“Mən Qazaxıstan Respublikasının Atırau bölgəsinin Tengiz vilayətində “TCO-Tengizchevroil” şirkətinə məxsus firmalarda işləyən azərbaycanlılar adından müraciət edərək, bizə göstərilən diqqət və qayğıya görə minnətdarlığımı bildirirəm.
Sizin diqqət və qayğınız daim xalqımızın üzərində olub. Koronavirus pandemiyasının dünyanın əksər ölkəsinə geniş yayıldığı bir vaxtda Qazaxıstanda yaşayan və ya işləyən azərbaycanlılar hər an dövlətimizin qayğısını hiss etdilər. Diaspor təşkilatları vasitəsilə mütəmadi olaraq hamı barədə məlumat toplanır, lazım olan yardımlar edilirdi.
Tengiz vilayətindən ölkəmizə təxliyyə edildiyimizə, karantin dövründə Atletlər kəndində yaradılan şəraitə, yüksək xidmət səviyyəsinə görə Qazaxıstanda olan bütün azərbaycanlı əməkdaşlarımız adından Sizə dərin təşəkkürümüzü bildiririk. Biz - gənc mühəndislər Sizin siyasətinizi dəstəkləyir və çiçəklənən Azərbaycanın gələcəyini yalnız Sizinlə görürük”.
Bu sözləri Lənkəran rayonu, Boladi kəndindən Əsgərov Röya Güldadaş oğlu Prezident İlham Əliyevə ünvanladığı müraciətdə qeyd edib.
Baki-xeber.com
