2020-ci il sentyabrın 27-də başlanan 44 günlük Vətən müharibəsində torpaqlarımızın çox böyük hissəsi, 2023-cü ilin sentyabr ayında həyata keçirilən 23 saatlıq lokal antiterrror tədbirləri nəticəsində isə ərazilərimiz tamamilə işğaldan azad olundu, torpaqlarımızın bütünlüyü təmin olundu, suverenliyimiz bərpa edildi. Eyni zamanda Qarabağda kök salmış separatçı “liderlər” saxlanılaraq Bakıya gətirilib ədalət məhkəməsinə həvalə edildi.
Ermənistanın Azərbaycana qarşı hərbi təcavüzü nəticəsində sülh və insanlıq əleyhinə cinayətlər, müharibə cinayətləri, o cümlədən təcavüzkar müharibənin hazırlanması və aparılması, soyqırımı, müharibə qanunlarını və qaydalarını pozma, habelə terrorçuluq, terrorçuluğu maliyyələşdirmə, hakimiyyəti zorla ələ keçirmə, onu zorla saxlama və digər çoxsaylı cinayətlər törətməkdə təqsirləndirilən Ermənistan Respublikasının vətəndaşları Arayik Harutyunyan, Arkadi Qukasyan, Bako Sahakyan, Davit İşxanyan, David Babayan, Levon Mnatsakanyan və digərlərinin barəsində olan cinayət işləri üzrə açıq məhkəmə prosesində təqsirləndirilən şəxslərə hökm oxundu.
Hökmə əsasən təqsirləndirilən Arayik Harutyunyan və digər bir neçə separatçı qəti olaraq ömürlük azadlıqdan məhrum etmə cəzasına məhkum olundular.
Azərbaycan Respublikasının Bakı Hərbi Məhkəməsində erməni əsilli, Ermənistan vətəndaşı Ruben Vardanyanın barəsində olan cinayət işi üzrə yekun məhkəmə qərarı (hökm) elan etdi və o, 20 il müddətinə azadlıqdan məhrum edildi.
Qeyd edək ki, Ermənistanın hərbi təcavüzü nəticəsində sülh və insanlıq əleyhinə cinayətlər, müharibə cinayətləri, o cümlədən təcavüzkar müharibənin hazırlanması və aparılması, soyqırımı, müharibə qanunlarını və qaydalarını pozma, habelə terrorçuluq, terrorçuluğu maliyyələşdirmə, hakimiyyəti zorla ələ keçirmə, onu zorla saxlama və digər çoxsaylı cinayətlər törətməkdə təqsirləndirilən Ermənistan Respublikasının vətəndaşlarına məhkəmə hökmləri oxunub və onlar hazırda layiq olduqları cəzanı çəkirlər.
Məlum olduğu kimi, separatçılar həbs olunaraq Bakıya gətirildikdən sonra müxtəlif dövlətlər, beynəlxalq təşkilatlar, Ermənistandakı bir sıra qüvvələr onların müdafiəsinə qalxdılar və ölkəmizə, müstəqil məhkəməmizə qarşı əsassız iddialar səsləndirdilər. Xüsusən də, erməni əsilli milyarder, separatçıların “dövlət naziri” Ruben Vardanyanın cəzasız qalması üçün gecə-gündüz çalışdılar, bütün informasiya resurlarını səfərbər edib onu ədalət hökmündən qurtarmaq istədilər, amma müvəffəq ola bilmədilər, Azərbaycan məhkəməsi onun və onun kimilərinin törətdikləri bütün cinayətləri sübut edib onlara layiq olduqları cəzanı verdilər. Xaricdəki erməni lobbisinin, erməniyanlıların, anti-Azərbaycan qüvvələrinin bu cəhdləri tamamilə zərərsizləşdirildi. Onların Rubeni və başqa caniləri azad etmək üçün həyata keçirdikləri bütün kampaniyalar iflasa uğradı. Baxmayaraq ki, xaricdəki və Ermənistandakı bəzi dailərı bizə qarşı təzyiq etdilər, amma Azərbaycan dövlətinin, Azərbaycan məhkəməsinin prinsipialığı onların cəhdlərini iflasa uğratdı. Bu həm də Azərbaycan dövlətinin uğurlu xarici siyasətinin və diplomatiyasının uğuru idi. Bu gün də həmin qüvvələr öz ziyanlı fəaliyyətlərini davam etdirirlər, amma nəyəsə nail olmaq şansları heç yoxdur.
Azad Vətən Partiyasının sadri Akif Nağı baki-xeber.com-a bildirdi ki, əgər cinayət varsa cinayət törədənlər özn cəzalarına çatmalıdırlar: “Ermənistan, onun hakimiyyəti və ordusu Azərbaycan xalqına qarşı qanlı cinayətlər törədib. Həbs olunanlar da dövlətimizə və xalqımıza qarşı cinayət törədən canilərin bir hissəsi idi. Bir hissəsi isə hələ də Ermənistanda qalmaqdadır, azadlıqdadırlar, onlar da Azərbaycanın haqq məhkəməsi qarşısında mütləq dayanacaqlar. Araik Hartunyunyan da, Ruben Vardanyan da, onlar kimiləri də arxayın idlər ki, törətdikləri cinayətlər cəzasdız qalacaq, layiq olduqları cəzaları almayacaqlar, arxalarında böyük güclər, xarici qüvvələr dayanır. Onları kimlərsə müdafiə edir. O qüvvələrə çox arxayın idilər. Amma Azərbaycan tam şəkildə hüququn aliliyini, üstün olduğunu göstərdi, Bakıda ədalətli bir məhkəmə qurdu. Azərbaycan buna həm özünün hüquq siyasəti, həm də diplomatiyası ilə nail oldu. Bu Azərbaycanın xarici siyasətinin və diplomatiyasının qələbəsi idi. Azərbaycan bütün təzyiqlərə qarşı dayandı, bizə qarşı nə qədər təzyiqlər etdilər, ayrı-ayrı beynəlxalq təşkilatlar, müxtəlif dövlətlərin rəhbərləri təzyiq göstərməklə yanaşı xahiş etdilər ki, onlar azadlığa buraxılsın. Hətta onların müdafiəsi ilə bağlı təşkilalar da yaratmışdılar. Azərbaycana qarşı əsassız iddialar səsləndirməyə çalışdılar, amma bunların hamısına Azərbaycan çox böyük səbrlə dözdü, təmkinlə onları müdafiə edənləri başa salmağa çalışdı ki, cinayət törədənin cəzası da olmalıdır. Əgər başqa bir ölkənin, başqa bir xalqın başına bu işlər gəlsəydi onlar da bu cür hərəkət edərdilər, anlatdı ki, onlar hərbi canidirlər, “əsir”, “siyasi məhbus” deyillər. Onları kimlərsə “hərbi əsir”, “siyasi məhbus” kimi təqdim etməyə çalışsalar da, Azərbaycan bunların qarşısını aldı. Azərbaycan siyasəti və diplomatiyası onların dediklərinin yanlış olduğunu sübut etdi. Sonra məhkəmənin qərarları çıxdı, hüquqa uyğun olaraq onlara layiq olduqları cəzalar verildi. O qüvvələr yavaş-yavaş başa düşürlər ki, Azərbaycanla başqa cür danışmaq olmaz, cinayət törətmisənsə cavabını verməli, cəzanı çəkməlisən, əgər cinayətini başa düşürsənsə, əfvlə bağlı müraciət etməlisən. Bu Azərbaycan Prezidentinin səlahiyyətindədir”-deyə A.Nağı qeyd etdi.
İradə SARIYEVA Yazı Azərbaycan Respublikasının Medianın İnkişafı Agentliyinin maliyyə dəstəyi ilə çap olunur.
