İran limanlarla bağlı ABŞ-a sərt xəbərdarlıq edib. İran Baş Qərargahının sözçüsü briqada generalı Əbülfəzl Şikarci İran limanlarına kiçik bir təhlükə olsa, Fars körfəzindəki bütün limanların hədəfə alınacağını bəyan edib.
Şikarci bu açıqlamanı ABŞ Mərkəzi Komandanlığının İrandakı mülki liman işçiləri və heyətə “dərhal hərbi fəaliyyətlərin aparıldığı obyektlərdən uzaq durun" çağırışına cavab olaraq verib.
İnqilab Keşikçiləri Korpusunun bütün qüvvələr ilə birlikdə ərazidə olduğunu vurğulayan Şikarci, Fars körfəzi üzərində nəzarətin onlarda olduğunu bildirib: "Limanlarımıza ən kiçik bir təhlükə olsa, Fars körfəzində heç bir liman və ya körpü təhlükəsiz olmayacaq və bölgədəki bütün limanlar və iqtisadi zonalar qanuni hədəfimiz olacaq".
Şikarci həmçinin region ölkələrini ərazilərini hücumlar üçün ABŞ-ın istifadəsinə verməməyə çağırıb.
Tehrandan Trampın İranda vurulacaq daha bir hədəf olmadığını və müharibənin tezliklə bitə biləcəyi açıqlamasına da sərt cavab verib.
İnqilab Keşikçiləri Komandanının müavini Əli Fədəvi iddia edib ki, Tramp özü dünən etibarilə atəşkəs elan etməyə çalışır: “Düşmən müharibədə qalib gəlsəydi, atəşkəs üçün bütün dünyadan vasitəçilik istəməzdi".
Tahir TAĞIYEV
