Ermənistanın İctimai Televiziyası təxminən 3 dəqiqə davam edən “Ümumrusiya Referendumunun son və əsas günü: müxalifət və hakimiyyətin rəyi” adlı reportaj hazırlayıb.
Videoda Rusiyanın müxalifət lideri Aleksey Navalnının videomüraciətindən aşağıdakı məzmundan bir parça da yer alır: “İndi baş verənlər tam uydurmadır. Əsas məqam Putinin prezidentlik müddətini sıfırlamaqdır. Dəyişikliklərin bir hissəsi kimi hər şey, hətta pişiklərin hüquqları da reklam olunur, lakin Putinin müddətinin sıfırlanması deyilmir. Vətəndaş addımınızla faydalı bir iş görmək istəyirsinizsə, seçki məntəqələrinə getməyin, amma insanlara baş verənlər barədə həqiqəti söyləyin”.
Ermənistanın İctimai Televiziyasının bu addımı Rusiyadaki dairələr tərəfindən birmənalı qarşılanmayıb. Rusiyalı ekspertlərin fikrincə, Navalnını göstərməklə əslində dövlət siyasəti göstərirlir. Daha sonra qeyd edilib ki, Rusiyada keçirilmiş konstitusiya referendumunda pozuntular barədə danışmaq sadəcə mənəvi deyil, belə bir səriştəsiz olduğunuz halda, referenduma getməyə cəsarət etmədiniz, əvəzinə sənətkar üsullarla Konstitusiyanı tapdaladınız və respublikanın konstitusiya sisteminin son illüziyalarını məhv etdiniz.
Bundan başqa, məşhur rusiyalı jurnalist Vladimir Solovyov buna istehzalı formada münasibət bildirərək qeyd edib ki, Rusiyadakı konstitusiya dəyişiklikləri ilə bağlı bir reportajda Ermənistanın İctimai Televiziyası ermənilərə və bu ölkəyə nifrət edən müxalifətçi Aleksey Navalnını göstərir: “Görün, necə maraqlıdır, biz Ermənistanı, dost ölkəmizi çox sevirik, ancaq onlar səsvermə ilə bağlı şərhdə dost Ermənistan kimləri göstərir. Ermənistanda, İctimai Televiziyada, düzəlişlərin səsverməsi ilə bağlı bir reportajda erməniləri “xaç” adlandıran, ermənilərə, Ermənistana nifrət edən millətçi Navalnını nümayiş etdirirlər. Və siz – İctimai TV, bu şəxsi çıxarıb öz efirinizdə göstərirsiniz?! Siz nə edirsiniz!”.
Bəlkədə sözügedən reportaj hansısa özəl telekanalda getsəydi, Rusiyada bu qədər pis qarşılanmazdı. Ancaq bunun məhz İctimai Televiziyada yayımlanması onu göstərir ki, belə verilişlər Paşinyanın sifarişi ilə efirə verilir.
“Onlar bunu etmədilər, amma utanmadan Rusiyada keçirilən referendumu Navalnının ağzı ilə tənqid edirlər”
Məsələyə münasibət bildirən keçmiş diplomat, politoloq Fikrət Sadıqovun sözlərinə görə, Paşinyan özünü elə göstərir ki, guya ölkədəki media siyasətinə müdaxilə etmir: “Əslində bu belə deyil. Paşinyan özünü demokrat personajı kimi qələmə verir və bəyan edir ki, o KİV-lərin fəaliyyətinə müdaxilə, nəzarət etmir. Hesab edirəm ki, bunların hamısı absurddur. Paşinyan bütün sahələrə, o cümlədən mediaya nəzarət edən baş nazirdir və demokratiyadan uzaq bir insandır. Rusiyada keçirilən referendumun tənqid edilməsi məhz yuxarıdan gələn sifarişdir. Hansı ki, Rusiyada keçirilən referendum bu ölkənin öz daxili işidir. Orada konstitusiyaya edilən düzəlişlər hər halda referendum yolu ilə edilib və bu qanuni xarakter daşıyan yoldur. Ancaq Ermənistanın özündə faktiki olaraq Konstitusiya Məhkəməsinə qarşı çevriliş edilib. Sözügedən məhkəməni parlament vasitəsi ilə dağıtdılar. Hansı ki, parlamentdə belə məsələlərə baxmırlar. Bu məsələlər mütləq referendum yolu ilə öz həllini tapmalıdır. Onlar bunu etmədilər, amma utanmadan Rusiyada keçirilən referendumu Navalnının ağzı ilə tənqid edirlər. Azərbaycanda çox yaxşı bir misal var – özünə umac ova bilmir, başqasına əriştə kəsir. Hesab edirəm ki, bu hal Ermənistan-Rusiya münasibətlərinə mənfi təsir edəcək”.
Ermənistanın özü referendum keçirə bilmədiyi halda, Rusiyada keçirilən referenduma tənqidi prizmadan yanaşması bütün hallarda gülünc mənzərə yaradır.
Vidadi ORDAHALLI
