Avtomobil satışı ilə məşğul olan internet resursların milli valyutaya hörmətsizliyi...

Tarix: 24.12.2015 / 01:47
Bölmə: İqtisadiyyat

Mehman Muradlı: "Analoji profil üzrə ixtisaslaşan saytların qiymətləri dollarla göstərməsi qanunvericiliyin tələbini pozur"

"O cür saytlardakı ziyarətçi sayı böyük bir marketə gedən müştərilərdən daha çoxdur"

Hər bir müstəqil dövlətin milli atributlarından biri onun milli valyutasının tədavülə buraxılması və güclü pul siyasətinin həyata keçirilməsi ilə bağlıdır. Milli pul ölkənin iqtisadi gücünün əsas göstəricisi kimi çıxış edir və maliyyə sabitliyinin başlıca əlamətlərindən biri sayılır.

1991-ci ildə dövlət müstəqilliyini bərpa edən Azərbaycanın iqtisadi siyasətinin başlıca elementlərindən biri dövlətin atributlarından olan milli valyutanın - manatın dövriyyəyə buraxılması ilə bağlı idi. 1992-ci ilin əvvəllərində Azərbaycan Milli Bankının (indiki Mərkəzi Bank) yaradılmasından sonra milli valyutanın tədavülə buraxılması istiqamətində tədbirlərə başlandı. 1992-ci il avqustun 15-də müstəqil Azərbaycanın milli valyutası olan manat tədavülə buraxılıb. Həmin dövrdən bu tərəfə iqtisadiyyatda baş verən dəyişikliklərlə əlaqədar olaraq milli valyutamızın dəyərində də fərqliliklər nəzərə çarpıb. Sıfırların azadılması, yeni pul sikkələri və nominallarının dövriyyəyə buraxılmasının da şahidi olmuşuq. İqtisadiyyatın təbii qanunauyğunluqlarına görə, manatımız bir neçə dəfə devalvasiyaya da məruz qalıb. Dünyada baş verən iqtisadi böhran və Azərbaycan büdcəsinə daxilolmaların əsası olan neftin qiymətinin aşağı düşməsi manatın da dəyərinə ciddi təsir edib. Bu il ərzində obyektiv iqtisadi səbəblərə görə manatla bağlı iki dəfə devalvasiya qərarı verildi. Hər halda hökumət belə bir addımın asan olmadığının fərqindədir. Ancaq dövlətin valyuta ehtiyatlarının manatın saxlanmasına istiqamətləndirilməsi sona qədər davam edə bilməzdi. Çünki valyuta ehtiyatlarımız sürətlə azalırdı. Təəssüflər olsun ki, bu vəziyyətdən istifadə edib varlanmaq istəyənlər də az deyil. Builki müşahidələrimizdə belə hallara çox rast gəlmişik.

Bəzi alqı-satqı əməliyyatlarının yeni məzənnəyə uyğunlaşdırılması təbiidir. Manatın dəyərdən düşməsi əmlak və ya avtomobil satanları qiymət məsələsinə yenidən baxmağa vadar edir. Amma bütün bu proseslər qanunun tələblərinə uyğun şəkildə aparılmalıdır. Son 4 gün ərzində müşahidə edilən maraqlı tendensiyalardan biri də əmlak və avtomobil alqı-satqısı ilə məşğul olan saytlarda yaranıb. Satışa çıxarılan ev və ya avtomobillərin qiyməti avtomatik olaraq dollarla göstərilməyə başlanıb. Məsələn, bir nəfər avtomobilini 10 min manata satmaqla bağlı elan yerləşdirmişdisə, indi həmin rəqəmin qabağında dollar işarəsi göstərilir. Təbii ki, istənilən şəxsin öz əmlakını istədiyi qiymətə təklif etməyə haqqı var. Maraqlıdır, qiymətlərin milli valyuta ilə deyil, dollarla göstərilməsini nə dərəcədə qanuni saymaq olar?

Hüquqşünas Mehman Muradlı qəzetimizə bildirdi ki, belə əməliyyatların aparılması tamamilə qanunaziddir: "Satışa çıxarılan əmlak və ya avtomobilin qiymətində olan dəyişiklik təbiidir. Çünki manatın kursu sərbəst buraxıldığı üçün istənilən qiymət bazar qanunlarına uyğun şəkildə tənzimlənəcək. Bu, məsələnin bir tərəfidir. Ancaq ölkə daxilində həyata keçirilən istənilən növ əməliyyatlarda Azərbaycan Respublikasının qanunları rəhbər tutulmalıdır. Bilirsiniz ki, Azərbaycan dövlətinin ən ali qanunvericilik aktında manatın ölkə ərazisində yeganə ödəniş vasitəsi olması təsbit olunub. Başqa növ valyutalarla əməliyyatların aparılmasına qanunvericilik icazə vermir. Bir daha xatırladıram ki, dövlət şəxsin satdığı məhsulun qiymətinə müdaxilə edə bilməz. Ancaq qiymətlər manatla göstərilməlidir. Alqı-satqını həyata keçirən saytlar Azərbaycan ərazisində fəaliyyət göstərirsə, yəni bizim domen zonamızda ölkə qanunlarına tabe olmalıdır.

O cür saytlardakı ziyarətçi sayı böyük bir marketə gedən müştərilərdən daha çoxdur. İndi təsəvvür edin ki, hansısa marketdə qiymətlər manatla deyil, dollarla göstərilir. Həmin dəqiqə əlaqədar qurumlar bu halın qarşısının alınması istiqamətində hərəkətə keçər. Saytlarda qiymətin dollarla göstərilməsinin dediyimiz vəziyyətdən heç bir fərqi yoxdur. İstənilən adam qiyməti qaldırsın, ancaq həmin qiymət manatla qeyd edilsin. Qanunla belə olmalıdır. Bu baxımdan da analoji profil üzrə ixtisaslaşan saytların qiymətləri dollarla göstərməsi qanunvericiliyin tələbini pozur".

Məhəmmədəli QƏRİBLİ

DİGƏR XƏBƏRLƏR

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

Tarix: 07.07.2026 / 20:11

İran müharibəsi qlobal enerji təminatında yeni böhran yaradıb...

Tarix: 07.07.2026 / 16:35

Beyləqanın Əlinəzərli kəndində fermerlər üçün aqrar sığorta təlimi keçirilib

Tarix: 07.07.2026 / 12:56

Azərbaycanda vençur kapitalı fondları yaradılacaq...

Tarix: 06.07.2026 / 21:45

Ermənistan Azərbaycanla Türkiyənin elektrik şəbəkəsinə qoşulmaq istəyir...

Tarix: 06.07.2026 / 21:05

Avropanın daha bir dövləti Azərbaycanın Orta Dəhliz layihəsinə qoşulur...

Tarix: 06.07.2026 / 19:25

Ermənistan məhsullarının Avropaya çatdlrılmasında ağır problemlər yarandı...

Tarix: 06.07.2026 / 17:09

Rusiya Azərbaycan vasitəsilə Ermənistana 30 vaqon propan göndərdi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 02.07.2026 / 20:10

Dövlət qurumlarının portal və mobil tətbiqləri birləşdirilir - Mehriban Əliyevanın rəhbərlik etdiyi Şura böyük islahatlar mesajını verdi...

Tarix: 02.07.2026 / 15:16

Xırdalan Xəstəxanasına qarşı kəskin iddia - orqan köçürülmüş xəstələr ölüm təhlükəsində?...

Tarix: 25.06.2026 / 20:33

Əmək pensiyası yaşına görə qonşular bizi bir neçə il qabaqlayır...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...