Məhərrəm Zülfüqarlı: “Beynəlxalq Atatürk Sülh Mükafatının növbəti laureatı Azərbaycan Prezidenti ola bilər”
Martın 12-də Ankaradakı Beştəpə Mərkəzində BMT-nin Baş katibi Antonio Quterreşə Beynəlxalq Atatürk Sülh Mükafatı təqdim olunub. Bu mükafat sonuncu dəfə 2000-ci ildə Şimali Kipr Türk Cumhuriyyətinin qurucu prezidenti Rauf Denktaşa verilmişdi. Bir neçə gün əvvəl də BMT-nin Baş katibinə verildi. Azərbaycan Prezidenti İlham Əliyev Atatürk Sülh Mükafatını haqq edən siyasi liderdir.
Türkiyənin Beynəlxalq Atatürk Sülh Mükafatı Azərbaycan Prezidenti İlham Əliyevə nə vaxt verə bilər? Növbəti mükafatçı İlham Əliyev olacaqmı?
Tarix elmləri doktoru, professor Məhərrəm Zülfüqarlı baki-xeber.com-a bildirdi ki, Bu olduqca aktual və bəlkə də bir az gecikmiş məsələdir. “Türkiyənin Beynəlxalq Atatürk Sülh Mükafatı Azərbaycan Prezidenti İlham Əliyevə 2020-ci ildə Vətən müharibəsində qazandığı möhtəşəm qələbəyə görə verilə bilərdi. Yəni 2020-ci ildə 44 günlük Vətən müharibəsində Azərbaycan Ordusunun Müzəffər Ali Baş Komandanı kimi əldə etdiyi möhtəşəm qələbəyə görə bu sülh mükafatını almalı idi.
Bu ona 2023-cü ilin sentyabr ayının 19-da 23 saatlıq lokal xarakterli əməliyyatla torpaqlarımızın tamamilə işğaldan azad edilməsi vaxtı da, eyni zamanda Amerika Birləşmiş Ştatlarının prezidenti Donald Trampın iştirakı ilə Azərbaycan və Ermənistan arasında imzalanan sazişə görə də verilə bilərdi. Bütün bunlar onu göstərir ki, Azərbaycan Prezidentinin uğurlu xarici siyasəti, bütövlükdə həyata keçirdiyi sülh siyasəti bölgədə sülhün bərqərar olunmasında ən əsas amildir”.
M.Zülfüqarlının sözlərinə görə,
müasir dövrdə də Ermənistanla danışıqlarda bilavasitə sülh məsələsində aparıcı mövqe tutan Azərbaycandır, onun Prezidentidir. “
“Prezident İlham Əliyev necə ki, “Zayed İnsan Qardaşlığı Mükafatı”na layiq görüldü, inanıram ki, haqq etdiyi, layiq olduğu Beynəlxalq Atatürk Sülh Mükafatını da alacaq.
Regionda, Yaxın Şərqdə ABŞ-İsrail İran müharibəsinin getdiyi bir zamanda Azərbaycan Prezidentinin təcrübəsindən istifadə olunmasını, danışıqlarda vasitəçilik missiyasının həyata keçirilməsində mühüm töhfə verəcəyini də nəzərə alaraq o, bu mükafata layiqdir. Amma mənə belə gəlir ki, bu məsələdə gecikmə halları var. Sülh uğrunda müharizidə elə də nailiyyətlər əldə etməyən, ümumiyyətlə bəzi məsələlərə loyal münasibət bəsləyən insanlar bu mükafata iddialı ola bilərlər. Amma bu mükafatı ən layiq olan, sülh üçün real işlər görən, real sülhün bərqərar olmasını təmin edən siyasi lider Azərbaycan Prezidentidir. Prezident İlham Əliyevin son 6 ildə apardığı siyasət bunu sübut edir. Bu baxımdan, hesab edirəm ki, Beynəlxalq Atatürk Sülh Mükafatının növbəti laureatı Azərbaycan Prezidenti ola bilər” - deyə M.Zülfüqarlı qeyd etdi.
İradə SARIYEVA
