Sosial şəbəkələrdə manatı lağa qoyanlar - Konstitusiya cinayəti...

Tarix: 23.12.2015 / 02:12
Bölmə: İqtisadiyyat

Nicat Dağlar: "Manatın özü dəyərdir, dəyərləri lağ-lağı mövzusuna çevirməzlər"

"Milli valyutanı aşağılamağa yönələn davranışlar bilavasitə dövlət atributuna qarşı sayğısızlıq kimi qiymətləndirilməlidir"

Dekabrın 21-də milli valyuta dollara nisbətən ucuzlaşdı. Bu olay sosial şəbəkələrdə qabarıq və ifrat formada paylaşılır. Kimisi milli valyuta olan manatı suya salıb üzən formada göstərir, başqa birisi isə manatı dəfn edir. Hətta manatın qəbri və ölüm tarixi də xüsusi proqramlar vasitəsilə hazırlanaraq sosial şəbəkə istifadəçiləri tərəfindən yayılır.

Bəzi istifadəçilər dolların manatı necə üstələməsi barədə lağ-lağı videoroliklər hazırlayaraq bəh-bəhlə paylaşır. Manata bayatı və ya şeir yazanlara da rast gəlinir. Bu cür hallara qətiyyən yol vermək olmaz. Nəyin və necə baş verməsindən asılı olmayaraq manata münasibət hər zaman ali olmalı və ona qarşı ironiyaya yol verilməməlidir.

Qeyd edək ki, son bir il ərzində bir neçə ölkədə devalvasiya yaşanıb. Özü də təkcə hasilat ölkələri deyil, neft ixrac etməyən ölkələrin də milli valyutasının məzənnəsində ucuzlaşma qeydə alınır. Həmin ölkələrin heç bir vətəndaşı öz milli pulunu bu qədər aşağılayıb lağa qoymadı.

Təəsssüf ki, bəzi sosial şəbəkə istifadəçiləri milli valyutamız olan manatı məsxərəyə çıxardı. Bu bir daha sübut edir ki, bəzi vətəndaşlar milli dəyərimiz sayılan yerli valyutaya hörmətlə yanaşmır.

Tanınmış jurnalist Nicat Dağlar qəzetimizə açıqlamasında bildirdi ki, milli valyuta suveren dövlətin atributlarından biridir. Beynəlxalq hüququn qəbul etdiyi dövlət anlayışı özündə bir neçə əsas elementi biləşdirir ki, onlardan biri də məhz milli valyutadır: "Bu baxımdan, milli valyutanı aşağılamağa yönələn davranışlar bilavasitə dövlət atributuna qarşı sayğısızlıq kimi qiymətləndirilməlidir.

Bu gün sosial şəbəkələrdə manatla bağlı xoşagəlməz fikirlər səsləndirilir, müxtəlif lətifələr uydurulur, eybəcər videoçarxlar nümayiş etdirilir. Buna qətiyyən yol vermək olmaz. Nəyin və hansı səbəbdən baş varməsindən asılı olmayaraq, manata münasibət ali olmalı, ona qarşı ironik münasibətə yol verilməməlidir".

Həmsöhbətimizin sözlərinə görə, bu gün biz digər ölkələrin də milli valyutasının bu və ya digər dərəcədə devalvasiyaya uğradığının şahidi oluruq: "Bu, hasilat ölkələrində də belədir, neft ixracatçısı olmayan ölkələrdə də. Aydındır ki, Azərbaycan neft ölkəsi olduğundan, onun milli valyutası daha ciddi təzyiq altına düşməli idi. Bu belə də oldu və manat xarici təsirlər qarşısında duruş gətirə bilməyib devalvasiyaya məruz qaldı. Məgər tarixdə belə hadisələr az olub? Qara bulud təkcə manatın başının üzərindədir? Xeyir, tarixə nəzər salsaq görərik ki, dünyanın super dövlətlərinin də milli valyutası zaman-zaman dəyərdən düşüb. Dolların özü ABŞ-ın müstəqillik tarixi ərzində azmı devalvasiyaya uğrayıb? Bu valyutanın başı qızıla bağlı olduğu vaxtlardan üzü bəri dəfələrlə dəyərdən düşüb. Bu aqibəti Avropa ölkələrinin də milli valyutaları yaşayıb. 1992-ci ili xatırlayaq. Corc Sorosun 92-ci ilin sentyabrında funt sterlinqə qarşı həyata keçirdiyi irimiqyaslı spekulyasiya nəticəsində, funt sterlinq başda olmaqla, Avropa ölkələrinin milli valyutaları bir-birinin ardınca dəyərdən düşdü. Mən inanmıram ki, o vaxt hansısa avropalı öz valyutasını bizim davranışımıza bənzər şəkildə aşağılayıb, onu tabutun içində, ölü damlarında, meyit yuyulan yerlərdə təsvir edib. Amma biz manatın halına rep də qoşuruq, segah da oxuyuruq, mərsiyə də deyirik... Belə şeylərə son qoymaq lazımdır. Manat müstəqilliyimizin bir işarəsidir. O, dəyərdə olanda da bizimdir, dəyərdən düşəndə də. Manatın özü dəyərdir. Dəyərləri lağ-lağı mövzusuna çevirməzlər".

Günel CƏLİLOVA

DİGƏR XƏBƏRLƏR

Tarix: 26.10.2026 / 11:50

Kimlərin pensiyalarına əlavələr ediləcək? - AÇIQLANDI...

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

Tarix: 21.10.2026 / 16:50

Neft Fondumuzun çox valyuta qazanmasına mane olan tək səbəb var...

Tarix: 21.10.2026 / 13:35

Azərbaycanda yeni bank yaradıla bilər - Aİ-dən TƏKLİF...

Tarix: 21.10.2026 / 10:23

Avropalı investorların Qarabağ, Şərqi Zəngəzur və Naxçıvana marağı artır - Aİ hesabatı

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...