Azər Həsrət: "Adamdan soruşarlar ki, sən qanun çərçivəsində fəaliyyət göstərirsənsə niyə bank hesablarını Azərbaycanda deyil, gedib Tiflisdə, Londonda açırsan?"
Ölkəmizdə barələrində həbs qətimkan tədbirləri seçilən bəzi media rəhbərləri və jurnalistlərin fəaliyyəti ilə bağlı araşdırma aparılıb.
Məlum olduğu kimi, "Abzas Media" xəbər portalının rəhbəri Ülvi Həsənov, baş redaktor Sevinc Abbasova və layihə koordinatoru Məhəmməd Kekalov barəsində yeni məlumatlar üzə çıxıb. Qeyd olunan şəxslər təxribatlar törətmək və digər qanunsuz niyyətlərini reallaşdırmaq üçün "demokratik inkişafa dəstək vermək" adı altında xeyli sayda donor təşkilatları ilə yaxın əlaqələr quraraq gizli əməkdaşlıq ediblər.
Bildirək ki, noybarın 28-də Amerika Birləşmiş Ştatlarının və Almaniyanın müvəqqəti işlər vəkilləri, habelə Fransanın fövqəladə və səlahiyyətli səfiri ayrı-ayrılıqda Xarici İşlər Nazirliyinə (XİN) çağırılıblar.
XİN-dən verilən xəbərə görə, görüşlərdə bu ölkələrdə qeydiyyatda olan təşkilatların iştirakı ilə "AbzasMedia" xəbər portalının qeyri-qanuni maliyyə əməliyyatları həyata keçirdiyi, eləcə də sözügedən ölkələrin səfirliklərinin də bu fəaliyyətə cəlb olunduğu diqqətə çatdırılıb və bu fəaliyyətə ciddi etiraz bildirilib. "ABŞ-ın Beynəlxalq İnkişaf Agentliyinin, FreedomNow, New Democracy Fund və digər təşkilatların qrant verilməsi qaydalarını pozaraq maliyyə resurslarının Azərbaycan ərazisinə qanunsuz yolla transferini həyata keçirdikləri, "AbzasMedia"nın fəaliyyətinə qanundan kənar töhfələr verdikləri qeyd olunub.
Qrant fəaliyyəti və qrant müqavilələri haqqında Azərbaycan Respublikasının qanunvericiliyə əsasən qrant müqavilələrinin müvafiq prosedura uyğun olaraq dövlət qeydiyyatına alınmasının tələb olunduğu, qeydiyyatı həyata keçirilməyən layihələrə maliyyə ayrılmasının ölkə qanunvericiliyinin ciddi pozuntusu olduğu vurğulanıb.
Bununla yanaşı, beynəlxalq təcrübəyə uyğun olaraq, Media haqqında Azərbaycan Respublikasının Qanununa əsasən, yerli media subyektinin xarici ölkələrin fiziki və ya hüquqi şəxsləri, habelə xarici ölkələrin dövlət qurumları tərəfindən maliyyələşdirilməsinə yol verilmədiyi xatırlanıb.
Sözügedən ölkələrin səfirliklərinin və onlara məxsus təşkilatların ölkəmizin ərazisində qeyd edilən qanunvericiliyə zidd hərəkətləri Diplomatik əlaqələr haqqında Vyana Konvensiyasının da pozuntusu olduğu qeyd edilib.
Azərbaycan tərəfi ölkəmizin qanunvericiliyinə zidd olan və ölkənin daxili işlərinə qarışmaq məqsədi daşıyan bu fəaliyyəti şiddətlə qınayıb və sözügedən faktlarla əlaqədar milli qanunvericiliyə uyğun olaraq müvafiq tədbirlər görmək hüququnu özündə saxladığı diqqətə çatdırılıb", - XİN-in məlumatında qeyd olunub.
Söhbət ondan gedir ki, Azərbaycan qanunvericiliyinə, Media Haqqında yeni Qanuna görə, ölkəmizdə fəaliyyət göstərən media orqanları xarici hüquqi - fiziki şəxslər tərəfindən maliyyələşdirilə bilməz. "Abzas.Media" və bəzi başqa media qurumlarının təmsilçilərinin saxlanılmasının səbəbləri qeyd ediliyi kimi onların qanunun tələblərini pozması ilə bağlıdr. Yəni onlar Media Haqqında Qanunun maliyələşmə ilə bağlı bəndini, Qrant Haqqında Qanunu kobud şəkildə pozublar. Çünki onların aldıqları qrant dövlət orqanlarında qeydiyyatdan keçməyib. Bu həm media, həm də qrant haqqında qanunvericiliyin pozulması deməkdir. Qeyd edildiyi kimi ABŞ, Almaniyanın və Fransanın səfirləri Azərbaycan XİN-ə çağırılıb və media orqanlarını qanunsuz maliyələşdirdiklərinə görə onlara xəbərdarlıq olunub ki, media orqanlarını maliyyələşdirməyi dayandırsınlar.
"O maliyəni həmin şəxslərə ayırmış beynəlxalq təşkilatlar da maliyə ayırdıqlarını dana bilməzlər"
Məsələyə münasibət bildirən media eksperti Azər Həsrət "Bakı-Xəbər"ə şərhində "əslində qalanda Azərbaycan qanunlarında hər şey açıq-aydın yazılıb. Az-çox savadı olan, özəlliklə də media, qrand məsələləri barədə anlayışa malik hər kəs bilir ki, bu qanunlar çərçivəsində fəaliyyət göstərmək lazımdır. Qanundan kənara çıxanda isə təbiidir ki, konkert cəzalar nəzərdə tutulub və o cəzaların tətbiqindən də heç kim şikayətlənməməlidir. Sözügedən, "Abzas.Media", yaxud bənzər qurumların xaricdən qanunsuz maliyə alması ilə bağlı sənədlər artıq yayımlanıb. Yəni biz bunları kütləvi informasiya vasitələrində, sosial mediada görmüşük. O sənədlər təkzibedilməz sənədlərdir. Yəni hazırda istintaq altında olan şəxslər həmin sənədləri təkzib edə bilməyəcəklər. Eyni zamanda o maliyəni həmin şəxslərə ayırmış beynəlxalq təşkilatlar da maliyə ayırdıqlarını dana bilməzlər. Əlavə olaraq, həmin şəxslərin Azərbaycanda deyil, Tiflisdə, Londonda bank hesabları üzərindən maliyə alması da əlavə şübhələrə təbii ki, yol açmalı idi, açır da. Adamdan soruşarlar ki, sən qanun çərçivəsində fəaliyyət göstərirsənsə niyə bank hesablarını Azərbaycanda deyil, gedib Tiflisdə, Londonda açırsan? Niyə maliyəni Azərbaycana deyil, Gürcüstana gətirərək əldə edirsən? Yəni bu suallar açıqdır. Əlbəttə ki, istintaq zamanı həmin suallara cavab veriləcək. Verilən cavablara uyğun olaraq da müvafiq qərarlar qəbul ediləcək. İndi kimsə durub iddia etməsin ki, burada azad mətbuata basqı var, dövlət repressiv əməllərə əl atır və sair. Dövlət açıq şəkildə qanunda yazıb və bu qanun da hər kəs üçün əlçatandır. Sənin bu qanunlara əməl etməyin məcburidir, sən bunu bildiyi halda niyə onlara zidd gedirsən?Niyə həmin qanunlardan kənara çıxırsan? Çıxmısan, indi zəhmət çək cavab ver. İndi ictimai rəylə monipulyasiya etmək lazım deyil"-deyə bildirdi.
A.Həsrət qeyd etdi ki, üstəlik də, üç ölkənin səfirləri Azərbaycan XİN-ə dəvət edilib və onlara bu barədə suallar ünvanlanıb: "Onlara sual verilib ki, niyə sizin dövlətləriniz belə qanunsuz şəkildə maliyələşdirmədə maraqlıdır. Yəni bu onların nəzərinə çatdırılıb. Üçüncü bir tərəfdən də, şəxsən siyahıya baxmışam, bu maliyənin əksəriyyəti bir qayda olaraq antiazərbaycan mövqeyində dayanan təşkilatlardan gəlib. Həmin təşkilatlar ağına-bozuna baxmadan gecə-gündüz Azərbaycanı haqsız yerə tənqid edirlər, Azərbaycana qarşı kampaniyalar aparırlar. İndi sən də gedib o təşkilatlara alət olursan? Niyə onların pulu ilə Azərbaycanda ictimai rəyə mənfi rəy göstərməyə çalışırdın? Bu əməli etmisiniz, onda zəhmət çəkib qanun qarşısında cavab verin. Heç bir represiyadan, qanunsuzluqdan, dövlətin hansısa basqılarından söhbət gedə bilməz. Yəni hər şey qnaun çərçivəsində edilir və ona görə də hər kəs qanun qarşısında cavab verməlidir"-deyə A.Həsrət qeyd etdi.
Leyla QARAXANLI
