vəfa” Sosial-İctimai Birliyinin sədri Fatimə Hacıbəyli “Bakı-Xəbər”ə açıqlamasında qeyd etdi ki, Ermənistan mətbuatının yazdığına görə, Türkiyədə gey-paradın keçirilməsinə icazə verilib. Heç şübhəsiz ki, belə bir hadisənin Türkiyədə baş verməsi təəssüf doğurur: “Nəzərə almaq lazımdır ki, Türkiyə dinə, dini əməllərə böyük önəm verir. O üzdən, bu tip paradların Türkiyədə keçirilməsi inandırıcı görünmür. Onu da nəzərə almaq lazımdır ki, “Türkiyədə gey paradın keçirilməsinə icazə verilməsi” haqqında məlumatı Ermənistan mediasi yayıb. Bu xəbəri məhz Ermənistan mediası yaydığından inandırıcı görsənmir. Bu, təxribat da ola bilər”.

Həmsöhbətimiz onu da vurğuladı ki, gey parad adlı aksiya bir sıra ölkələrdə keçirilir. Bu paradın əvvəllər də Türkiyədə keçirilməsi üçün müraciət olunmuşdu. O zamanlar bu tədbirin keçirilməsinə icazə verilməmişdi: “Təxminən 2016-cı ildə İstanbulun şəhər bələdiyyəsi gey paradın keçirilməsinə icazə verməmişdi. O zaman bunun həm təhlükəsizlik, həm də dini baxımdan keçirilməsinin düzgün olmadığı bildirilmişdi. Nəzərə almaq lazımdır ki, Azərbaycandan fərqli olaraq, Türkiyədə ictimai təhlükəsizliklə bağlı problem yaşanır. Bu səbəbdən də həmin ölkədə bu cür paradın keçirilməsi düzgün deyil”.

Günel CƏLİLOVA  

Son xəbərlər